„შპს საქართველოს ფოსტის მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2025 წლის 29 დეკემბრის №608 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„შპს საქართველოს ფოსტის მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2025 წლის 29 დეკემბრის №608 დადგენილებაში ცვლილების შეტანის თაობაზე
დოკუმენტის ნომერი	200
დოკუმენტის მიმღები	საქართველოს მთავრობა
მიღების თარიღი	15/05/2026
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 19/05/2026
სარეგისტრაციო კოდი	040170020.10.003.025749

PDF გადმოწერა

„შპს საქართველოს ფოსტის მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2025 წლის 29 დეკემბრის №608 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „შპს საქართველოს ფოსტის მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2025 წლის 29 დეკემბრის №608 დადგენილებაში (www.matsne.gov.ge, 30/12/2025, 040170020.10.003.025502) შეტანილ იქნეს ცვლილება და დადგენილებით დამტკიცებული „შპს საქართველოს ფოსტის მიერ საქონლისა და მომსახურების შესყიდვების სპეციალური წესის“:

1. მე-6 მუხლს დაემატოს შემდეგი შინაარსის მე-4 პუნქტი:

„4. ამ წესის დანართის მე-6, მე-8 და 21-ე პუნქტებით გათვალისწინებულ მომსახურების შესყიდვაზე, თუ ამ მომსახურების შესყიდვა ხორციელდება არარეზიდენტი პირებისგან, ბაზრის კვლევა ტარდება ამ მუხლის მე-3 პუნქტში მოცემული სახელმწიფო შესყიდვების სფეროში მოქმედი კანონმდებლობისგან განსხვავებული, შპს საქართველოს ფოსტის მიერ განსაზღვრული მეთოდით.“.

2. მე-16 მუხლს დაემატოს შემდეგი შინაარსის მე-12 პუნქტი:

„12. ამ მუხლის პირველი, მე-2 და მე-3 პუნქტებით დადგენილი მოთხოვნები არ ვრცელდება კონფიდენციალურ სახელშეკრულებო ურთიერთობებზე.“.

3. დანართის:

ა) მე-6 პუნქტი ჩამოყალიბდეს შემდეგი რედაქციით:

„6.

საფოსტო-საკურიერო და ტვირთების მიღებისა და გადაზიდვის მომსახურების გაწევასთან დაკავშირებული მომსახურების შესყიდვა (საჰაერო, საზღვაო, სარკინიგზო და სახმელეთო გადაზიდვისა და ავტოსატრანსპორტო საშუალებების ქირაობა საქართველოს საზღვრებს გარეთ, სატერმინალო მომსახურება, აეროპორტის, საზღვაო პორტისა და სატვირთო ტერმინალის მომსახურება და გზის მომსახურების გადასახადები)“;

ბ) მე-8 პუნქტი ჩამოყალიბდეს შემდეგი რედაქციით:

„8.	საქართველოს საზღვრებს გარეთ გადაზიდვების მომსახურების გაწევისათვის საჭირო საერთაშორისო დაზღვევის მომსახურება. საერთაშორისო გზავნილების საბაჟო და სხვა მოსაკრებლების შეგროვებისა და გადარიცხვის მომსახურება“.

4. დანართს დაემატოს შემდეგი შინაარსის 21-ე პუნქტი:

„21.

საქართველოს საზღვრებს გარეთ გზავნილების მიღების, შეგროვების, დასაწყობების, დამუშავებისა და მასთან დაკავშირებული თანმდევი მომსახურებები.“.

მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი ირაკლი კობახიძე