„ადიგენის მუნიციპალიტეტის მერიის ინფრასტრუქტურის, სივრცითი მოწყობის, არქიტექტურისა და მშენებლობის სამსახურის დებულების დამტკიცების შესახებ “ ადიგენის მუნიციპალიტეტის საკრებულოს 2015 წლის პირველი დეკემბრის №65 დადგენილებაში ცვლილების შეტანის თაობაზე

დადგენილებით დამტკიცებული დანართი №1-ის მე-4 მუხლი ჩამოყალიბდეს შემდეგი რედაქციით:

„მუხლი 4. სამსახურის ფუნქციები

სამსახური დადგენილი წესით უზრუნველყოფს:

ა) მუნიციპალური ინფრასტრუქტურის განვითარების პროგრამების შემუშავებას და მათი განხორციელების მონიტორინგს (გარდა დაბა აბასთუმნის ტერიტორიისა);

ბ) წინადადებების, დასკვნებისა და რეკომენდაციების შემუშავებას მუნიციპალური ინფრასტრუქტურის ობიექტების შექმნის, განვითარების და მათი ექსპლოატაციის საკითხებზე (გარდა დაბა აბასთუმნის ტერიტორიისა);

გ) მუნიციპალური ინფრასტრუქტურის ობიექტების მოვლა-პატრონობას (გარდა დაბა აბასთუმნის ტერიტორიისა);

დ) ტერიტორიის კეთილმოწყობის მუნიციპალური პროგრამებისა და პროექტების მომზადებას და მათ განსახორციელებლად რეკომენდაციებისა და წინადადების შემუშავებას (გარდა დაბა აბასთუმნის ტერიტორიისა);

ე) ადგილობრივი მნიშვნელობის გზების, ხიდების, გარე განათების რეაბილიტაციისა და განვითარების დაგეგმვას, შესაბამისი პროგრამებისა და პროექტების მომზადებას, მათი განხორციელების კოორდინაციას (გარდა დაბა აბასთუმნის ტერიტორიისა);

ვ) სივრცითი მოწყობისა და ქალაქთმშენებლობის დოკუმენტების მომზადების ორგანიზებას (გარდა დაბა აბასთუმნის ტერიტორიისა);

ზ) წინადადების, დასკვნებისა და რეკომენდაციების შემუშავებას სივრცითი მოწყობისა და ქალაქთმშენებლობითი დოკუმენტების პროექტებზე (გარდა დაბა აბასთუმნის ტერიტორიისა);

თ) წინადადებების, დასკვნებისა და რეკომენდაციების მომზადებას დასახლებათა მიწათსარგებლობის, უფლებრივი ზონირების, ტერიტორიების გამოყენებისა და განაშენიანების რეგულირების საკითხებზე (გარდა დაბა აბასთუმნის ტერიტორიისა);

ი) გეგმარებითი დავალებების მომზადებას  (გარდა დაბა აბასთუმნის ტერიტორიისა);

კ) მუნიციპალიტეტის სივრცითი მოწყობისა და ქალაქთმშენებლობის საინფორმაციო-საკომუნიკაციო სისტემის ჩამოყალიბებასა და განვითარებას (გარდა დაბა აბასთუმნის ტერიტორიისა);

ლ) წინადადებების შემუშავებას სასაფლაოების მოვლა-პატრონობისა და შესაბამისი საზოგადოებრივი მომსახურების ორგანიზების საკითხებზე;

მ) სამშენებლო მუნიციპალური დაკვეთების მომზადებას და მათი განხორციელების კოორდინაციას (გარდა დაბა აბასთუმნის ტერიტორიისა);

ნ) საქმის წარმოებას მშენებლობის ნებართვების გაცემასთან დაკავშირებით (გარდა დაბა აბასთუმნის ტერიტორიისა);

ო) მშენებლობის ნებართვების თაობაზე სამართლებრივი აქტების შემუშავებას (გარდა დაბა აბასთუმნის ტერიტორიისა);

პ) შესრულებული სამუშაოების შესაბამისი დასკვნებისა და აქტების მომზადებას (გარდა დაბა აბასთუმნის ტერიტორიისა);

ჟ) სამსახურის კომპეტენციას მიკუთვნებულ საკითხებთან დაკავშირებულ სახელმწიფო შესყიდვების შესახებ ხელშეკრულების პირობების შესრულების კონტროლს, სახელმწიფო შესყიდვების დოკუმენტაციის მომზადებას და მათ წარდგენას ადიგენის მუნიციპალიტეტის მერიის შესყიდვების სამსახურისათვის (გარდა დაბა აბასთუმნის ტერიტორიისა);

რ) სამსახურის კომპეტენციას მიკუთვნებულ საკითხებთან დაკავშირებული ადიგენის მუნიციპალიტეტის საკრებულოს, მერის სამართლებრივი აქტების, მერიის წერილების, ოფიციალური დოკუმენტაციების პროექტების მომზადებას და ადიგენის მუნიციპალიტეტის მერისთვის წარდგენას (გარდა დაბა აბასთუმნის ტერიტორიისა);

ს) მოქმედი კანონმდებლობით და სხვა სამართლებრივი აქტებით განსაზღვრული ფუნქციების განხორციელებას;

ტ) უნებართვოდ ან/და პროექტის დარღვევით აშენებული ობიექტის ან მისი ნაწილის ლეგალიზებასთან დაკავშირებულ საქმისწარმოებას, სამართლებრივი აქტების მომზადებას და გადაწყვეტილებების მიღებას ობიექტების ან მათი ნაწილების ლეგალიზაციის შესახებ (გარდა დაბა აბასთუმნის ტერიტორიისა);

უ) გამოაქვს გადაწყვეტილება ბინათმესაკუთრეთა ამხანაგობის აღრიცხვის ან აღრიცხვაზე უარისთქმის შესახებ, დადებითი გადაწყვეტილების შემთხვევაში აღრიცხავს ბინათმესაკუთრეთა ამხანაგობებს სააღრიცხვო ბარათში;

ფ) განიხილავს ბინათმესაკუთრეთა ამხანაგობების განცხადებებს და იღებს გადაწყვეტილებას ბინათმესაკუთრეთა ამხანაგობების განვითარების ხელშეწყობის პროგრამებთან დაკავშირებით.“.