,,არასახელმწიფო საპენსიო დანაგროვთა აქტივების სტრუქტურისა და შემადგენლობის შესახებ“ საქართველოს ფასიანი ქაღალდების ეროვნული კომისიის 2005 წლის 7 ოქტომბრის №61 დადგენილებაში ცვლილებების შეტანის შესახებ“

სახელმწიფო სარეგისტრაციო კოდი 280.050.000.12.005.009.820

საქართველოს ფასიანი ქაღალდების ეროვნული კომისიის

დადგენილება №72

2007 წლის 16 იანვარი

ქ. თბილისი

,,არასახელმწიფო საპენსიო დანაგროვთა აქტივების სტრუქტურისა და შემადგენლობის შესახებ“ საქართველოს ფასიანი ქაღალდების ეროვნული კომისიის 2005 წლის 7 ოქტომბრის №61 დადგენილებაში ცვლილებების შეტანის შესახებ“

,,არასახელმწიფო საპენსიო დაზღვევისა და უზრუნველყოფის შესახებ“ საქართველოს კანონის 33-ე მუხლის პირველი პუნქტის ,,ბ“ ქვეპუნქტისა და ,,ფასიანი ქაღალდების ბაზრის შესახებ“ 56-ე მუხლის პირველი პუნქტის საფუძველზე და ამავე კანონის 49-ე მუხლის ,,ა“ ქვეპუნქტით საქართველოს ფასიანი ქაღალდების ეროვნული კომისიისათვის მინიჭებული უფლებამოსილების შესაბამისად, საქართველოს ფასიანი ქაღალდების ეროვნული კომისია ადგენს:

1. საქართველოს ფასიანი ქაღალდების ეროვნული კომისიის 2005 წლის 7 ოქტომბრის №61 დადგენილებაში ,,არასახელმწიფო საპენსიო დანაგროვთა აქტივების სტრუქტურისა და შემადგენლობის შესახებ“ (სსმ III, 17.10.2005 წ., №119, მუხლი 1333) შეტანილ იქნეს შემდეგი ცვლილებები:

ა) დადგენილებით დამტკიცებული ,,არასახელმწიფო საპენსიო დანაგროვთა აქტივების სტრუქტურისა და შემადგენლობის შესახებ წესის“ მე-3 მუხლის მე-6 პუნქტის ,,ვ“ ქვეპუნქტი ჩამოყალიბდეს შემდეგი რედაქციით:

,,ვ) უძრავ ქონებაში ინვესტირებული საპენსიო სახსრების საერთო ღირებულება არ უნდა აღემატებოდეს საინვესტიციო სახსრების 35%-ს.“;

ბ) ზემოხსენებული წესის მე-5 მუხლი ჩამოყალიბდეს შემდეგი რედაქციით:

,,მუხლი 5. გარდამავალი დებულებები

5.1. ამ წესის მე-3 მუხლის მე-6 პუნქტის ,,დ“ და ,,ე“ ქვეპუნქტები ამოქმედდეს 2008 წლის 1 იანვრიდან.

5.2. საპენსიო დანაგროვთა ამ წესის მე-3 მუხლის მე-2 პუნქტის ,,ა“, ,,ბ“ და ,,დ“ ქვეპუნქტებით განსაზღვრულ ობიექტებში ინვესტირების შემთხვევებზე ამ წესის მე-3 მუხლის მე-3 პუნქტით გათვალისწინებული 20%-იანი შემზღუდავი ნორმა გავრცელდეს 2008 წლის 1 იანვრიდან.“.

2. წინამდებარე დადგენილების პირველი მუხლის ,,ა“ პუნქტით განსაზღვრული 35%-იანი შემზღუდავი ნორმა ძალაშია წინამდებარე დადგენილების ამოქმედებიდან 2009 წლის 1 იანვრამდე.

3. წინამდებარე დადგენილება ამოქმედდეს გამოქვეყნებისთანავე.

თავმჯდომარის მოვალეობის

შემსრულებელი                    თ. გოდერძიშვილი