„საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილების ფარგლებში გეგმური ამბულატორიული მომსახურების მოცულობის, დაფინანსების მეთოდოლოგიისა და ანაზღაურების წესის, ასევე შედეგზე დაფუძნებული ანაზღაურების მეთოდოლოგიის დანერგვის ადმინისტრირებისთვის გასატარებელ ღონისძიებათა შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2025 წლის 30 აპრილის N9/ნ ბრძანებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილების ფარგლებში გეგმური ამბულატორიული მომსახურების მოცულობის, დაფინანსების მეთოდოლოგიისა და ანაზღაურების წესის, ასევე შედეგზე დაფუძნებული ანაზღაურების მეთოდოლოგიის დანერგვის ადმინისტრირებისთვის გასატარებელ ღონისძიებათა შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2025 წლის 30 აპრილის N9/ნ ბრძანებაში ცვლილების შეტანის თაობაზე
დოკუმენტის ნომერი	13/ნ
დოკუმენტის მიმღები	საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი
მიღების თარიღი	20/04/2026
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 20/04/2026
სარეგისტრაციო კოდი	470230000.22.035.017208

PDF გადმოწერა

„საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილების ფარგლებში გეგმური ამბულატორიული მომსახურების მოცულობის, დაფინანსების მეთოდოლოგიისა და ანაზღაურების წესის, ასევე შედეგზე დაფუძნებული ანაზღაურების მეთოდოლოგიის დანერგვის ადმინისტრირებისთვის გასატარებელ ღონისძიებათა შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2025 წლის 30 აპრილის №9/ნ ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილების ფარგლებში გეგმური ამბულატორიული მომსახურების მოცულობის, დაფინანსების მეთოდოლოგიისა და ანაზღაურების წესის, ასევე შედეგზე დაფუძნებული ანაზღაურების მეთოდოლოგიის დანერგვის ადმინისტრირებისთვის გასატარებელ ღონისძიებათა შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2025 წლის 30 აპრილის №9/ნ ბრძანებაში (www.matsne.gov.ge; 30/04/2025; 470230000.22.035.017170) შეტანილ იქნეს ცვლილება და:

1. ბრძანებით დამტკიცებული №1 დანართის („საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილების ფარგლებში, გეგმური ამბულატორიული მომსახურების მოცულობის, დაფინანსების მეთოდოლოგიისა და ანაზღაურების წესის, ასევე შედეგზე დაფუძნებული ანაზღაურების მეთოდოლოგიის დანერგვის ადმინისტრირებისთვის შესაბამისი ღონისძიებების უზრუნველყოფა და ეტაპები) მე-4 პუნქტის:

ა) „ა“ ქვეპუნქტის „ა.გ“ ქვეპუნქტი ჩამოყალიბდეს შემდეგი რედაქციით:

„ა.გ) 2026 წლის პირველი მაისიდან, დადებითი შეფასების მქონე დაწესებულებების დაფინანსების განახლებულ მოდელში ჩართვა.“;

ბ) „ბ“ ქვეპუნქტის „ბ.გ“ ქვეპუნქტი ჩამოყალიბდეს შემდეგი რედაქციით:

„ბ.გ) 2027 წლის პირველი მარტიდან დადებითი შეფასების მქონე დაწესებულებების დაფინანსების განახლებულ მოდელში ჩართვა.“;

გ) „გ“ ქვეპუნქტი ჩამოყალიბდეს შემდეგი რედაქციით:

„გ) 2028 წლის პირველი მარტიდან „სოფლის ექიმის“ სახელმწიფო პროგრამის მიმწოდებლების ჩართვა.“.

2. ბრძანებით დამტკიცებული №3 დანართის („შედეგზე დაფუძნებული ანაზღაურების მეთოდოლოგია“):

ა) მე-2 პუნქტი ჩამოყალიბდეს შემდეგი რედაქციით:

„2. შედეგზე დაფუძნებული დაფინანსების ინდიკატორები:

ცხრილი №1

№	ინდიკატორის დასახელება	აღწერილობა	სამიზნე*
1	ჰიპერტენზიის მქონე პაციენტთა მოცვა	ჰიპერტენზიით (I10- I15) დაავადებულ 18 წლის და უფროსი ასაკის პაციენტების პროცენტული მაჩვენებელი, რომელთაც განახორციელეს ვიზიტი პჯდ ექიმთან და სამედიცინო დოკუმენტში ასახულია არტერიული წნევა და შეფასებულია მკურნალობა.	50%
2	HbA1c სკრინინგი	ტიპი 2 დიაბეტის მქონე 18 წლის და უფროსი ასაკის პაციენტთა პროცენტული მაჩვენებელი, რომელთაც დოკუმენტირებული აქვთ HbA1c მაჩვენებელი.	50%
3	ჰიპერტენზიის დროს თირკმლის დაზიანების შეფასება (კრეატინინი/eGFR)	ჰიპერტენზიით (I10-I15) დაავადებული 40 წლის და უფროსი ასაკის პაციენტების პროცენტული მაჩვენებელი, რომელთაც განუსაზღვრეს კრეატინინი/eGFR.	50%
4	ტიპი 2 დიაბეტის დროს თირკმლის დაზიანების შეფასება (კრეატინინი/eGFR)	ტიპი 2 დიაბეტის დროს 18 წლის და უფროსი ასაკის პაციენტების პროცენტული მაჩვენებელი, რომელთაც განუსაზღვრეს კრეატინინი/eGFR.	50%
5	ჰიპერტენზიის დროს თირკმლის დაზიანების შეფასება (მიკროალბუმინურიის ტესტი/UACR)	ჰიპერტენზიით (I10- I15) 40 წლის და უფროსი ასაკის პაციენტების პროცენტული მაჩვენებელი, რომელთაც განუსაზღვრეს მიკროალბუმინურიის ტესტი /UACR.	40%
6	ტიპი 2 დიაბეტის დროს სამიზნე თირკმლის დაზიანების შეფასება (მიკროალბუმინურიის ტესტი/UACR)	ტიპი 2 დიაბეტით დაავადებულ 18 წლის და უფროსი ასაკის პაციენტების პროცენტული მაჩვენებელი, რომელთაც განუსაზღვრეს მიკროალბუმინურიის ტესტი /UACR.	40%
7	კარდიოვასკულარული დაავადების (CVD) რისკის შეფასება 40 წლის და უფროსი ასაკის პაციენტებში	40 წლის და უფროსი ასაკის პაციენტების პროცენტული მაჩვენებელი, რომელთაც დაუდგინდათ CVD რისკი ჯანმრთელობის მსოფლიო ორგანიზაციის რისკის შეფასების არა-ლაბორატორიული ინსტრუმენტის გამოყენებით (ასაკი, სქესი, მწეველობის სტატუსი, სისხლის სისტოლური წნევა, BMI).	40%
8	წითელა, წითურა, ყბაყურა მეორე – მოცვა	ბავშვთა რაოდენობა, რომელთაც წლის მანძილზე ჩაუტარდათ აცრა წითელა, წითურა, ყბაყურას (MMR) ანტიგენების შემცველი ვაქცინის ერთი დოზით.	90%
სამიზნე მაჩვენებლები გათვლილია 2025-2026 წლებისთვის. მაჩვენებლები გადაიხედება ყოველწლიურად. *ინდიკატორების პასპორტი განისაზღვრება მინისტრის შესაბამისი ნორმატიული აქტით

ცხრილი №2

№	ინდიკატორის დასახელება	აღწერილობა	სამიზნე*
1	წწყ2 მოცვა	1-დან 2 წლამდდე ასაკის ბავშვთა რაოდენობა, რომელთაც წლის მანძილზე ჩაუტარდათ აცრა წითელა, წითურა, ყბაყურას (MMR) ანტიგენების შემცველი ვაქცინის ერთი დოზით	90%
2	დიფთერია-ყივანახველა-ტეტანუსის ანტიგენების ვაქცინის სამი დოზით მოცვა (Hexa-3)	1 წლამდე ასაკის ბავშვთა რაოდენობა, რომელთაც წლის მანძილზე ჩაუტარდათ აცრა დიფთერია, ტეტანუსი, ყივანახველას (დყტ/DTP) ანტიგენის შემცველი ვაქცინის სამი დოზით	90%
3	40- 70 წწ ქალების ძუძუს კიბოს სკრინინგში რეფერალი – სერვისის მიმწოდებელთან ბენეფიციარების ვიზიტის დაჯავშნა	სამიზნე მოსახლეობის მოცვის გაუმჯობესების მიზნით 40-70 წწ ქალებისთვის ძუძუს კიბოს სკრინინგის პროგრამაში ვიზიტის დაჯავშნა პჯდ დაწესებულების მიერ	25%
4	25-60 წწ ქალების საშვილოსნოს ყელის კიბოს სკრინინგში რეფერალი – სერვისის მიმწოდებელთან ბენეფიციარების ვიზიტის დაჯავშნა	სამიზნე მოსახლეობის მოცვის გაუმჯობესების მიზნით 25-60 წწ ქალებისთვის საშვილოსნოს ყელის კიბოს სკრინინგის პროგრამაში ვიზიტის დაჯავშნა პჯდ დაწესებულების მიერ	25%
5	50-70 წწ პირებში კოლორექტული კიბოს სკრინინგში რეფერალი – სერვისის მიმწოდებელთან ბენეფიციარების ვიზიტის დაჯავშნა	სამიზნე მოსახლეობის მოცვის გაუმჯობესების მიზნით 50-70 წწ პირებში კოლორექტული კიბოს სკრინინგის პროგრამაში ვიზიტის დაჯავშნა პჯდ დაწესებულების მიერ	25%

.“;

ბ) მე-2 პუნქტის შემდეგ დაემატოს შემდეგი შინაარსის 2¹პუნქტი:

„2¹. ამავე დანართის მე-2 პუნქტის ცხრილი №2-ით გათვალისწინებული პირობების შესრულება გავრცელდეს დანართი №1-ის მე-4 პუნქტის „ა.გ“ ქვეპუნქტით განსაზღვრულ სამედიცინო დაწესებულებებზე 2026 წლის 31 დეკემბრის ჩათვლით.“;

გ) მე-3 პუნქტი ჩამოყალიბდეს შემდეგი რედაქციით:

„3. სამედიცინო დაწესებულებების მიერ ინდიკატორების სამიზნეებთან შესაბამისობის ანალიზსა და ვერიფიკაციას უზრუნველყოფს განმახორციელებელი, მიმწოდებლების მიერ პირველადი ჯანმრთელობის დაცვის ცენტრალური საინფორმაციო სისტემის, ასევე სხვა შესაბამისი საინფორმაციო სისტემების („სამედიცინო სტატისტიკური ინფორმაციის წარმოების და მიწოდების წესის შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2019 წლის 25 მარტის №01-26/ნ ბრძანებით განსაზღვრული საინფორმაციო სისტემები) და/ან სამინისტროს მიერ შემუშავებული ანგარიშგების ფორმის შესაბამისად წარმოდგენილი ინფორმაციის საფუძველზე, კალენდარული წლის დასრულებიდან 6 თვის (იანვარი-ივნისი) განმავლობაში.“.

მუხლი 2

1. ბრძანება ამოქმედდეს გამოქვეყნებისთანავე.

2. ბრძანების პირველი მუხლის პირველი პუნქტის „ა“ ქვეპუნქტის მოქმედება გავრცელდეს 2026 წლის პირველი მარტიდან წარმოშობილ ურთიერთობებზე.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე