,,კასპის მუნიციპალიტეტის 2026 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ კასპის მუნიციპალიტეტის საკრებულოს 2025 წლის 19 დეკემბრის №23 დადგენილებაში ცვლილების შეტანის თაობაზე

ა) დადგენილებით დამტკიცებული წესის  1-ლი მუხლის მე-2 პუნქტის „ვ“ ქვეპუნქტში შევიდეს ცვლილება და ჩამოყალიბდეს შემდეგი რედაქციით:

„ვ) უარი ან დაფინანსების ფურცელი (გარდა სამედიცინო საშუალებებისა და ტარგეტული თერაპიის გლივეკით) სახელმწიფო პროგრამით ან სადაზღვევო კომპანიიდან  დაფინანსების თაობაზე ან/და შესაძლებელია, იგივე მონაცემები წარმოდგენილი იყოს ხარჯთაღრიცხვის დოკუმენტში“.

ბ)  დადგენილებით დამტკიცებული წესის მე-11 მუხლში შევიდეს ცვლილება და ჩამოყალიბდეს შემდეგი რედაქციით:

„მუხლი 11. სიმსივნით დაავადებულ პირთა კონსულტაცია (ერთი), კვლევები, მანიპულაციები და პროცედურები

„1. ამ მუხლით ბენეფიციარს დახმარება გაეწევა ერთჯერადად კვლევებისთვის, მანიპულაციებისთვის და პროცედურებისთვის: 500-ლარამდე სრულად, ხოლო 501-ლარიდან 70% თანადაფინანსებით,  არაუმეტეს 800 ლარისა.

2. ამ მუხლით დახმარების მიმღებმა მუნიციპალიტეტის მერიაში უნდა წარმოადგინოს:

ა) განცხადება მუნიციპალიტეტის მერის სახელზე;

ბ) განმცხადებლის პირადობის დამადასტურებელი დოკუმენტი;

გ) ბენეფიციარის პირადობის დამადასტურებელი დოკუმენტი, ხოლო არასრულწლოვანის შემთხვევაში – დაბადების მოწმობა და არასრულწლოვანის რეგისტრაციის ბარათი (ან პირადობის დამადასტურებელი დოკუმენტი);

დ) ცნობა ჯანმრთელობის მდგომარეობის შესახებ (ფორმა №100 ექიმთან მიმართვიდან სამი თვის ვადით);

ე) ხარჯთაღრიცხვა ან/და კალკულაცია ან/და სხვა დოკუმენტი სამედიცინო დაწესებულებიდან.

3. ანაზღაურდება უნაღდო ანგარიშსწორების ფორმით შესაბამის ანგარიშსწორების ანგარიშზე.“.

გ) დადგენილებით დამტკიცებული წესის  მე-13 მუხლის მე-4 პუნქტის „ზ“ ქვეპუნქტში შევიდეს ცვლილება და ჩამოყალიბდეს შემდეგი რედაქციით:

„ზ) ონკოლოგიურ პაციენტს ამ მუხლით გათვალისწინებული კვლევები დაუფინანსდება მოთხოვნილი თანხის 70% თანადაფინანსებით არაუმეტეს 500 ლარისა, ხოლო  საპენსიო ასაკის პირის შემთხვევაში კომპიუტერული ტომოგრაფიის დაფინანსებაზე საჭიროა უარი საყოველთაო ჯანდაცვიდან ან კერძო სადაზღვევო კომპანიიდან, გარდა მე-2 პუნქტით სარგებლობისას“ .

დ) დადგენილებით დამტკიცებული წესის  მე-14 მუხლის მე-2 პუნქტის „ვ“ ქვეპუნქტში შევიდეს ცვლილება და ჩამოყალიბდეს შემდეგი რედაქციით:

„ვ) უარი (გარდა კორონაროგრაფიისა, ანგიოგრაფიისა) ან დაფინანსების ფურცელი სახელმწიფო პროგრამით ან სადაზღვევო კომპანიიდან დაფინანსების თაობაზე ან/და შესაძლებელია იგივე მონაცემები წარმოდგენილი იყოს ხარჯთაღრიცხვის დოკუმენტში“.

ე) დადგენილებით დამტკიცებული წესის  24-ე მუხლის მე-7 პუნქტში  შევიდეს ცვლილება და ჩამოყალიბდეს შემდეგი რედაქციით:

„7. ამ მუხლით დახმარების მიმღები ვერ ისაგებლებს 26-ე მუხლით გათვალისწინებული დახმარებით“.