„საქართველოს საზღვაო სივრცის სამართლებრივი რეჟიმის კონტროლის უზრუნველყოფის მიზნით სახელმწიფო საზღვრის დაცვის სუბიექტებისა და სახელმწიფო სასაზღვრო რეჟიმის დაცვასთან დაკავშირებული საქართველოს აღმასრულებელი ხელისუფლების ორგანოების საზღვაო ოპერაციების ერთობლივი მართვის ცენტრის ჩამოყალიბებისა და ინფორმაციის მართვის წესის დამტკიცების შესახებ“ საქართველოს მთავრობის 2018 წლის 26 ოქტომბრის №503 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საქართველოს საზღვაო სივრცის სამართლებრივი რეჟიმის კონტროლის უზრუნველყოფის მიზნით სახელმწიფო საზღვრის დაცვის სუბიექტებისა და სახელმწიფო სასაზღვრო რეჟიმის დაცვასთან დაკავშირებული საქართველოს აღმასრულებელი ხელისუფლების ორგანოების საზღვაო ოპერაციების ერთობლივი მართვის ცენტრის ჩამოყალიბებისა და ინფორმაციის მართვის წესის დამტკიცების შესახებ“ საქართველოს მთავრობის 2018 წლის 26 ოქტომბრის №503 დადგენილებაში ცვლილების შეტანის თაობაზე
დოკუმენტის ნომერი	135
დოკუმენტის მიმღები	საქართველოს მთავრობა
მიღების თარიღი	31/03/2026
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 01/04/2026
სარეგისტრაციო კოდი	120020000.10.003.025684

PDF გადმოწერა

„საქართველოს საზღვაო სივრცის სამართლებრივი რეჟიმის კონტროლის უზრუნველყოფის მიზნით სახელმწიფო საზღვრის დაცვის სუბიექტებისა და სახელმწიფო სასაზღვრო რეჟიმის დაცვასთან დაკავშირებული საქართველოს აღმასრულებელი ხელისუფლების ორგანოების საზღვაო ოპერაციების ერთობლივი მართვის ცენტრის ჩამოყალიბებისა და ინფორმაციის მართვის წესის დამტკიცების შესახებ“ საქართველოს მთავრობის 2018 წლის 26 ოქტომბრის №503 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საქართველოს საზღვაო სივრცის სამართლებრივი რეჟიმის კონტროლის უზრუნველყოფის მიზნით სახელმწიფო საზღვრის დაცვის სუბიექტებისა და სახელმწიფო სასაზღვრო რეჟიმის დაცვასთან დაკავშირებული საქართველოს აღმასრულებელი ხელისუფლების ორგანოების საზღვაო ოპერაციების ერთობლივი მართვის ცენტრის ჩამოყალიბებისა და ინფორმაციის მართვის წესის დამტკიცების შესახებ“ საქართველოს მთავრობის 2018 წლის 26 ოქტომბრის №503 დადგენილებაში (www.matsne.gov.ge, 26/10/2018, 120020000.10.003.020819) შეტანილ იქნეს ცვლილება და დადგენილებით დამტკიცებული „საქართველოს საზღვაო სივრცის სამართლებრივი რეჟიმის კონტროლის უზრუნველყოფის მიზნით სახელმწიფო საზღვრის დაცვის სუბიექტებისა და სახელმწიფო სასაზღვრო რეჟიმის დაცვასთან დაკავშირებული საქართველოს აღმასრულებელი ხელისუფლების ორგანოების საზღვაო ოპერაციების ერთობლივი მართვის ცენტრის დებულებისა და ინფორმაციის მართვის წესის“:

1. პირველი მუხლის მე-2 პუნქტი ჩამოყალიბდეს შემდეგი რედაქციით:

„2. ცენტრი საქმიანობისას ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებით, საერთაშორისო საზღვაო სამართლის შესახებ გაეროს კონვენციით (1982), ზღვაზე ადამიანის სიცოცხლის დაცვის შესახებ საერთაშორისო კონვენციით (1974, შესწორებული), ზღვაზე ძებნისა და გადარჩენის შესახებ საერთაშორისო კონვენციით (1979), საზღვაო ნაოსნობის უსაფრთხოების წინააღმდეგ მიმართული არაკანონიერი აქტების წინააღმდეგ ბრძოლის შესახებ საერთაშორისო კონვენციით (1988), ნარკოტიკული საშუალებებისა და ფსიქოტროპული ნივთიერებების უკანონო ბრუნვის წინააღმდეგ ბრძოლის შესახებ საერთაშორისო კონვენციით (1988), გემების ბალასტური წყლის და დანალექების კონტროლისა და მართვის შესახებ საერთაშორისო კონვენციით (2004), მეზღვაურების მომზადების, დიპლომირებისა და ვახტის გაწევის შესახებ საერთაშორისო კონვენციით (1978), ნავთობით გაჭუჭყიანებისაგან მიყენებული ზარალისათვის სამოქალაქო პასუხისმგებლობის შესახებ საერთაშორისო კონვენციით (1969, შესწორებული), ხომალდებიდან გაჭუჭყიანების აღკვეთის შესახებ საერთაშორისო კონვენციით (MARPOL) (1973, შესწორებული), მოძრავი სატელიტური კავშირის საერთაშორისო ორგანიზაციის შესახებ საერთაშორისო კონვენციით (1976), „საქართველოს სახელმწიფო საზღვრის შესახებ“, „საქართველოს საზღვაო სივრცის შესახებ“, „პოლიციის შესახებ“, „პერსონალურ მონაცემთა დაცვის შესახებ“, „ეროვნული უსაფრთხოების პოლიტიკის დაგეგმვისა და კოორდინაციის წესის შესახებ“, „საზღვაო-სამაშველო სამსახურის შესახებ“, „დაცული ტერიტორიების სისტემის შესახებ“, „კოლხეთის დაცული ტერიტორიების შექმნისა და მართვის შესახებ“, „ბირთვული და რადიაციული უსაფრთხოების შესახებ“, „სამოქალაქო უსაფრთხოების შესახებ“ საქართველოს კანონებით, სხვა საკანონმდებლო და კანონქვემდებარე ნორმატიული აქტებით.“.

2. მე-7 მუხლის პირველ პუნქტს დაემატოს შემდეგი შინაარსის „ნ“ ქვეპუნქტი:

„ნ) საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულება – საგანგებო სიტუაციების მართვის სამსახური.“.

3. მე-9 მუხლის პირველ პუნქტს დაემატოს შემდეგი შინაარსის „პ“ ქვეპუნქტი:

„პ) საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულების – საგანგებო სიტუაციების მართვის სამსახურის უფროსი.“.

4. მე-10 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. მშვიდობიან პერიოდში ცენტრი დღე-ღამის განმავლობაში ახორციელებს მორიგეობას, რომელშიც ჩართულნი არიან სასაზღვრო პოლიციის სანაპირო დაცვის დეპარტამენტის, სასაზღვრო პოლიციის ოპერატიულ-საგამოძიებო დეპარტამენტისა და საქართველოს შინაგან საქმეთა სამინისტროს საპატრულო პოლიციის დეპარტამენტის წარმომადგენლები. სხვა მონაწილე უწყებების სურვილის შემთხვევაში, შესაძლებელია მათი წარმომადგენლების/ექსპერტების ჩართვა სამორიგეო საქმიანობის შესრულებაში.“;

ბ) მე-8 პუნქტის შემდეგ დაემატოს შემდეგი შინაარსის მე-9 პუნქტი:

„9. ცენტრის საქმიანობის მარეგულირებელ ადმინისტრაციულ-სამართლებრივ აქტებს (მათ შორის, სტანდარტულ ოპერაციულ პროცედურებს), უწყებათშორის საბჭოსთან კონსულტაციების შედეგად, ამტკიცებს საქართველოს შინაგან საქმეთა მინისტრი.“.

5. №1 დანართის:

ა) №1 ცხრილის:

ა.ა) პირველი და მე-2 პუნქტები ჩამოყალიბდეს შემდეგი რედაქციით:

„1

საქართველოს სასაზღვრო პოლიციის სანაპირო დაცვის დეპარტამენტი

საქართველოს საზღვაო სივრცის სამართლებრივი რეჟიმის კონტროლი, უსაფრთხოება და დაცვა

ინფორმაცია საქართველოს სასაზღვრო პოლიციის სანაპირო დაცვის დეპარტამენტის დაქვემდებარებაში არსებული მცურავი საშუალებების სტატუსზე (მორიგე, მზადყოფნაში და ზღვაში მყოფი);

ინფორმაცია ტექნიკური გაუმართაობის შესახებ საქართველოს საზღვაო სივრცის მონიტორინგის სისტემაში;

ინფორმაცია საქართველოს საზღვაო სივრცეში სამართალდარღვევების შესახებ;

ინფორმაცია საზღვაო ინციდენტების შესახებ;

ინფორმაცია ძებნა-გადარჩენის ოპერაციის შესახებ;

ინფორმაცია პოტენციური საფრთხეებისა და ანომალიების გამოვლენის შესახებ;

ინფორმაცია მაღალი რისკის მქონე გემების შესახებ და ცვლილებების არსებობის შემთხვევაში − მიზეზი;

ინფორმაცია მიმდინარე და დაგეგმილი სასაზღვრო პოლიციური ღონისძიებების შესახებ;

ყურადსაღები (სამართალდარღვევები და საზღვაო აქტივობები) ინფორმაცია შავი ზღვის ქვეყნებიდან და სხვა საერთაშორისო პარტნიორებისაგან;

ინფორმაცია საქართველოს საზღვაო სივრცის აფხაზეთის ა/რ ოკუპირებული ტერიტორიის საზღვაო მონაკვეთზე რადიოგადაჭერებით მიღებული მნიშვნელოვანი მონაცემების შესახებ;

ინფორმაცია საქართველოს საზღვაო სივრცის აფხაზეთის ა/რ ოკუპირებული ტერიტორიის საზღვაო მონაკვეთზე სხვა ქვეყნების სამხედრო და სასაზღვრო ჯარების სანაპირო დაცვის ხომალდების მოძრაობის/აქტიურობის შესახებ;

ინფორმაცია შავი ზღვის აკვატორიაში სხვა ქვეყნების სამხედრო ძალების შავი ზღვის ფლოტის ხომალდების მოძრაობის შესახებ

საქართველოს სასაზღვრო პოლიციის ოპერატიულ-საგამოძიებო დეპარტამენტი

საქართველოს საზღვაო სივრცეში, მართლსაწინააღმდეგო საქმიანობიდან მომდინარე საფრთხეების დროულად გამოვლენა და თავიდან აცილება

− ინფორმაცია საქართველოს საზღვაო სივრცეში და საზღვაო ნავსადგურებში არსებული სამართალდარღვევების შესახებ;

− ინფორმაცია მოსალოდნელი საზღვაო საფრთხეების შესახებ;

− ინფორმაცია საქართველოს საზღვაო სივრცეში არსებული და მოსალოდნელი ოპერატიული ვითარების შესახებ;

− ინფორმაცია აფხაზეთის ა/რ ოკუპირებული ტერიტორიის საზღვაო მონაკვეთებზე გემების მოძრაობის შესახებ;

− ინფორმაცია საქართველოს საზღვაო სივრცეში სამხედრო ხასიათისა და ტერორისტული საქმიანობის შესახებ;

− ინფორმაცია იმ პირების შესახებ, რომლებიც შემჩნეულნი არიან საერთაშორისო საზღვაო კანონმდებლობით დადგენილი ნორმების დარღვევით სხვადასხვა ტვირთის გადაზიდვაში;

− ინფორმაცია იმ პირების შესახებ, რომლებიც შემჩნეულნი არიან მიგრანტების არალეგალურად გადაყვანაში;

− ინფორმაცია საქართველოს საზღვაო სივრცეში შემოსულ გემებზე მგზავრებსა და ეკიპაჟს შორის მაღალი რისკის შემცველი ქვეყნების მოქალაქეების შესახებ.“;

ა.ბ) მე-14 პუნქტის შემდეგ დაემატოს შემდეგი შინაარსის მე-15 პუნქტი:

„15

საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულება − საგანგებო სიტუაციების მართვის სამსახური

საგანგებო სიტუაციების პრევენცია და მათთვის მზადყოფნის ორგანიზება, საგანგებო სიტუაციებზე რეაგირების ორგანიზება და საგანგებო სიტუაციის ზონაში აღდგენითი სამუშაოების ჩატარების კოორდინირება, სამოქალაქო უსაფრთხოების ეროვნული სისტემის კოორდინირება, რეფორმირება და მდგრადი განვითარება

− ინფორმაცია საგანგებო სიტუაციების მართვის სამსახურის დაქვემდებარებაში არსებული მცურავი საშუალებების სტატუსის შესახებ (მორიგე, მზადყოფნაში და ზღვაში მყოფი);

− ინფორმაცია საზღვაო-საჰაერო სივრცეში მომხდარი საჰაერო და საზღვაო ინციდენტების შესახებ;

− ინფორმაცია ძებნა-გადარჩენის ოპერაციის შესახებ;

− ინფორმაცია პოტენციური საფრთხეების გამოვლენის შესახებ;

− ინფორმაცია ზღვაზე დაგეგმილი და მიმდინარე საერთაშორისო ან/და უწყებათაშორისი სწავლებების/ღონისძიებების შესახებ;

− ინფორმაცია საქართველოსთვის საერთაშორისო დახმარების საზღვაო სივრცით მიღების/გაგზავნის/ტრანზიტის ფაქტის შესახებ;

− ინფორმაცია „საავიაციო ძებნა-შველის რეაგირების გეგმით“ განსაზღვრული ფუნქციებისა და უფლება-მოვალეობის შესრულების მიზნით შექმნილი უწყებათაშორისი კომისიის მიერ შემუშავებული რეკომენდაციების/ანგარიშის/სხვა რელევანტური მონაცემების შესახებ.“;

ბ) №2 ცხრილის:

ბ.ა) მე-2 პუნქტი ჩამოყალიბდეს შემდეგი რედაქციით:

„2

საქართველოს სასაზღვრო პოლიციის ოპერატიულ-საგამოძიებო დეპარტამენტი

− ინფორმაცია საქართველოს საზღვაო სივრცეში არსებული და მოსალოდნელი ვითარების, გამოწვევებისა და საფრთხეების შესახებ;

− ინფორმაცია საზღვაო ოპერაციების, სწავლებების, წვრთნების მიმდინარეობების შესახებ;

− ინფორმაცია შავი ზღვის ქვეყნებიდან და სხვა საერთაშორისო პარტნიორებიდან საქართველოს საზღვაო სივრცეში სამხედრო ხასიათისა და ტერორისტული საქმიანობის შესახებ;

− ინფორმაცია მომეტებული საფრთხის შემცველი ტვირთების შესახებ (ქბრბ);

− ინფორმაცია კერძო კომპანიებისა და გემების შესახებ, რომლებიც შემჩნეულნი არიან საერთაშორისო საზღვაო კანონმდებლობით დადგენილი ნორმების დარღვევით სხვადასხვა ტვირთის გადაზიდვაში;

− ინფორმაცია კომპანიებისა და გემების შესახებ, რომლებიც ახორციელებენ მიგრანტების არალეგალურად გადაყვანას;

− ინფორმაცია საქართველოს საზღვაო სივრცეში შემოსულ გემებზე რისკის შემცველი ქვეყნის მოქალაქეების არსებობის შესახებ.“;

ბ.ბ) მე-14 პუნქტის შემდეგ დაემატოს შემდეგი შინაარსის მე-15 პუნქტი:

„15

− ინფორმაცია ძებნა-გადარჩენის ოპერაციის შესახებ;

− ინფორმაცია მოსალოდნელი საზღვაო საფრთხეების შესახებ;

− ინფორმაცია ზღვაზე ფაქტობრივი და მოსალოდნელი ამინდის შესახებ;

− ინფორმაცია საქართველოს საზღვაო სივრცეში განსაცდელში მყოფი გემის (მათ შორის, მეზღვაური ან მგზავრი) შესახებ;

− ინფორმაცია საქართველოს საზღვაო სივრცეში, საზღვაო ნავსადგურების სარეჟიმო ტერიტორიაზე, ტერმინალებში, საკონტროლო გამშვებ პუნქტზე გამოვლენილი მაღალი რადიაციული ფონის გამოვლენის შესახებ;

− ინფორმაცია მომეტებული საფრთხის შემცველი ტვირთების შესახებ (ქბრბ);

− ინფორმაცია ზღვაზე, ასევე საზღვაო მონაკვეთის საჰაერო სივრცეში ძებნა-შველის ხასიათის, დაგეგმილი და მიმდინარე საერთაშორისო ან/და უწყებათაშორისი სწავლებების/წვრთნების/ ღონისძიებების შესახებ.“.

6. დანართი №2 ჩამოყალიბდეს თანდართული რედაქციით.

მუხლი 2

საქართველოს შინაგან საქმეთა სამინისტრომ ამ დადგენილების ამოქმედებიდან სამი თვის ვადაში, საზღვაო უსაფრთხოების უწყებათაშორის საბჭოსთან კონსულტაციების შედეგად, უზრუნველყოს შესაბამისი ადმინისტრაციულ-სამართლებრივი აქტების ამ დადგენილებასთან შესაბამისობა.

მუხლი 3

დადგენილება ამოქმედდეს გამოქვეყნებისთანავე.

პრემიერ-მინისტრი ირაკლი კობახიძე