„სსიპ − საქართველოს სტატისტიკის ეროვნული სამსახურის აღმასრულებელი დირექტორობის კანდიდატებისა და საქსტატის საბჭოს წევრის შესარჩევი დამოუკიდებელი საკონკურსო კომისიის შექმნის შესახებ“ საქართველოს მთავრობის 2024 წლის 16 აპრილის №138 დადგენილებაში ცვლილების შეტანის თაობაზე

1.დადგენილების:

ა) სათაური ჩამოყალიბდეს შემდეგი რედაქციით:

„სსიპ − საქართველოს სტატისტიკის ეროვნული სამსახურის აღმასრულებელი დირექტორობის კანდიდატისა და საქსტატის საბჭოს წევრის შესარჩევი დამოუკიდებელი საკონკურსო კომისიის შექმნის შესახებ“;

ბ) პირველი მუხლი ჩამოყალიბდეს შემდეგი რედაქციით:

„მუხლი 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-6 მუხლის, „ოფიციალური სტატისტიკის შესახებ“ საქართველოს კანონის მე-10 მუხლის მე-2 და მე-3 პუნქტებისა და მე-14 მუხლის მე-3 პუნქტის საფუძველზე, შეიქმნას სსიპ − საქართველოს სტატისტიკის ეროვნული სამსახურის აღმასრულებელი დირექტორობის კანდიდატისა და საქსტატის საბჭოს წევრის შესარჩევი დამოუკიდებელი საკონკურსო კომისია შემდეგი შემადგენლობით:

1. მიხეილ დუნდუა − საქართველოს ფინანსთა მინისტრის მოადგილე.

2. გენადი არველაძე − საქართველოს ეკონომიკისა და მდგრადი   განვითარების მინისტრის მოადგილე.

3. შოთა ბერეკაშვილი − საქართველოს პარლამენტის ეკონომიკური   პოლიტიკის კომიტეტის თავმჯდომარე.

4. ირაკლი ხელაძე − საქართველოს პარლამენტის საფინანსო-საბიუჯეტო კომიტეტის თამჯდომარის პირველი მოადგილე.

5. ილია შამუგია − საქართველოს მთავრობის ადმინისტრაციის უფროსის მოადგილე.

6. ლევან ვეფხვაძე − ა(ა)იპ − საქართველოს ბიზნეს ასოციაციის აღმასრულებელი დირექტორი.“.

2. დადგენილებით დამტკიცებული „სსიპ − საქართველოს სტატისტიკის ეროვნული სამსახურის აღმასრულებელი დირექტორის თანამდებობის დასაკავებლად ღია კონკურსის ჩატარების წესისა და აღმასრულებელი დირექტორობის კანდიდატებისთვის სავალდებულო საკვალიფიკაციო მოთხოვნების“:

ა) პირველი მუხლის მე-2 პუნქტი ჩამოყალიბდეს შემდეგი რედაქციით:

„2. კონკურსის ოფიციალურად გამოცხადება ხდება საქართველოს მთავრობის ადმინისტრაციის მიერ ადმინისტრირებული ვებგვერდის მეშვეობით, „საჯარო სამსახურის შესახებ“ საქართველოს კანონისა და საქართველოს მთავრობის 2017 წლის 21 აპრილის №204 დადგენილებით დამტკიცებული „საჯარო სამსახურში კონკურსის ჩატარების წესის“ შესაბამისად.“;

ბ) მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. განაცხადის წარდგენა ხდება მხოლოდ ელექტრონული ფორმით, საქართველოს მთავრობის ადმინისტრაციის მიერ ადმინისტრირებული ვებგვერდის მეშვეობით.“;

გ) მე-4 მუხლის მე-4 პუნქტი ჩამოყალიბდეს შემდეგი რედაქციით:

„4. დამოუკიდებელი საკონკურსო კომისია საქართველოს პრემიერ-მინისტრს წარუდგენს აღმასრულებელი დირექტორის ვაკანტურ თანამდებობაზე დასანიშნად შერჩეულ 1 კანდიდატს.“.