„რესტრუქტურიზებული ვალდებულებების ერთიანი რეესტრის წარმოების წესისა და რეესტრის ფორმის დამტკიცების თაობაზე“ საქართველოს ფინანსთა მინისტრის 2014 წლის 24 დეკემბრის №382 ბრძანებაში ცვლილებების შეტანის შესახებ

1. ბრძანების პრეამბულა ჩამოყალიბდეს შემდეგი რედაქციით:

„სახელმწიფო სესხების რესტრუქტურიზაციის შესახებ“ საქართველოს კანონის 8¹ მუხლის მე-2 პუნქტის საფუძველზე, ვბრძანებ:“.

2. ბრძანებით დამტკიცებული „რესტრუქტურიზებული  ვალდებულებების ერთიანი რეესტრის წარმოების წესის“:

ა) პირველი მუხლის პირველი პუნქტი ჩამოყალიბდეს შემდეგი რედაქციით:

„1. ეს წესი ადგენს რესტრუქტურიზებული ვადაგადაცილებული სასესხო დავალიანებების (შემდგომში – რესტრუქტურიზებული ვალდებულებები) ერთიანი რეესტრის (შემდგომში – რეესტრი) წარმოების წესსა და პირობებს.“;

ბ) მე-2 მუხლის  „ბ“ ქვეპუნქტი ჩამოყალიბდეს შემდეგი რედაქციით:

„ბ) ამონაწერი რეესტრიდან – საქართველოს ფინანსთა სამინისტროს სახაზინო სამსახურის მიერ გაცემული ოფიციალური დოკუმენტი, რომლითაც დასტურდება რეესტრში ჩანაწერის არსებობა, ვადაგადაცილებული სასესხო დავალიანების რესტრუქტურიზაციის ფაქტი და დავალიანების დაფარვის მდგომარეობა;“;

გ) მე-3 მუხლის მე-3 პუნქტი ჩამოყალიბდეს შემდეგი რედაქციით:

„3. რეესტრი შედგება სამი განყოფილებისაგან:

ა) პირველი განყოფილება – სასესხო დავალიანების რესტრუქტურიზაციის რეჟიმში მყოფი საწარმოების  განყოფილება;

ბ) მეორე განყოფილება – სასესხო დავალიანების რესტრუქტურიზაციის რეჟიმიდან გამოსული, ვალდებულებების მქონე საწარმოების განყოფილება;

გ) მესამე განყოფილება – სასესხო დავალიანების რესტრუქტურიზაციის რეჟიმიდან გამოსული, ვალდებულებების არმქონე (დახურული) საწარმოების  განყოფილება.“;

დ) მე-4 მუხლის მე-7 პუნქტი ამოღებულ იქნეს;

ე) მე-9 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ვადაგადაცილებული სასესხო დავალიანების რესტრუქტურიზაციის შესახებ ხელშეკრულების მხარეებს;“.

3. ბრძანებით დამტკიცებული  „რესტრუქტურიზებული  ვალდებულებების ერთიანი რეესტრის  ფორმის“ (დანართი №1) მეოთხე და მეხუთე განყოფილებები ამოღებულ იქნეს.