„გარემოს დაცვის სახელმწიფო ინსპექტორის სპეციალური ბლანკის ფორიმსი დამტკიცების შესახებ"

სახელმწიფო სარეგისტრაციო კოდი 360.160.000.22.023.009.619

საქართველოს გარემოს დაცვისა და ბუნებრივი რესურსების

მინისტრის ბრძანება №1321

2006 წლის 1 დეკემბერი

ქ. თბილისი

გარემოს დაცვის სახელმწიფო ინსპექტორის სპეციალური ბლანკის ფორმის დამტკიცების შესახებ

,,გარემოს დაცვის სახლმწიფო კონტროლის შესახებ“ საქართველოს კანონის 22-ე მუხლის მე-2 პუნქტის ,,ბ“ ქვეპუნქტის შესაბამისად, ვბრძანებ:

1. დამტკიცდეს გარემოს დაცვის სახელმწიფო ინსპექტორის სპეციალური ბლანკის თანდართული ფორმა.

2. ეს ბრძანება ამოქმედდეს გამოქვეყნებისთანავე.

მინისტრის მოვალეობის

შემსრულებელი დ. ჩანტლაძე

გარემოს დაცვის სახელმწიფო ინსპექტორის სპეციალური ბლანკის ფორმა

გარემოს დაცვის სახელმწიფო ინსპექტორის სპეციალური ბლანკი (ნიმუში თან ერთვის) წარმოადგენს A4 ზომის ფორმატის ფურცელს. ბლანკის ზედა მხარეს ცენტრში განთავსებულია წარწერა ,,გარემოს დაცვის სახელმწიფო ინსპექტორი“, ხოლო ბლანკის ზედა მხარეს, მარცხენა კუთხეში განთავსებულია ერთგვარი გეომეტრიული ფიგურა, რომლის მწვანე ველზე გამოსახულია ფრთაგაშლილი არწივი და ,,ელვა“. გეომეტრიულ ფიგურაში ამოტვიფრულია წარწერა: ,,გარემოს დაცვის ინსპექცია“. ბლანკში მითითებულია ინსპექტორის მისამართი, ტელეფონის ნომერი, ბლანკის ნომერი და რეგისტრაციის თარიღი.

№ ---------------------                                                     „------“ ---------------------------- წელი