“სკოლისგარეშე სახელოვნებო საგანმანათლებლო დაწესებულება – დუშეთის რაიონის დაბა თიანეთის ნ. ქუმსიაშვილის სახელობის სამუსიკო სკოლის საჯარო სამართლის იურიდიულ პირად დაფუძნებისა და მისი წესდების დამტკიცების შშესახებ" საქართველოს კულტურის, ძეგლთა დაცვისა და სპორტის მინისტრის 2006 წლის 6 ოქტომბრის №3/438 ბრძანებაში ცვლილებების შეტანის შესახებ"

სახელმწიფო სარეგისტრაციო კოდი 040.030.000.22.028.009.612

საქართველოს კულტურის, ძეგლთა დაცვისა და სპორტის მინისტრის

ბრძანება №3/491

2006 წლის 29 ნოემბერი

ქ. თბილისი

,,სკოლისგარეშე სახელოვნებო საგანმანათლებლო დაწესებულების – დუშეთის რაიონის დაბა თიანეთის ნ. ქუმსიაშვილის სახელობის სამუსიკო სკოლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს კულტურის, ძეგლთა დაცვისა და სპორტის მინისტრის 2006 წლის 6 ოქტომბრის №3/438 ბრძანებაში ცვლილებების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლის პირველი პუნქტისა და საქართველოს ზოგადი ადმინისტრაციული კოდექსის 63-ე მუხლის თანახმად, ვბრძანებ:

1. სკოლისგარეშე სახელოვნებო საგანმანათლებლო დაწესებულების – დუშეთის რაიონის დაბა თიანეთის ნ. ქუმსიაშვილის სახელობის სამუსიკო სკოლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს კულტურის, ძეგლთა დაცვისა და სპორტის მინისტრის 2006 წლის 6 ოქტომბრის №3/438 ბრძანებაში (სსმ III, 2006 წ., №141, მუხ. 1948) შეტანილ იქნეს შემდეგი ცვლილებები:

ა) ბრძანების სათაური ჩამოყალიბდეს შემდეგი რედაქციით:

,,სკოლისგარეშე სახელოვნებო საგანმანათლებლო დაწესებულება – თიანეთის ნ. ქუმსიაშვილის სახელობის სამუსიკო სკოლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ.“;

ბ) ბრძანების 1-ლი და მე-2 პუნქტები ჩამოყალიბდეს შემდეგი რედაქციით:

,,1. თიანეთის ნ. ქუმსიაშვილის სახელობის სამუსიკო სკოლის ბაზაზე დაფუძნდეს საჯარო სამართლის იურიდიული პირი – სკოლისგარეშე სახელოვნებო საგანმანათლებლო დაწესებულება – თიანეთის ნ. ქუმსიაშვილის სახელობის სამუსიკო სკოლა“.

2. დამტკიცდეს ,,საჯარო სამართლის იურიდიული პირის – სკოლისგარეშე სახელოვნებო საგანმანათლებლო დაწესებულების – თიანეთის ნ. ქუმსიაშვილის სახელობის სამუსიკო სკოლის თანდართული წესდება.“;

გ) ბრძანებით დამტკიცებული წესდების სათაური ჩამოყალიბდეს შემდეგი რედაქციით:

,,საჯარო სამართლის იურიდიული პირის – სკოლისგარეშე სახელოვნებო საგანმანათლებლო დაწესებულების – თიანეთის ნ. ქუმსიაშვილის სახელობის სამუსიკო სკოლის წესდება“;

დ) ბრძანებით დამტკიცებული წესდების პირველი მუხლის პირველი პუნქტი ჩამოყალიბდეს შემდეგი რედაქციით:

,,1. საჯარო სამართლის იურიდიული პირი – სკოლისგარეშე სახელოვნებო საგანმანათლებლო დაწესებულება – თიანეთის ნ. ქუმსიაშვილის სახელობის სამუსიკო სკოლა (შემდგომში – სამუსიკო სკოლა) არის ,,საჯარო სამართლის იურიდიული პირის შესახებ“ და ,,ზოგადი განათლების შესახებ“ საქართველოს კანონების საფუძველზე შექმნილი სკოლისგარეშე სახელოვნებო საგანმანათლებლო დაწესებულება, რომელიც ახორციელებს სამუსიკო საგანმანათლებლო პროგრამებს ზოგადსაგანმანათლებლო პროგრამების გარეშე დაწყებით საფეხურზე.“ .

2. ეს ბრძანება ამოქმედდეს გამოქვეყნებისთანავე.

გ. გაბაშვილი