„ტექნიკური რეგლამენტის „სამედიცინო დასხივების სფეროში რადიაციული უსაფრთხოების მოთხოვნების“ დამტკიცების შესახებ“ საქართველოს მთავრობის 2022 წლის 26 აპრილის №226 დადგენილებაში ცვლილების შეტანის თაობაზე

„1. რენტგენოდიაგნოსტიკური კაბინეტის განთავსება დაუშვებელია საბავშვო საგანმანათლებლო და სასწავლო დაწესებულებებში. დასაშვებია დაბალი გამოსხივების დოზის მქონე რენტგენოდიაგნოსტიკური დანადგარების − დენტალური რენტგენოდიაგნოსტიკური, მამოგრაფიული დანადგარებისა და დენსიტომეტრების გამოყენება სამედიცინო დაწესებულებებში, რომლებიც განთავსებულია საცხოვრებელ შენობებში, იმ შემთხვევაშიც, როდესაც მოსაზღვრე სათავსები გამოიყენება საცხოვრებლად. იმ პირობით, რომ:

ა) განხორციელებულია რადიაციული დაცვის შეფასება, მათ შორის, რადიაციული დაცვის გაანგარიშება;

ბ) უზრუნველყოფილია მოსახლეობისათვის დადგენილი  დასაშვები დოზის ზღვრული მნიშვნელობების დაცვა, მოქმედი კანონმდებლობის შესაბამისად;

გ) დაცულია რადიაციული დაცვის მოთხოვნები, მოქმედი ტექნიკური რეგლამენტებისა და სხვა ნორმატიული აქტების შესაბამისად.“.