„საქართველოს ენერგეტიკისა და წყალმომარაგების მარეგულირებელი ეროვნული კომისიის დებულების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2020 წლის 28 დეკემბრის №79 დადგენილებაში ცვლილების შეტანის თაობაზე

ა) მე-9 მუხლი ჩამოყალიბდეს შემდეგი რედაქციით:

„მუხლი 9. კომისიის აპარატის სტრუქტურული ერთეულები

1. კომისიის საქმიანობის ორგანიზებასა და ყოველდღიურ საქმისწარმოებას უზრუნველყოფს კომისიის აპარატი.

2. კომისიის აპარატის სტრუქტურული ერთეულია დეპარტამენტი.

3. კომისიის აპარატში იქმნება შემდეგი დეპარტამენტები:

ა) ელექტროენერგეტიკის დეპარტამენტი;

ბ) ბუნებრივი გაზის დეპარტამენტი;

გ) წყალმომარაგების დეპარტამენტი;

დ) ტარიფებისა და ეკონომიკური ანალიზის დეპარტამენტი;

ე) მარეგულირებელი აუდიტის დეპარტამენტი;

ვ) იურიდიული დეპარტამენტი;

ზ) რეგულირების განვითარებისა და მეთოდოლოგიური უზრუნველყოფის დეპარტამენტი;

თ) დავებისა და სერვისების მართვის დეპარტამენტი;

ი) ბაზრის მონიტორინგისა და შიდა აუდიტის დეპარტამენტი;

კ) მომსახურების კომერციული ხარისხის კონტროლის დეპარტამენტი;

ლ) საზოგადოებასთან ურთიერთობის დეპარტამენტი;

მ) საერთაშორისო ურთიერთობათა დეპარტამენტი;

ნ) ადმინისტრაციული დეპარტამენტი;

ო) ქონების მართვის დეპარტამენტი;

პ) საფინანსო-საბიუჯეტო დეპარტამენტი;

ჟ) კომპიუტერულ-ტექნიკური და პროგრამული უზრუნველყოფის დეპარტამენტი.

4. დეპარტამენტში შეიძლება შეიქმნას ერთი ან რამდენიმე ერთეული – სამმართველო.

5. კომისიის საქმიანობის მხარდაჭერის მიზნით კომისიის აპარატში შეიძლება შეიქმნას საექსპერტო-ანალიტიკური ჯგუფი.“;

ბ) მე-10 მუხლი ჩამოყალიბდეს შემდეგი რედაქციით:

„მუხლი 10. კომისიის აპარატის სტრუქტურული ერთეულის ხელმძღვანელობა

1. დეპარტამენტს ხელმძღვანელობს დეპარტამენტის დირექტორი, ხოლო სამმართველოს – სამმართველოს უფროსი.

2. კომისიის აპარატის დეპარტამენტის დირექტორს შეიძლება ჰყავდეს პირველი მოადგილე და/ან მოადგილე/მოადგილეები.

3. კომისიის აპარატის სტრუქტურული ერთეულის ფუნქციების სრულფასოვანი განხორციელების მიზნით, ხელმძღვანელი:

ა) წარმართავს და ორგანიზებას უწევს შესაბამისი სტრუქტურული ერთეულის საქმიანობას საქართველოს კანონმდებლობის, ამ დებულების, კომისიის თავმჯდომარისა და წევრების დავალებათა შესაბამისად;

ბ) პასუხისმგებელია შესაბამის სტრუქტურულ ერთეულზე დაკისრებული ფუნქციების ჯეროვან შესრულებაზე;

გ) განსაზღვრავს მის დაქვემდებარებაში მყოფი თითოეული საშტატო ერთეულის ფუნქციებსა და მოვალეობებს. თუ სტრუქტურული ერთეულის ფარგლებში შექმნილია ერთი ან რამდენიმე სამმართველო, უზრუნველყოფს მათ კოორდინირებულ საქმიანობას და განსაზღვრავს მათში შემავალი საშტატო ერთეულების ფუნქციებსა და მოვალეობებს;

დ) ამზადებს სტრუქტურული ერთეულის საქმიანობის კვარტალურ და წლიურ ანგარიშებს, ასევე, კომისიის ან კომისიის თავმჯდომარის დავალებით – სხვა ნებისმიერ ანგარიშს;

ე) კომპეტენციის ფარგლებში, ასრულებს კომისიის, კომისიის თავმჯდომარის ან/და კომისიის წევრის დავალებებს;

ვ) ახორციელებს ამ დებულებით გათვალისწინებულ სხვა უფლებამოსილებებს.

4. სტრუქტურული ერთეულის ხელმძღვანელის მიერ სამსახურებრივი უფლებამოსილებების შესრულების შეუძლებლობის, მისი არყოფნის ან არარსებობის შემთხვევაში მის მოვალეობას ასრულებს მისი პირველი მოადგილე ან მოადგილე, ხოლო პირველი მოადგილის და/ან მოადგილის მიერ აღნიშნული უფლებამოსილების შესრულების შეუძლებლობის, მისი არყოფნის ან არარსებობის შემთხვევაში – შესაბამისი სტრუქტურული ერთეულის დასაქმებული.“;

გ) მე-12 მუხლი ამოღებულ იქნეს.