სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის ორგანიზაციულ ღონისძიებათა შესახებ

1. მიღებულ იქნეს საქართველოს რესპუბლიკის მინისტრთა კაბინეტის წინადადება სახელმწიფო კომერციული ინდუსტრიული ბანკის „ინდუსტრიაბანკის“ სააქციო-კომერციულ ბანკად გარდაქმნის შესახებ, რაც განხორციელდეს საქართველოს რესპუბლიკის მინისტრთა კაბინეტის 1993 წლის 14 აპრილის №288 დადგენილების შესაბამისად.

2. სახელმწიფო კომერციულმა ბანკმა „ინდუსტრიაბანკმა“ უზრუნველყოს დამფუძნებელ ტიპობრივ დოკუმენტაციაში, მათ შორის სააქციო-კომერციული ბანკის წესდებაში, ბანკის ფუნქციონირებისათვის საჭირო სათანადო ცვლილებების შეტანა.

3. „ინდუსტრიაბანკის“ აქციონირებისას მასზე გავრცელდეს საქართველოს სახელმწიფოს მეთაურის 1994 წლის 29 მაისის №178 ბრძანებულებით გათვალისწინებული შეღავათები.

4. საქართველოს რესპუბლიკის ეროვნულმა ბანკმა უზრუნველყოს დადგენილი წესით ახლად დაფუძნებული სააქციო-კომერციული ბანკის რეგისტრაცია და გასცეს  გენერალური ლიცენზია საბანკო ოპერაციების წარმოებაზე, მათ შორის უცხოური ვალუტით.

საქართველოს სახელმწიფო მეთაური                                                ე. შევარდნაძე