„საქართველოს თავდაცვის სამინისტროს სისტემის სამხედრო მოსამსახურეთა ეთიკის კოდექსის დამტკიცების შესახებ“ საქართველოს თავდაცვის მინისტრის 2024 წლის 17 ოქტომბრის N88 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

„საქართველოს თავდაცვის სამინისტროს სისტემის სამხედრო მოსამსახურეთა ეთიკის კოდექსის დამტკიცების შესახებ“ საქართველოს თავდაცვის მინისტრის 2024 წლის 17 ოქტომბრის №88 ბრძანებით (ვებგვერდი, 18/10/2024; სარეგისტრაციო კოდი: 120340000.22.026.017265) დამტკიცებულ საქართველოს თავდაცვის სამინისტროს სისტემის სამხედრო მოსამსახურეთა ეთიკის კოდექსში შეტანილ იქნეს შემდეგი ცვლილება:

1. მე-4 მუხლის „გ“ ქვეპუნქტი ჩამოყალიბდეს შემდეგი რედაქციით:
„გ) სათანადო ყურადღებას აქცევს სამხედრო სამსახურში ქალისა და მამაკაცის თანასწორობის საკითხებს და ცდილობს თანაბარი პირობებისა და შესაძლებლობების მქონე სამუშაო გარემოს შექმნას.“.

2. 22-ე მუხლის პირველი პუნქტი ჩამოყალიბდეს შემდეგი რედაქციით:
„1. სამხედრო მოსამსახურე პატივისცემით ეპყრობა თანამშრომლებს, განურჩევლად მათი სქესისა თუ სექსუალური ორიენტაციისა.“.

ეს ბრძანება ამოქმედდეს გამოქვეყნებისთანავე.