კასპის მუნიციპალიტეტში, წინარეხის ადმინისტრაციული ერთეულის საზღვრებში მდებარე სოფელ გომი-ჯვარში არსებულ მიწის ნაკვეთზე (ს.კ. №67.09.31.688) სააგარაკე/საცხოვრებელი კომპლექსის განაშენიანების დეტალური გეგმის პროექტის დამტკიცების თაობაზე

„ადგილობრივი თვითმმართველობის კოდექსი“ საქართველოს ორგანული კანონის მე-16 მუხლის მე-2 პუნქტის „ე“ ქვეპუნქტის, 61-ე მუხლის 1-ლი და მე-2 პუნქტების, „საქართველოს ზოგადი ადმინისტრაციული კოდექსი“ საქართველოს კანონის IV თავის, „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ საქართველოს კანონის 38-ე, 41-ე, 43-ე და 47-ე მუხლების, საქართველოს მთავრობის 2019 წლის №260 დადგენილებით დამტკიცებული „სივრცის დაგეგმარებისა და ქალაქთმშენებლობითი გეგმების შემუშავების წესის“ მე-16 მუხლისა და მე-19 მუხლის მე-3 პუნქტის შესაბამისად, კასპის მუნიციპალიტეტის საკრებულო ადგენს:

დამტკიცდეს წინარეხის ადმინისტრაციული ერთეულის საზღვრებში მდებარე სოფელ გომიჯვარში (საკ. კოდი 67.09.31.688) სააგარაკე/საცხოვრებელი კომპლექსის განაშენიანების დეტალური გეგმის პროექტი, ტერიტორიათა გამოყენების რუკისა და განაშენიანების მართვის რეგლამენტის სახით, რომელიც თან ერთვის ამ დადგენილებას და წარმოადგენს მის განუყოფელ ნაწილს.

განაშენიანების დეტალური გეგმის ტექსტური ნაწილი (დასაბუთება და მისი დანართები) წარმოადგენს გეგმის დამტკიცების წინაპირობას და განხილულ იქნეს მასთან ერთად.

დადგენილება ამოქმედდეს გამოქვეყნებისთანავე.