“სატრანსპორტო საშუალებების, მათი მისაბმელების, ნომრიანი აგრეგატების და სასოფლო_სამეუნეო ტექნიკის სავალდებულო რეგისტრაციის წესების შესახებ ინსტრუქციის დამტკიცების თაობაზე” საქართველოს შინაგან საქმეთა მინისტრის 2006 წლის 27 მარტის №401 ბრძანებაში ცვლილების შეტანის შესახებ”

სახელმწიფო სარეგისტრაციო კოდი 310.010.010.22.034.009.196

საქართველოს შინაგან საქმეთა მინისტრის

ბრძანება №1061

2006 წლის 5 სექტემბერი

ქ. თბილისი

,,სატრანსპორტო საშუალებების, მათი მისაბმელების, ნომრიანი აგრეგატებისა და სასოფლო-სამეურნეო ტექნიკის სავალდებულო რეგისტრაციის წესების შესახებ ინსტრუქციის დამტკიცების თაობაზე“ საქართველოს შინაგან საქმეთა მინისტრის 2006 წლის 27 მარტის №401 ბრძანებაში ცვლილების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლის პირველი პუნქტისა და ,,საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის ,,ა“ და ,,ნ“ ქვეპუნქტების საფუძველზე, ვბრძანებ:

1. ,,სატრანსპორტო საშუალებების, მათი მისაბმელების, ნომრიანი აგრეგატებისა და სასოფლო-სამეურნეო ტექნიკის სავალდებულო რეგისტრაციის წესების შესახებ ინსტრუქციის დამტკიცების თაობაზე“ საქართველოს შინაგან საქმეთა მინისტრის 2006 წლის 27 მარტის №401 ბრძანებაში (სსმ III, 07.04.2006, №48, მუხ. 610) შეტანილ იქნეს ცვლილება და ინსტრუქციის მე-13 მუხლს დაემატოს შემდეგი შინაარსის ,,თ“ ქვეპუნქტი:

,,თ) საქართველოს ფინანსთა სამინისტრო (საქართველოს ფინანსთა მინისტრის ბრძანება სახელმწიფო საკუთრებაში მიქცეული სატრანსპორტო საშუალების განკარგვის შესახებ).“.

2. ბრძანება ძალაშია გამოქვეყნებისათანავე.

ი. მერაბიშვილი