,,კასპის მუნიციპალიტეტის პერსონალური ასისტენტის სერვისის პროგრამის დამტკიცების შესახებ“ კასპის მუნიციპალიტეტის საკრებულოს 2024 წლის 20 დეკემბრის №23 დადგენილებაში ცვლილების შეტანის თაობაზე

„2. ამ მუხლის  პირველი პუნქტით დადგენილი პირებისთვის პროგრამაში ჩართვის უპირატესობა მიენიჭება იმ ბენეფიციარს, რომელიც დააკმაყოფილებს ამ პუნქტით გათვალისწინებულ მინიმუმ ერთ კრიტერიუმს მაინც:

ა) კომისიის მიერ უპირატესობა მიენიჭება პროგრამის მომსახურების მიმღებ იმ პირს, რომელსაც სამინისტროს მიერ უფლებამოსილი სამედიცინო დაწესებულების მხრიდან დადგენილი წესით განხორციელებული შეფასების საფუძველზე დაუდგინდა უფრო მაღალი ქულა;

ბ) სოციალურად დაუცველი ოჯახების მონაცემთა ერთიან ბაზაში რეგისტრირებული პირები, რომელთა სარეიტინგო ქულა  არ აღემატება 70 000-ს;

გ) მარჩენალდაკარგულის სტატუსის მქონე პირი;

დ) მარტოხელა პენსიონერი (ამ პროგრამის მიზნებისთვის მარტოხელა პენსიონერი არის პირი, რომელსაც არ ჰყავს შვილები და/ან მარჩენალი );

ე) მარტოხელა მშობლის სტატუსის მქონე პირი;

ვ) მრავალშვილიანი ოჯახის სრულწლოვანი პირი.“.