“ლიცენზიის ფორმების გამოყენებისა და აღრიცხვა_ანგარიშგების წესის დამტკიცების შესახებ”

სახელმწიფო სარეგისტრაციო კოდი 300.310.000.12.005.009.163

საქართველოს ფასიანი ქაღალდების ეროვნული კომისიის

დადგენილება №68

2006 წლის 25 აგვისტო

ქ. თბილისი

ლიცენზიის ფორმების გამოყენებისა და აღრიცხვა-ანგარიშგების წესის დამტკიცების შესახებ

„მკაცრი აღრიცხვის ფორმების შესახებ“ საქართვე­ლოს კანონის მე-4 მუხლისა და საქართველოს ფინან­სთა მინისტრის 2005 წლის 2 აგვისტოს №669 ბრძა­ნების მოთხოვნათა შესრულების მიზნით, „ლიცენზიე­ბისა და ნებართვების შესახებ“ საქართველოს კანონის მე-6 მუხლის 36–41-ე პუნქტებისა და მე-14 მუხლის, „არასახელმწიფო საპენსიო დაზღვევისა და უზრუნველ­ყოფის შესახებ“ საქართველოს კანონის მე-40 მუხლის მე-2 პუნქტის „ა“ და „ზ“ ქვეპუნქტების, „ფასიანი ქაღალდების ბაზრის შესახებ“ საქართველოს კანონის 22-ე მუხლის, 49-ე მუხლის პირველი პუნქტის „ა“ და „დ“ ქვეპუნქტების, 56-ე მუხლის პირველი პუნქტის მოთხოვნათა საფუძველზე, კომისია ადგენს:

1. დამტკიცდეს თანდართული „ლიცენზიის ფორმე­ბის გამოყენებისა და აღრიცხვა-ანგარიშგების წესი“.

2. წინამდებარე დადგენილება ამოქმედდეს გამოქვეყ­ნებისთანავე.

კომისიის თავმჯდომარის მოადგილე თ. გოდერძიშვილი

ლიცენზიის ფორმების გამოყენებისა და აღრიცხვა-ანგარიშგების წესი

    მუხლი 1. ზოგადი დებულება

1. აღნიშნული წესი შემუშავებულია „მკაცრი აღრიცხვის ფორმების (დოკუმენტების) ნუსხის, მკაცრი აღრიცხვის ფორმების (დოკუმენტების) რეგისტრაციის წესისა და მკაცრი აღრიცხვის ფორმების (დოკუმენ­ტების) რეგისტრაციის ჟურნალის ფორმების დამტკიცე­ბის თაობაზე“ საქართველოს ფინანსთა მინისტრის 2005 წლის 2 აგვისტოს №669 ბრძანების დანართი №2-ით დამტკიცებული „მკაცრი აღრიცხვის ფორმების რეგისტრაციის წესის“ მე-2 მუხლის მე-2 პუნქტის „ბ“ ქვეპუნქტის საფუძველზე.

2. საქართველოს ფასიანი ქაღალდების ეროვნული კომისიის მიერ გასაცემი ლიცენზიის ფორმების მოხმარე­ბას, გამოყენებასა და აღრიცხვა-ანგარიშგებას საქართველოს ფასიანი ქაღალდების ეროვნული კომისია ახორციელებს „მკაცრი აღრიცხვის ფორმების შესახებ“ საქართველოს კანონის მე-8 მუხლის პირველი პუნქტის საფუძველზე.

3. საჯარო სამართლის იურიდიული პირი – საქარ­თვე­ლოს ფასიანი ქაღალდების ეროვნული კომისია „ფასია­ნი ქაღალდების ბაზრის შესახებ“ საქართველოს კანონის მე-20, 49-ე მუხლის პირველი პუნქტის „დ“ ქვე­პუნქტის, ასევე „ლიცენზირებისა და ნებართვების შე­სა­ხებ“ საქართველოს კანონის მე-6 მუხლის 36–41-ე პუნქტების შესაბამისად ვალდებულია უზრუნველყოს ფასიანი ქაღალდების ბაზრის მონაწილეები შესაბამისი ლიცენზიის ფორმით.

    მუხლი 2. ლიცენზიის ფორმით მომარაგება

1. ლიცენზიის ფორმით მომარაგებას ახორციელებს საქართველოს ფასიანი ქაღალდების ეროვნული კომისია დამოუკიდებლად.

2. ლიცენზიის ფორმის შეკვეთას კომისია აწარმოებს „მკაცრი აღრიცხვის ფორმების შესახებ“ საქართველოს კანონის მე-5 მუხლის „ა“ და „ბ“ ქვეპუნქტების თანახ­მად პოლიგრაფიულ საწარმოში, ხელშეკრულების გაფორ­მების საფუძველზე.

3. პოლიგრაფიული საწარმოდან ლიცენზიის ფორ­მის გამოტანის უფლება აქვს საქართველოს ფასიანი ქაღალდების ეროვნული კომისიის ხელმძღვანელი პირის მიერ შესაბამისად უფლებამოსილ პირს.

4. სალიცენზიო ფორმების აღრიცხვა ხორციელდება „ბუღალტრული აღრიცხვისა და რეგულირების შესა­ხებ“ საქართველოს კანონის შესაბამისად.

    მუხლი 3.  ლიცენზიის შენახვა

1. სალიცენზიო ფორმების შენახვა ხორციელდება „მკაცრი აღრიცხვის ფორმების შესახებ“ საქართველოს კანონის მე-8 მუხლის მე-5, მე-6 და მე-7 პუნქტების შესაბამისად.

2. სალიცენზიო ფორმები უნდა ინახებოდეს ცეცხლ­გამძლე სეიფში.

3. სათავსი, სადაც ინახება სალიცენზიო ფორმები, უნდა იყოს ხელშეუხებელი გარეშე პირთათვის და სათანადოდ დაცული დაზიანებისაგან.

4. სალიცენზიო ფორმები ინახება სალიცენზიო ფორმების გამოყენებისა და აღიცხვა-ანგარიშგებაზე პასუხისმგებელ პირთან, რომელსაც განსაზღვრავს სამართალსუბიექტის ხელმძღვანელი.

    მუხლი 4. გამოსაყენებლად უვარგისი სალიცენზიო ფორმების ჩამოწერა

1. გამოსაყენებლად უვარგისი სალიცენზიო ფორმე­ბის ჩამოწერა შეიძლება:

ა) შევსების დროს დაშვებული შეცდომების გამო;

ბ) ბლანკის დაზიანების გამო.

2. გამოსაყენებლად უვარგისი სალიცენზიო ფორ­მების ჩამოწერა უნდა მოხდეს მუდმივმოქმედი საექსპერ­ტო კომისიის სხდომის სათანადოდ შედგენილი ოქმისა და ჩამოწერის აქტის (დანართი №1) მიხედვით. გამო­საყე­ნებლად უვარგისი სალიცენზიო ფორმების ექსკლუ­ზიური ნუმერაცია შეტანილ უნდა იქნეს სალიცენზიო ფორმების ჩამოწერის აქტში.

3. გამოსაყენებლად უვარგისი სალიცენზიო ფორმე­ბის უტილიზაცია ხორციელდება საქართველოს ფინან­სთა სამინისტროს მიერ მოქმედი კანონმდებლობის შესაბამისად.

    მუხლი 5. სალიცენზიო ფორმების შევსება

1. სალიცენზიო ფორმების ცარიელი ბლანკის შევ­სება სალიცენზიო ფორმის მფლობელზე ხორციელდება სათანადო ოქმით გაფორმებული კომისიის გადაწყვეტი­ლებისა და კომისიის ხელმძღვანელის ბრძანების საფუძ­ველზე.

2. შევსებული სალიცენზიო ფორმის რეგისტრაცია მიმდინარეობს სალიცენზიო ფორმების რეგისტრაციის ჟურნალში.

3. შევსებული სალიცენზიო ფორმების ქსეროასლი, დამოწმებული პასუხისმგებელი პირის მიერ, ინახება ლიცენზირებული პირის სახელზე გასხნილ ბაინდერში სალიცენზიო დოკუმენტებთან ერთად.

    მუხლი 6. სალიცენზიო ფორმის გაცემა

1. სალიცენზიო ფორმის გაცემა მფლობელზე წარ­მოებს პიროვნების დამადასტურებელი დოკუმენტა­ციის წარმოდგენის შემდეგ.

2. სალიცენზიო ფორმის გაცემა შესაძლებელია ლიცენზიის მფლობელის შესაბამისად უფლებამოსილი პირის მიერ მინდობილობით განსაზღვრულ პირზე ამ უკანასკნელის მიერ შესაბამისი საქართველოს ფასიანი ქაღალდების ეროვნული კომისიის შესაბამისად უფლე­ბა­­მოსილი პირისათვის მინდობილობისა და პირადობის დამადასტურებელი მოწმობის წარდგენის შემთხვევა­ში (მინდობილობა რჩება ადგილზე).

3. ლიცენზიის მფლობელი ან მის მიერ სათანადოდ უფლებამოსილი პირი ხელმოწერით ადასტურებს სალიცენზიო ფორმის მიღების ფაქტს რეგისტრაციის ჟურნალში (დანართი №2).

    მუხლი 7. სალიცენზიო ფორმის დუბლიკატის გაცემა

1. სალიცენზიო ფორმის დაკარგვის ან დაზიანების შემ­­თხვე­ვაში ლიცენზიის მფლობელის (მისი წარ­მომადგენელის) წერილობითი განცხადების საფუძველზე კომისია 2 დღის ვადაში გასცემს შესაბამისი ლიცენზიის დუბლიკატს და რეგისტრაციის ჟურნალში (დანართი №3) ახორციელებს მის რეგისტრაციას.

2. გაცემულ დუბლიკატს დაესმება შტამპი აღნიშვნით „დუბლიკატი“.

3. სალიცენზიო ფორმის დუბლიკატის გაცემისათვის გადასახდელი თანხის ოდენობა განსაზღვრულია „სალი­ცენზიო და სანებართვო მოსაკრებლების შესახებ“ საქართველოს კანონით.

დანართი №1

აქტი №

ქ. თბილისი                   „---------“  „-----------“  2006წ.

გამოსაყენებლად უვარგისი სალიცენზიო ფორმების შესახებ

კომისია ხელმოწერით ვადასტურებთ აქტის მიხედვით წარმოდგენილი უვარგისი ლიცენზიის ფორმების ნიმუშების ჩამოწერის სისწორეს.

კომისიის თავმჯდომარე:

წევრები:

მდივანი:

ლიცენზიის ფორმების გამოყენებასა და

აღრიცხვა-ანგარიშგებაზე

პასუხისმგებელი პირი:

დანართი №2

სალიცენზიო ფორმის რეგისტრაციის ჟურნალი

დანართი №3

სალიცენზიო ფორმის დუბლიკატის რეგისტრაციის ჟურნალი