თბილისის კულტურის სახელმწიფო ინსტიტუტის შექმნის შესახებ

1. შეიქმნას 1993 წლის 1 იანვრიდან თბილისის კულტურის სახელმწიფო ინსტიტუტი თბილისის სერგო ზაქარიაძის სახელობის კულტურის სასწავლებლის ბაზაზე.

2. თბილისის კულტურის სახელმწიფო ინსტიტუტმა:

- განსაზღვროს ყოველწლიურად სპეციალობათა ნუსხა და შესაბამისად მისაღები კონტინგენტი რესპუბლიკის სამინისტროებისა და უწყებების შეკვეთის საფუძველზე;

- განახორციელოს აბიტურიენტთა მიღება 1993/94 სასწავლო წლიდან.

3. საქართველოს რესპუბლიკის კულტურის სამინისტრომ:

- წარუდგინოს საქართველოს რესპუბლიკის ეკონომიკის სამინისტროს თბილისის კულტურის სახელმწიფო ინსტიტუტის მისაღები კონტინგენტი 1993/94 სასწავლო წლისათვის;

- თბილისის კულტურის სახელმწიფო ინსტიტუტის ორგანიზაციული საკითხების მოგვარების მიზნით შეარჩიოს და დანიშნოს ინსტიტუტის რექტორის მოვალეობის დროებითი შემსრულებელი.

4. თბილისის კულტურის სახელმწიფო ინსტიტუტის შექმნასთან დაკავშირებით შეწყდეს მიღება თბილისის სერგო ზაქარიაძის სახელობის კულტურისა და თბილისის საბიბლიოთეკო სასწავლებლებში. 1993/94 სასწავლო წლიდან.

საქართველოს რესპუბლიკის მთავრობის თავმჯდომარის -

პრემიერ-მინისტრის მოვალეობის შემსრულებელი                                                     თ. სიგუა

საქართველოს რესპუბლიკის მთავრობის სახელმწიფო

კანცელარიის მმართველის მოვალეობის შემსრულებელი                                           გ. ბერიძე