“საქართველოს გარმოს დაცვისა და ბუნებრივი რესურსების მინისტრის 2006 წლის 14 თებერვლის №91 ბრძანებით დამტკიცებულ “საჯარო სამართლის იურიდიული პირის _ მონიტორინგისა და პროგნოზის ცენტრი”-ს დებულებაში ცვლილებებისა და დამატებების შეტანის თაობაზე”

სახელმწიფო სარეგისტრაციო კოდი 040.030.000.22.023.009.156

საქართველოს გარემოს დაცვისა და ბუნებრივი რესურსების

მინისტრის ბრძანება №781

2006 წლის 23 აგვისტო

ქ. თბილისი

საქართველოს გარემოს დაცვისა და ბუნებრივი რესურსების მინისტრის 2006 წლის 14 თებერვლის №91 ბრძანებით დამტკიცებულ ,,საჯარო სამართლის იურიდიული პირის –მონიტორინგისა და პროგნოზირების ცენტრის“ დებულებაში ცვლილებებისა და დამატების შეტანის თაობაზე

,,ნორმატიული აქტების შესახებ” საქართველოს კანონის 36-ე მუხლის საფუძველზე, ვბრძანებ:

1. საქართველოს გარემოს დაცვისა და ბუნებრივი რესურსების მინისტრის 2006 წლის 14 თებერვლის №91 ბრძანებით (სსმ III, 15.02.06 წ., №21, მუხ. 250) დამტკიცებულ ,,საჯარო სამართლის იურიდიული პი­რის – ,,მონიტორინ­გისა და პროგნოზირების ცენტრის“ დებულებაში შეტანილ იქნეს შემდეგი ცვლილებები და დამატება:

ა) მე-2 მუხლის მე-2 პუნქტის ,,ა“ ქვეპუნქტი ჩა­მოყა­ლიბდეს შემდეგი რედაქციით:

„ა) ჰიდრომეტეოროლოგიისა და გარემოზე დაკვირ­ვების ქსელის (მეტეოროლოგიური, ჰიდროლოგიური, საზღვაო ჰიდრომეტეოროლოგიური, აგრომეტეორო­ლო­გიუ­რი, თოვლსაზვავე, გლაციოლოგიური, აერო­ლო­­­გიური, რადიოლოკაციური, ოზონომეტრიული, აქტი­­ნო­მეტრიული, წყალბალანსური სადგურები/საგუ­შაგოები; ატმოსფერული ჰაერის, ატმოსფერული ნალე­ქების, ზედაპირული და მიწისქვეშა წყლების, ზღვის, ზღვის წყლის ბიოტის, ნიადაგების დაბინძურე­ბაზე დაკვირვების პუნქტები) ორგანიზება და მისი გამართული ფუნქციონირების უზრუნველყოფა;“;

ბ) მე-2 მუხლის მე-2 პუნქტს დაემატოს შემდეგი შინაარსის ,,ღ“ ქვეპუნქტი:

,,ღ) მისდამი დაქვემდებარებული სამსახურების საშუა­ლებით მოვლა-პატრონობა, მოშენება, რეალიზაცია და დემონსტრირება გაუწიოს წყლის იქტიოფაუნას და მიიღოს შემოსავლები ამ საქმიანობიდან.”;

გ) მე-3 მუხლის მე-2 პუნქტი ჩამოყალიბდეს შემდეგი რედაქციით:

,,2. ცენტრის უფროსს ჰყავს პირველი მოადგილე და მოადგილეები, რომლებსაც საქართველოს გარემოს დაცვისა და ბუნებრივი რესურსების მინისტრთან შეთან­ხ­მებით თანამდებობაზე ნიშნავს და თანამდებობიდან ათავი­სუფლებს ცენტრის უფროსი. ცენტრის უფროსის პირველი მოადგილე უფროსის არყოფნის შემთხვევაში ასრულებს მის მოვალეობას.“;

დ) მე-4 მუხლი ჩამოყალიბდეს შემდეგი რედაქციით:

     „მუხლი 4. ცენტრის ფილიალები

ცენტრის ფილიალებია:

ა) შავი ზღვის ფილიალი;

ბ) კოლხეთის ფილიალი;

გ) ქართლის ფილიალი;

დ) კახეთის ფილიალი;

ე) სამცხე-ჯავახეთის ფილიალი.“.

2. ეს ბრძანება ამოქმედდეს გამოქვეყნებისთანავე.

დ. ტყეშელაშვილი