„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − სახელმწიფო სერვისების განვითარების სააგენტოს და დელეგირებული უფლებამოსილების ფარგლებში საკონსულო თანამდებობის პირის მიერ გაწეული მომსახურების ვადების, ამ მომსახურებისათვის დაწესებული საფასურების ოდენობების და საფასურის გადახდის წესის დამტკიცების შესახებ“ საქართველოს მთავრობის 2011 წლის 29 დეკემბრის №508 დადგენილებაში ცვლილების შეტანის თაობაზე

ა) 23-ე და 23¹ პუნქტები ჩამოყალიბდეს შემდეგი რედაქციით:

„23. შრომითი, სასწავლო, საინვესტიციო, ოჯახის გაერთიანების მიზნით, საქართველოს ყოფილი მოქალაქის, მოკლევადიანი ბინადრობის ნებართვებისა და „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის მე-60 მუხლით გათვალისწინებული პირების მიერ სპეციალური ბინადრობის ნებართვის მიღების მიზნით, განცხადების შეტანიდან:

ა) 30-ე კალენდარულ დღეს გაცემისათვის – მომსახურების საფასური − 300 ლარი;

ბ) მე-20 კალენდარულ დღეს გაცემისათვის – მომსახურების საფასური − 300 ლარი და დაჩქარებული მომსახურების საფასური −150 ლარი;

გ) 10 კალენდარული დღის ვადაში გაცემისათვის – მომსახურების საფასური − 300 ლარი და დაჩქარებული მომსახურების საფასური − 300 ლარი.

23¹. სპეციალური ბინადრობის ნებართვის მიღების (გარდა „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის მე-60 მუხლით გათვალისწინებული პირების მიერ სპეციალური ბინადრობის ნებართვის მიღებისა) მიზნით, განცხადების წარდგენიდან 10 დღის ვადაში გაცემისთვის მომსახურების საფასური არ გადაიხდევინება.“;

ბ) 23² პუნქტის შემდეგ დაემატოს შემდეგი შინაარსის 23³ პუნქტი:

„23³. ინფორმაციული ტექნოლოგიების (IT) სფეროში დასაქმებული პირის დროებითი ბინადრობის ნებართვის მიღების მიზნით, განცხადების შეტანიდან:

ა) 90-ე კალენდარულ დღეს გაცემისათვის − მომსახურების საფასური − 500 ლარი;

ბ) მე-60 კალენდარულ დღეს გაცემისათვის − მომსახურების საფასური −  500 ლარი და დაჩქარებული მომსახურების საფასური − 250 ლარი.“;

გ) 23³ პუნქტი ჩამოყალიბდეს შემდეგი რედაქციით:

„23³. ინფორმაციული ტექნოლოგიების (IT) სფეროში დასაქმებული პირის დროებითი ბინადრობის ნებართვის მიღების მიზნით, განცხადების შეტანიდან:

ა) 30-ე კალენდარულ დღეს გაცემისათვის – მომსახურების საფასური − 500 ლარი;

ბ) მე-20 კალენდარულ დღეს გაცემისათვის – მომსახურების საფასური − 500 ლარი და დაჩქარებული მომსახურების საფასური − 250 ლარი;

გ) 10 კალენდარული დღის ვადაში გაცემისათვის – მომსახურების საფასური − 500 ლარი და დაჩქარებული მომსახურების საფასური − 500 ლარი.“.

2. ამ დადგენილების პირველი მუხლის „გ“ ქვეპუნქტი ამოქმედდეს 2026 წლის 1 სექტემბრიდან.