,,სიღნაღის მუნიციპალიტეტის საკრებულოს რეგლამენტის დამტკიცების შესახებ“ სიღნაღის მუნიციპალიტეტის საკრებულოს 2014 წლის 14 ივლისის №9 დადგენილებაში ცვლილების შეტანის შესახებ

,,ე) მუნიციპალიტეტში  დისკრიმინაციის გამოვლენისა და აღმოფხვრის უზრუნველსაყოფად ღონისძიებათა დაგეგმვა და დამტკიცება; ქალთა და ბავშვთა საკითხებზე მომუშავე მუნიციპალური  საბჭოს  შექმნა და  მისი  დებულების დამტკიცება;

,,მუხლი  34¹ . ქალთა და ბავშვთა საკითხებზე მომუშავე მუნიციპალური  საბჭო

1. სიღნაღის მუნიციპალიტეტის საკრებულო,  მუნიციპალიტეტში ქალთა და ბავშვთა საკითხებზე სისტემური მუშაობისა და საქართველოს მთავრობის მიერ შექმნილ ქალისა და მამაკაცის თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორის კომისიასთან კოორდინირებული მუშაობის უზრუნველსაყოფად ქმნის ქალთა და ბავშვთა საკითხებზე მომუშავე მუნიციპალურ საბჭოს.

2. ქალთა და ბავშვთა საკითხებზე მომუშავე მუნიციპალური  საბჭოს შექმნის წესი, უფლებამოსილება და ფუნქციები განისაზღვრება სიღნაღის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭოს დებულებით, რომელიც მტკიცდება  საკრებულოს დადგენილებით.“.