„2025 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2024 წლის 30 დეკემბრის №474 დადგენილებაში ცვლილების შეტანის თაობაზე

1. №6 დანართის („ტუბერკულოზის მართვა“ – პროგრამული კოდი 27 03 02 06) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

 პროგრამის ბიუჯეტი განისაზღვრება 15 595.0 ათასი ლარით, შემდეგი ცხრილის შესაბამისად:

2. №17 დანართის („იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ პაციენტთა მკურნალობა“ – პროგრამული კოდი 27 03 03 06):

 ა) მე-3 მუხლის „დ“ ქვეპუნქტის „დ.გ“ ქვეპუნქტი ჩამოყალიბდეს შემდეგი რედაქციით:

„დ.გ) ცისტური ფიბროზით (მუკოვისციდოზით) დაავადებულთა სპეციფიკური მედიკამენტებით უზრუნველყოფა:

დ.გ.ა) პანკრეასის ფერმენტების შესყიდვა;

დ.გ.ბ) მუკოლიზური საშუალება დორნაზა ალფას შესყიდვა;

დ.გ.გ) საინჰალაციოდ სტერილური ჰიპერტონული მარილიანი ხსნარის შესყიდვა;

დ.გ.დ) კომბინირებული პრეპარატის – იპრატროპიუმ ბრომიდი მონოჰიდრატის / ფენოტეროლ ჰიდრობრომიდის შესყიდვა;

დ.გ.ე) აცეტილცისტეინის შესყიდვა;

დ.გ.ვ) ურსოდეოქსიქოლის მჟავას (ursodeoxycholic acid) შესყიდვა;

დ.გ.ზ) საინჰალაციო/ინტრავენური ანტიბიოტიკების (კოლისტიმეთატის ნატრიუმი, ტობრამიცინი) შესყიდვა;

დ.გ.თ) ცხიმში ხსნადი ვიტამინების კომპლექსის (A, D, E, K) შესყიდვა;“;

ბ) მე-4 მუხლის მე-3 პუნქტი ჩამოყალიბდეს შემდეგი რედაქციით:

 „3. პროგრამის მე-3 მუხლის „ბ“ ქვეპუნქტით გათვალისწინებული მომსახურება ფინანსდება სრულად ფაქტობრივი ხარჯის მიხედვით, მაგრამ არაუმეტეს დანართ №17.2-ში მითითებული ტარიფისა. ამასთან, დანართი №17.2-ით განსაზღვრულ ცისტური ფიბროზის (მუკოვისციდოზი) შემთხვევაში ფაქტობრივი ხარჯი განისაზღვრება გატარებული საწოლდღის მიხედვით, სადაც საწოლდღის ღირებულება შეადგენს 143 ლარს. დანართი №17.2-ით განსაზღვრული ერთეულის ღირებულებები არ მოიცავს პროგრამის მე-3 მუხლის „დ“ ქვეპუნქტით შესყიდული მედიკამენტების ღირებულებას.“;

 გ) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 55 705.0 ათასი ლარით, შემდეგი ცხრილის შესაბამისად:

დ) მე-9 მუხლს მე-9 პუნქტის შემდეგ დაემატოს შემდეგი შინაარსის მე-10 და მე-11 პუნქტები:

„10. მე-3 მუხლის „დ.გ“ ქვეპუნქტით გათვალისწინებული ფარმაცევტული პროდუქტი (გარდა იმ პროდუქტებისა, რომლებსაც „წამლისა და ფარმაცევტული საქმიანობის შესახებ“ საქართველოს კანონით განსაზღვრული მოთხოვნებით არ ესაჭიროებათ რეგისტრაცია) რეგისტრირებული უნდა იყოს „სხვა ქვეყნების ან სახელმწიფოთაშორისი ფარმაცევტული პროდუქტების მარეგულირებელი სახელმწიფო ორგანოების სიის განსაზღვრის შესახებ“ საქართველოს მთავრობის 2009 წლის 22 ოქტომბრის №188 დადგენილებით (შემდგომში – №188 დადგენილება) განსაზღვრული შესაბამისი ქვეყნის მარეგულირებელი ორგანოს მიერ მის კონტროლს დაქვემდებარებულ ბაზარზე, რაც უნდა დადასტურდეს №188 დადგენილების დანართით განსაზღვრული შესაბამისი ქვეყნის მარეგულირებელი ორგანოს მიერ, მის კონტროლს დაქვემდებარებულ ბაზარზე დაშვების დამადასტურებელი დოკუმენტით ან წარდგენილი უნდა იყოს ფარმაცევტული პროდუქტის სერტიფიკატი (CPP) ჯანდაცვის მსოფლიო ორგანიზაციის (WHO) მიერ რეკომენდებული ფორმით, გაცემული ბოლო ერთი წლის განმავლობაში, №188 დადგენილების დანართით განსაზღვრული მარეგულირებელი ორგანოს მიერ, №188 დადგენილებაში მითითებული რომელიმე ქვეყნის ან საქართველოს ბაზრისთვის.

11. ცისტური ფიბროზით (მუკოვისციდოზით) დაავადებულთათვის პროგრამით განსაზღვრული მომსახურების შედეგების შეფასების ინდიკატორები მტკიცდება მინისტრის ადმინისტრაციულ-სამართლებრივი აქტით.“;

ე) №17.2 დანართის (იშვიათი და მუდმივ ჩანაცვლებით მკურნალობას დაქვემდებარებული დაავადებების სტაციონარული მომსახურება) 36-ე გრაფა ჩამოყალიბდეს შემდეგი რედაქციით:

2. დადგენილების პირველი მუხლის მე-2 პუნქტის „ბ“ და „ე“ ქვეპუნქტები ამოქმედდეს 2025 წლის პირველი ნოემბრიდან.

3. დადგენილების პირველი მუხლის მე-2 პუნქტის „ა“ ქვეპუნქტით ჩამოყალიბებული „დ.გ“ ქვეპუნქტის „დ.გ.გ“, „დ.გ.დ“, „დ.გ.ე“ და „დ.გ.ვ“ ქვეპუნქტებით განსაზღვრული მედიკამენტებით ბენეფიციარების უზრუნველყოფა განხორციელდეს 2025 წლის პირველი ოქტომბრიდან, ხოლო „დ.გ.ზ“ და „დ.გ.თ“ ქვეპუნქტებით განსაზღვრული მედიკამენტებით უზრუნველყოფა 2025 წლის პირველი ნოემბრიდან.