„საქართველოს გარემოს დაცვისა და სოფლის მეურნეობის სამინისტროს დებულების დამტკიცების შესახებ“ საქართველოს მთავრობის 2018 წლის 6 მარტის №112 დადგენილებაში ცვლილების შეტანის თაობაზე

1. მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. მინისტრს ჰყავს 6 მოადგილე (მათ შორის, ერთი – პირველი), რომელთაც მინისტრის წარდგინებით თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი.“.

2. მე-6 მუხლი ჩამოყალიბდეს შემდეგი რედაქციით:

„მუხლი 6. ცენტრალური აპარატის სტრუქტურული ქვედანაყოფები

სამინისტროს ცენტრალური აპარატის სტრუქტურული ქვედანაყოფებია:

ა) სურსათის პოლიტიკის დეპარტამენტი;

ბ) გარემოსა და კლიმატის ცვლილების პოლიტიკის დეპარტამენტი;

გ)  სოფლის მეურნეობისა და სოფლის განვითარების პოლიტიკის დეპარტამენტი;

დ) ბიომრავალფეროვნების  პოლიტიკის დეპარტამენტი;

ე) ტყის პოლიტიკის დეპარტამენტი;

ვ) მელიორაციისა და მიწის მართვის პოლიტიკის დეპარტამენტი;

ზ) ნარჩენებისა და ქიმიური ნივთიერებების მართვის პოლიტიკის დეპარტამენტი;

თ) მინერალური რესურსების პოლიტიკის დეპარტამენტი;

ი) სტრატეგიული კოორდინაციისა და ანალიტიკის დეპარტამენტი;

კ) იურიდიული დეპარტამენტი;

ლ) საერთაშორისო ურთიერთობებისა და ევროინტეგრაციის დეპარტამენტი;

მ) სტრატეგიული კომუნიკაციის დეპარტამენტი;

ნ) ადმინისტრაციული დეპარტამენტი;

ო) საფინანსო დეპარტამენტი;

პ) შიდა აუდიტის დეპარტამენტი;

ჟ) ადამიანური რესურსების მართვის დეპარტამენტი;

რ) ინფორმაციული ტექნოლოგიების დეპარტამენტი;

ს) პროტოკოლის სამსახური.“.

3. მე-9 მუხლი ჩამოყალიბდეს შემდეგი რედაქციით:

„მუხლი 9. ცენტრალური აპარატის სტრუქტურული ქვედანაყოფების ძირითადი ამოცანები

სამინისტროს სტრუქტურული ქვედანაყოფების ძირითადი ამოცანებია:

1. სურსათის პოლიტიკის დეპარტამენტის:

ა) ქვეყანაში სურსათის ინდუსტრიის, სურსათის უვნებლობის, ვეტერინარიისა და მცენარეთა დაცვის სფეროებში, კომპეტენციის ფარგლებში, პოლიტიკის შემუშავება/შემუშავებაში მონაწილეობის მიღება და განხორციელება და/ან განხორციელებაში მონაწილეობის მიღება;

ბ) სურსათის უვნებლობის, ვეტერინარიის, მცენარეთა დაცვის, სურსათის ინდუსტრიის სფეროებში სამართლებრივი ბაზის ჩამოყალიბებისა და სრულყოფის მიზნით, ნორმატიული აქტების პროექტების შემუშავება ან/და შემუშავებაში მონაწილეობის მიღება;

გ) სურსათის უვნებლობის, ვეტერინარიისა და მცენარეთა დაცვის სფეროში პროგრამების, პროექტების შემუშავება ან/და შემუშავებაში მონაწილეობის მიღება და საჭიროების შემთხვევაში განხორციელებაში მონაწილეობის მიღება;

დ) სურსათის უვნებლობის, ვეტერინარიისა და მცენარეთა დაცვის სფეროებში, ქვეყნის მიერ აღებული ვალდებულებების (SPS, კომპეტენციის ფარგლებში, და სხვ.) შესრულების მიზნით, წინადადებების მომზადება ან/და მომზადებაში მონაწილეობის მიღება, მისი განხორციელება ან/და განხორციელებაში მონაწილეობის მიღება;

ე) შესაბამისობის შეფასების სისტემის სრულყოფის მიზნით, ქვეყანაში სასოფლო-სამეურნეო და სურსათის ლაბორატორიული სექტორის მდგრადი განვითარების ხელშეწყობა;

ვ) გასტრონომიის მიმართულებით, კომპეტენციის ფარგლებში, პოლიტიკის შემუშავება/შემუშავებაში მონაწილეობის მიღება;

ზ) სურსათის ინდუსტრიისა და გასრტონომიის განვითარების ხელშეწყობა;

თ) ქვეყანაში სურსათთან დაკავშირებული ხარისხის სქემების პოლიტიკის განვითარება, მათი დაცვის სამართლებრივი მექანიზმების  სრულყოფა;

ი) სურსათის ინდუსტრიის სფეროში მოქმედ ბიზნესოპერატორებთან და ასოციაციებთან თანამშრომლობა, მათი საჭიროებების და პრობლემების იდენტიფიცირება და კომპეტენციის ფარგლებში ხელშეწყობა;

კ) სურსათის უვნებლობის, ვეტერინარიის, მცენარეთა დაცვის და სურსათის ინდუსტრიის სფეროებში,  კომპეტენციის ფარგლებში, სხვადასხვა სამინისტროებსა და უწყებებთან თანამშრომლობა;

ლ) დარგობრივი სტრატეგიებისა და სამოქმედო გეგმების მომზადება და შესრულების  მონიტორინგი;

მ) დარგის მარეგულირებელი კანონმდებლობის აღსრულების მონიტორინგი, პრობლემების იდენტიფიცირება და შესაბამისი წინადადებების მომზადება;

ნ) კანონმდებლობით განსაზღვრული სხვა უფლებამოსილებათა განხორციელება.

2. გარემოსა და კლიმატის ცვლილების პოლიტიკის დეპარტამენტის:

ა) საქართველოს მთელ ტერიტორიაზე წყლის რესურსების მართვის, ატმოსფერული ჰაერის დაცვისა და კლიმატის ცვლილების სფეროებში სახელმწიფო პოლიტიკის შემუშავებასა და განხორციელებაში მონაწილეობის მიღება;

ბ) კომპეტენციის ფარგლებში, წყლის რესურსების მართვის, ატმოსფერული ჰაერის დაცვისა და კლიმატის ცვლილების სფეროებში საქართველოს ორმხრივი და მრავალმხრივი ხელშეკრულებებითა და საერთაშორისო პროცესებით განსაზღვრული ვალდებულებების განხორციელება;

გ) კომპეტენციის ფარგლებში, გარემოს მონიტორინგის სახელმწიფო სისტემის ორგანიზებაში მონაწილეობა;

დ) ატმოსფერულ ჰაერში მავნე ნივთიერებათა და სათბურის აირების გაფრქვევისა და შთანთქმის  ინვენტარიზაციის ანგარიშგების უზრუნველყოფა;

ე) ატმოსფერული ჰაერის, ოზონის შრისა და წყლის რესურსების ბუნებრივი თუ ანთროპოგენური ფაქტორების ზემოქმედებისგან დაცვის მექანიზმების განსაზღვრა და განხორციელების კოორდინაცია;

ვ) გარემოსდაცვითი პროექტების ინიციირების მიზანშეწონილობის განსაზღვრაში მონაწილეობა;

ზ) საქართველოს ტერიტორიაზე ოზონდამშლელი ნივთიერებებისა და ფტორირებული გაზების მართვის კოორდინაცია, მათ შორის, „ოზონის შრის დამშლელ ნივთიერებათა შესახებ“ მონრეალის 1987 წლის ოქმით გათვალისწინებული ნივთიერებებით საერთაშორისო ვაჭრობის რეგულირება;

თ) კომპეტენციის ფარგლებში, სამართლებრივი აქტების პროექტების შემუშავება ან/და შემუშავებაში მონაწილეობის მიღება;

ი) დარგობრივი სტრატეგიებისა და სამოქმედო გეგმების მომზადება და შესრულების  მონიტორინგი;

კ) დარგის მარეგულირებელი კანონმდებლობის აღსრულების მონიტორინგი, პრობლემების იდენტიფიცირება და შესაბამისი წინადადებების მომზადება;

ლ) კანონმდებლობით გათვალისწინებული სხვა უფლებამოსილებების განხორციელება.

3. სოფლის მეურნეობისა და სოფლის განვითარების პოლიტიკის დეპარტამენტის:

ა) სოფლის მეურნეობის ან/და სოფლის განვითარების პრიორიტეტული მიმართულებების განსაზღვრაში მონაწილეობა და მათი განხორციელების ხელშეწყობა;

ბ) სამინისტროს კომპეტენციის ფარგლებში, სოფლისა და სოფლის მეურნეობასთან დაკავშირებულ საკითხებზე სხვადასხვა სახელმწიფო უწყების შესაბამისი სტრატეგიებისა და სამოქმედო გეგმების შემუშავებაში მონაწილეობის მიღება;

გ) დარგში არსებულ ოფიციალურ მონაცემებზე დაყრდნობით, ანალიტიკური საქმიანობის განხორციელება;

დ) აგროსასურსათო პროდუქციის წარმოების, ექსპორტ-იმპორტის, მოხმარების, სარეალიზაციო ფასების შესახებ ოფიციალური ინფორმაციის  დამუშავება. ყოველთვიური, კვარტალური და წლიური ანგარიშების მომზადება;

ე) კომპეტენციის ფარგლებში, საერთაშორისო სავაჭრო/ეკონომიკური ხასიათის  მთავრობათაშორისი ხელშეკრულებების პროექტების შემუშავებასა და მოლაპარაკების პროცესში მონაწილეობის მიღება, შესაბამის სახელმწიფო უწყებებსა და სამინისტროს სტრუქტურულ ერთეულებთან ან/და უწყებებთან თანამშრომლობით;

ვ) წინასწარ შერჩეული აგროსასურსათო პროდუქციისთვის არსებული სტატისტიკური მონაცემების გამოყენებით ბაზრის ანალიზის განხორციელება. პროდუქციის წარმოების, საექსპორტო პოტენციალის, საერთაშორისო ბაზარზე არსებული ტენდენციებისა და სხვა მონაცემების ანალიზი;

ზ)  სოფლის განვითარების პოლიტიკის კოორდინაცია და პროგრამების/ წინადადებების შემუშავება;

თ) მემცენარეობის, მეცხოველეობის, მეთევზეობის დარგების განვითარების მიზნით, პროგრამების/წინადადებების შემუშავება;

ი) სასოფლო-სამეურნეო კოოპერატივების ან/და სასოფლო-სამეურნეო გაერთიანებების განვითარების მიზნით, პროგრამების/წინადადებების შემუშავება;

კ) კომპეტენციის ფარგლებში, სამართლებრივი აქტების პროექტების შემუშავება/შემუშავებაში მონაწილეობის მიღება;

ლ) დარგობრივი სტრატეგიებისა და სამოქმედო გეგმების მომზადება და შესრულების  მონიტორინგი;

მ) დარგის მარეგულირებელი კანონმდებლობის აღსრულების მონიტორინგი, პრობლემების იდენტიფიცირება და შესაბამისი წინადადებების მომზადება;

ნ) კანონმდებლობით გათვალისწინებული სხვა უფლებამოსილებების განხორციელება.

4. ბიომრავალფეროვნების პოლიტიკის დეპარტამენტის:

ა) კომპეტენციის ფარგლებში, საქართველოს მთელ ტერიტორიაზე ბიომრავალფეროვნების კომპონენტების დაცვისა და შენარჩუნების, ბიოლოგიური რესურსების მართვისა და რეგულირების სფეროში სახელმწიფო პოლიტიკის შემუშავება, საერთაშორისო ქსელში ჩართული დაცული ტერიტორიების შექმნის, მართვისა და მონიტორინგის პროცესის კოორდინაცია;

ბ) დაცული ტერიტორიების  მართვის სფეროში სახელმწიფო პოლიტიკის შემუშავება და მისი განხორციელების კოორდინაცია/ხელშეწყობა;

გ) საქართველოს ბიომრავალფეროვნების დაცვის სტრატეგიისა და სამოქმედო გეგმის  შემუშავებისა და განხორციელების კოორდინაცია;

დ) გარეულ ცხოველთა რაოდენობის რეგულირება, მათი რესურსებით სარგებლობის რეგულირების პროცესში რესურსის მოპოვების მეთოდების განსაზღვრა და კვოტების დადგენაში მონაწილეობა, სამეცნიერო-კვლევითი მიზნით, ცხოველთა სამყაროს ობიექტების გარემოდან ამოღების რეგულირება;

ე) „გადაშენების საფრთხის წინაშე მყოფი ველური ფლორისა და ფაუნის სახეობებით საერთაშორისო ვაჭრობის შესახებ“ (CITES) კონვენციის დანართებში შეტანილი სახეობების ნიმუშებით საერთაშორისო ვაჭრობის რეგულირება;

ვ) ბიომრავალფეროვნების მონიტორინგის სახელმწიფო სისტემის ორგანიზება და კოორდინაცია;

ზ) კომპეტენციის ფარგლებში, გენმოდიფიცირებული ორგანიზმის გამოყენების რეგულირების კოორდინაცია და საერთო ორგანიზაციული უზრუნველყოფა;

თ) დარგობრივი სტრატეგიებისა და სამოქმედო გეგმების მომზადება და შესრულების  მონიტორინგი;

ი) დარგის მარეგულირებელი კანონმდებლობის აღსრულების მონიტორინგი, პრობლემების იდენტიფიცირება და შესაბამისი წინადადებების მომზადება;

კ) კანონმდებლობით გათვალისწინებული სხვა უფლებამოსილებების განხორციელება.

5. ტყის პოლიტიკის დეპარტამენტის:

ა) ტყეების მართვის სფეროში სახელმწიფო პოლიტიკის შემუშავება და მისი განხორციელების კოორდინაცია/ხელშეწყობა;

ბ) სატყეო სტრატეგიებისა და ეროვნული სატყეო პროგრამის შემუშავებისა და განხორციელების კოორდინაცია;

გ) სატყეო სფეროში სახელმწიფო რეფორმების განხორციელებისათვის წინადადებების მომზადება, ტყის სტატუსის მინიჭებისა და შეწყვეტის მიზანშეწონილობის საკითხების განხილვა;

დ) დარგობრივი სტრატეგიებისა და სამოქმედო გეგმების მომზადება და შესრულების  მონიტორინგი;

ე) დარგის მარეგულირებელი კანონმდებლობის აღსრულების მონიტორინგი, პრობლემების იდენტიფიცირება და შესაბამისი წინადადებების მომზადება;

ვ) კანონმდებლობით გათვალისწინებული სხვა უფლებამოსილებების განხორციელება.

6. მელიორაციისა და მიწის მართვის პოლიტიკის დეპარტამენტი:

ა) კომპეტენციის ფარგლებში, ჰიდრომელიორაციის, მიწისა და ნიადაგის მდგრადი მართვის პოლიტიკისა და საკანონმდებლო ბაზის შემუშავებაში/განხორციელებაში მონაწილეობა;

ბ) ჰიდრომელიორაციის, მიწისა და ნიადაგის მდგრადი მართვის მიმართულებით ქვეყანაში არსებული გამოწვევების იდენტიფიცირება, ანალიზი და მათი გადაჭრის გზების განსაზღვრა. ასევე შესაბამისი მიზნობრივი სახელმწიფო პროგრამების/პროექტების ინიციირება, დაგეგმვა და მათი განხორციელების კოორდინაცია;

გ) ჰიდრომელიორაციის, მიწისა და ნიადაგის მდგრადი მართვის მიმართულებით საერთაშორისო საინვესტიციო და განვითარების პროექტების  შერჩევა/ინიციირება, დაგეგმვა, ასევე მათი მომზადებისა და განხორცილების კოორდინაცია;

დ) ირიგაციისა და დრენაჟის სექტორში მართვის, ინსტიტუციური მოწყობის, სატარიფო პოლიტიკის განსაზღვრის თანამედროვე, საერთაშორისო დონეზე აპრობირებული და საქართველოს რეალობის შესაბამისი პრინციპების დანერგვის ხელშეწყობა;

ე) კომპეტენციის ფარგლებში, მიწის მდგრადი მართვისა და მიწათსარგებლობის მონიტორინგის სახელმწიფო სისტემის ჩამოყალიბებაში  მონაწილეობა;

ვ) მიწისა და ნიადაგის შესახებ მონაცემთა ერთიანი საინფორმაციო სისტემის დანერგვის ხელშეწყობა;

ზ) ქვეყნის მასშტაბით მიწისა და ნიადაგის დაცვის მექანიზმების განსაზღვრა და განხორციელების კოორდინაცია;

თ) გაუდაბნოებისა და მიწის დეგრადაციის პროცესის შემარბილებელი ღონისძიებების დაგეგმვა და განხორციელების კოორდინაცია;

ი) ნიადაგის ნაყოფიერი ფენის მართვის კოორდინაცია;

კ) ნიადაგის მდგრადი მართვის მიზნით, შესაბამისი ღონისძიებების დაგეგმვა და მათი განხორციელების კოორდინაცია;

ლ) დარგობრივი სტრატეგიებისა და სამოქმედო გეგმების მომზადება და შესრულების  მონიტორინგი;

მ) დარგის მარეგულირებელი კანონმდებლობის აღსრულების მონიტორინგი, პრობლემების იდენტიფიცირება და შესაბამისი წინადადებების მომზადება;

ნ) კანონმდებლობით გათვალისწინებული სხვა უფლებამოსილებების განხორციელება. 

7.  ნარჩენებისა და ქიმიური ნივთიერებების მართვის პოლიტიკის დეპარტამენტის:

ა) კომპეტენციის ფარგლებში, ნარჩენებისა და ქიმიური ნივთიერებების მართვის ერთიანი სახელმწიფო პოლიტიკის შემუშავება და განხორციელება;

ბ) ნარჩენების მართვის ეროვნული სტრატეგიების, ეროვნული გეგმების შემუშავება და  მათი განხორციელების კოორდინაცია;

გ) კომპეტენციის ფარგლებში, ნარჩენებისა და ქიმიური ნივთიერებების მონაცემთა ბაზების წარმოების კოორდინაცია;

დ) კომპეტენციის ფარგლებში, ნარჩენებისა და ქიმიური ნივთიერებების მართვის სფეროში საქართველოს საერთაშორისო ხელშეკრულებებით განსაზღვრული ვალდებულებების განხორციელება;

ე) ნარჩენებისა და ქიმიური ნივთიერებების მართვის სფეროში გარემოსდაცვითი ღონისძიებების პრიორიტეტულ მიმართულებათა განსაზღვრა და მათი შესრულების კოორდინაცია;

ვ) კომპეტენციის ფარგლებში, ნარჩენებისა და ქიმიური ნივთიერებების მართვის სფეროში სახელმწიფო მიზნობრივი პროგრამების შემუშავება და მათი შესრულების კოორდინაცია;

ზ)  სახიფათო  და სპეციფიკური ნარჩენების მართვის კოორდინაცია;

თ) ნარჩენების პრევენციის, სეპარირების, წინასწარი დამუშავების, ხელახალი გამოყენებისა და რეციკლირების ხელშეწყობა;

ი) დარგობრივი სტრატეგიებისა და სამოქმედო გეგმების მომზადება და შესრულების  მონიტორინგი;

კ) დარგის მარეგულირებელი კანონმდებლობის აღსრულების მონიტორინგი, პრობლემების იდენტიფიცირება და შესაბამისი წინადადებების მომზადება;

ლ) კანონმდებლობით გათვალისწინებული სხვა უფლებამოსილებების განხორციელება.

8. მინერალური რესურსების პოლიტიკის დეპარტამენტის:

ა) სასარგებლო წიაღისეულის მდგრადი მართვის სფეროში სახელმწიფო პოლიტიკის შემუშავებასა და განხორციელებაში მონაწილეობა;

ბ) სასარგებლო წიაღისეულით სარგებლობის სფეროში სახელმწიფო კონტროლის კოორდინაცია;

გ) კომპეტენციის ფარგლებში, სამეცნიერო-კვლევითი სამუშაოების პრიორიტეტულ მიმართულებათა განსაზღვრაში, სახელმწიფო პროგრამების შემუშავებასა და მათ შესრულებაში მონაწილეობის მიღება;

დ) კომპეტენციის ფარგლებში, თანამშრომლობა ადგილობრივ და საერთაშორისო სამეცნიერო და არასამთავრობო ორგანიზაციებთან, დონორებთან ურთიერთობის დამყარება, პროექტების შემუშავება და განხორციელება;

ე) სასარგებლო წიაღისეულის  მდგრადი მართვის ეფექტიანი სისტემის ჩამოყალიბებისათვის წინადადებების შემუშავება;

ვ) სასარგებლო წიაღისეულის  მდგრადი მართვის საკითხებზე საერთაშორისო საუკეთესო პრაქტიკის შესწავლა და კანონმდებლობის სრულყოფისთვის შესაბამისი წინადადებების შემუშავება;

ზ) სასარგებლო წიაღისეულის  მდგრადი მართვის სფეროში საქართველოს საერთაშორისო ხელშეკრულებებით განსაზღვრული ვალდებულებების შესრულების კოორდინაცია;

თ) დარგობრივი სტრატეგიებისა და სამოქმედო გეგმების მომზადება და შესრულების  მონიტორინგი;

ი) დარგის მარეგულირებელი კანონმდებლობის აღსრულების მონიტორინგი, პრობლემების იდენტიფიცირება და შესაბამისი წინადადებების მომზადება;

კ) კანონმდებლობით გათვალისწინებული სხვა უფლებამოსილებების განხორციელება.

9. სტარატეგიული კოორდინაციისა და ანალიტიკის დეპარტამენტის:

ა) სოფლის მეურნეობისა და სოფლის განვითარების სტრატეგიისა  და შესაბამისი სამოქმედო გეგმის  შემუშავების, მონიტორინგისა და შეფასების კოორდინაცია;

ბ) სამინისტროს სხვადასხვა სტრატეგიებისა და სამოქმედო გეგმების მონიტორინგის და შეფასების კოორდინაცია, დადგენილი ფორმით მონიტორინგის ანგარიშის მომზადება და ხელმძღვანელობისთვის წარდგენა;

გ) სამინისტროს კომპეტენციის ფარგლებში, საქართველოს მთავრობის სტრატეგიებისა და სამოქმედო გეგმების (მათ შორის, „ხედვა 2030“ საქართველოს განვითარების სტრატეგია, შესაბამისი წლის სამოქმედო გეგმა და სამთავრობო პროგრამა 2025-2028 წლებისთვის) შესრულების კოორდინაცია, ანგარიშების მომზადება და საქართველოს მთავრობისთვის წარდგენის უზრუნველყოფა;

დ) სხვადასხვა სახელმწიფო უწყების  სტრატეგიებისა და სამოქმედო გეგმების შემუშავებაში მონაწილეობის მიღება ან/და მათი განხილვა. ასევე, დადგენილი წესით, ამ სტრატეგიებით/სამოქმედო გეგმებით გათვალისწინებული პროგრამების/ღონისძიებების  მონიტორინგის ანგარიშების მომზადება სამინისტროს კომპეტენციის ფარგლებში და შესაბამისი უწყებებისთვის გაგზავნა;

ე) გარემოს დაცვის მოქმედებათა ეროვნული პროგრამისა და შესაბამისი სამოქმედო გეგმის შემუშავების, მონიტორინგისა და შეფასების კოორდინაცია. დადგენილი ფორმით მონიტორინგის ანგარიშის მომზადება და სამინისტროს ხელმძღვანელობისთვის წარდგენა;

ვ) გარემოსდაცვითი პრიორიტეტული მიმართულებების განსაზღვრაში მონაწილეობა და მათი განხორციელების ხელშეწყობა;

ზ) კომპეტენციის ფარგლებში, ქვეყანაში მდგრადი განვითარებისა და მწვანე ეკონომიკის პრინციპების დანერგვის ხელშეწყობა;

თ) მდგრადი განვითარების პრინციპებთან დაკავშირებული მრავალმხრივი გარემოსდაცვითი ხელშეკრულებებითა და გლობალური/რეგიონული პროცესებით განსაზღვრული ვალდებულებების შესრულება და კოორდინაცია;

ი) გარემოს მდგომარეობის შესახებ ეროვნული მოხსენების მომზადების კოორდინირება და ორგანიზება;

კ) კანონმდებლობით გათვალისწინებული სხვა უფლებამოსილებების განხორციელება.

10. იურიდიული დეპარტამენტის:

ა) სამინისტროს ცენტრალური აპარატისა და სისტემის საქმიანობის სამართლებრივი უზრუნველყოფის ხელშეწყობა;

ბ) სამინისტროს კანონშემოქმედებითი საქმიანობის კო­ორ­­დინაცია; კომპეტენციის ფარგლებში, შესაბამისი საკანონ­მდებ­ლო ნორმატიული აქტების პროექტების მომზადება ან მომზა­დე­ბული კანონპროექტების სამართლებრივი ექსპერტიზა;

გ) კანონშემოქმედებით სფეროში პარლამენტისა და სამინის­ტროს ურთიერთობის კოორდინაცია და საპარლამენტო მდივნი­სათვის „საპარლამენტო მდივნის შესახებ“ საქართველოს კანონით მინიჭებულ უფლებამოსილებათა განხორციელებაში ხელშეწყობა;

დ) მთავრობათაშორისი და უწყებათაშორისი საერთაშორისო ხელშეკრულებების პროექტების სამართლებრივი ექსპერტიზა;

ე)  სამინისტროსა და მის სისტემაში შემავალი დაწესებულებების მიერ მომზადებული საკანონმდებლო და კანონქვემდებარე ნორმატიული აქტების პროექტების საქართველოს მთავრობასა და საქართველოს პარლამენტში წარდგენის უზრუნველყოფის კოორდინაცია;

ვ) ნორმატიული ან/და ინდივიდუალური სამართლებ­რივი აქტების პროექტების მომზადება ან/და სამართლებრივი ექსპერტიზა/ვიზირება (გარდა მივლინებასთან ან შვებულებასთან დაკავშირებული პრო­ექ­ტებისა);

ზ) კომპეტენციის ფარგლებში, განცხადებების, საჩივრებისა და წერილების განხილვა;

თ) მინისტრის მიერ მიღებული ნორმატიული აქტების საქარ­თველოს საკანონმდებლო მაცნეში რეგისტრაციისა და გამოქ­ვეყ­ნების უზრუნველყოფა;

ი) სამინისტროს წარმომადგენლობა ყველა ინსტანციის  სასა­მარ­თლოში;

კ) კანონმდებლობით გათვალისწინებული სხვა უფლებამოსილებების განხორციელება.

11. საერთაშორისო ურთიერთობებისა და ევროინტეგრაციის დეპარტამენტის:

ა) სამინისტროს საერთაშორისო ურთიერთობების წარმართვა უცხოეთის სახელმწიფოებსა და საერთაშორისო ორგანიზაციებთან;

ბ) სამინისტროს კომპეტენციის ფარგლებში, საერთაშორისო ხელშეკრულებების პროექტების მომზადების, შესაბამისი მოლაპარაკებების გამართვისა და ხელშეკრულებათა ხელმოწერის პროცესის კოორდინაცია;

გ) შესაბამის საერთაშორისო ორგანიზაციებთან კოორდინაციის უზრუნველყოფა და თანამშრომლობის საკითხების რეგულირება, გარემოს დაცვისა და სოფლის მეურნეობის სფეროებში მომუშავე დონორებსა და განმახორციელებელ პარტნიორებთან ერთად ახალი პროექტების შემუშავებაში მონაწილეობა სამინისტროს სისტემაში შემავალი სტრუქტურული ერთეულების საჭიროებებისა და ევროინტეგრაციის, აგრეთვე საერთაშორისო ორგანიზაციებსა და საზღვარგარეთის ქვეყნებთან განსაზღვრული თანამშრომლობის პრიორიტეტების გათვალისწინებით;

დ) კომპეტენციის ფარგლებში, საერთაშორისო  ხელშეკრულებებით ნაკისრ ვალდებულებათა შესრულების კოორდინირება. დონორი ორგანიზაციის მიერ დაფინანსებული პროექტების შესრულების შესახებ ანგარიშების მომზადება და სამინისტროს ხელმძღვანელობისთვის წარდგენა, აგრეთვე პროექტებით გათვალისწინებული აქტივობების შესრულების პროგრესის მონიტორინგი;

ე) კომპეტენციის ფარგლებში, ეროვნული და საერთაშორისო ღონისძიებების (სემინარები, კონფერენციები, მინისტერიალები და სხვა) დაგეგმვა, განხორციელება ან/და კოორდინაცია; 

ვ) საერთაშორისო ხელშეკრულებების სავალდებულოდ აღიარებისათვის საჭირო მოსამზადებელ პროცედურულ ღონისძიებათა ორგანიზება;

ზ) საერთაშორისო ხელშეკრულებების განმახორციელებელ მექანიზმებთან თანამშრომლობა და ეროვნული პასუხისმგებელი/საკონტაქტო პირების საქმიანობის კოორდინაცია;

თ) სოფლის მეურნეობისა და გარემოს დაცვის სფეროებში ევროკავშირის მიერ დაგეგმილი, მიმდინარე და დასრულებული პროექტებისა და პროგრამების შესახებ ინფორმაციის მოპოვება, დამუშავება და განახლება;

ი) სამინისტროს სისტემაში შემავალი სტრუქტურული ერთეულებისა და დაწესებულებების საერთაშორისო ურთიერთობების მიმართულებით არსებული საკითხების კოორდინაცია და მონიტორინგი;

კ) გარემოს დაცვისა და სოფლის მეურნეობის სფეროების მარეგულირებელი სამართლებრივი აქტების ევროკავშირსა და საქართველოს შორის ასოციირების შესახებ შეთანხმებით განსაზღვრულ ევროკავშირის კანონმდებლობასთან დაახლოების უზრუნველყოფა და შესაბამისობის ცხრილების მომზადება;

ლ) ევროკავშირსა და საქართველოს შორის ასოციირების შესახებ შეთანხმების იმპლემენტაციის მიზნით შექმნილ სამთავრობო საკოორდინაციო მექანიზმში მონაწილეობა;

მ) საქართველოს მიერ ენერგეტიკული გაერთიანების წინაშე ნაკისრი ვალდებულებების შესრულების მიზნით სამინისტროს საქმიანობის კოორდინაცია;

ნ) სამინისტროს კომპეტენციის ფარგლებში, ევროპული ინტეგრაციის საკითხების თაობაზე წინადადებების შემუშავება;

ო) კანონმდებლობით გათვალისწინებული სხვა უფლებამოსილებების განხორციელება.

12.  სტრატეგიული კომუნიკაციის დეპარტამენტის:

ა)  სამინისტროს საქმიანობის გამჭვირვალობის უზრუნველყოფა;

ბ) საჯარო ინფორმაციის ხელმისაწვდომობის უზრუნველყოფა, საჯარო ინფორმაციის პროაქტიულად გამოქვეყნება და ამ მიზნებით სამინისტროს დანაყოფებიდან შესაბამისი ინფორმაციის გამოთხოვა და შესრულების მონიტორინგი, საუკეთესო საერთაშორისო გამოცდილების გათვალისწინებით, სისტემის გამჭვირვალობისა და საჯაროობის უზრუნველყოფა;

გ) სამინისტროში მიმდინარე პროცესებთან დაკავშირებული ოფიციალური შეტყობინებების, განცხადებებისა და სხვა საინფორმაციო მასალების მომზადება და მათი მასობრივი საინფორმაციო საშუალებებისათვის მიწოდება;

დ) სამინისტროს მიერ განსახორციელებელი ღონისძიებების  დაგეგმვა და განხორციელების კოორდინაცია;

ე) კომპეტენციის ფარგლებში, სახელმწიფო დაწესებულებებთან, არასამთავრობო და სხვადასხვა კერძო ორგანიზაციასთან ურთიერთობა;

ვ) სამინისტროს სისტემაში შემავალი უწყებების საზოგადოებასთან ურთიერთობის სამსახურების კოორდინირებული საქმიანობის უზრუნველყოფა;

ზ) სამინისტროს ცენტრალური აპარატის სტრუქტურული ქვედანაყოფებისა და სამინისტროს სისტემაში შემავალი უწყებებისგან  საჭირო ინფორმაციის მოპოვება;

თ) სამინისტროს მიერ ორგანიზებული ღონისძიებებისა და მიღებულ გადაწყვეტილებათა შესახებ მასობრივი ინფორმაციის საშუალებების ინფორმირება;

ი) სამინისტროს ოფიციალური  ვებგვერდისა და სოციალური ქსელის ადმინისტრირება;

კ) კომპეტენციის ფარგლებში, ინტერვიუების, ბრიფინგების, პრესკონფერენციებისა და საჯარო შეხვედრების დაგეგმვასა და ორგანიზებაში მონაწილეობა;

ლ) კანონმდებლობით გათვალისწინებული სხვა უფლებამოსილებების განხორციელება.

13. ადმინისტრაციული დეპარტამენტის:

ა) სამინისტროს საქმიანობის ადმინისტრაციული და ორგანიზაციული  საქმიანობის უზრუნველყოფა;

ბ) მინისტრთან ჩასატარებელი  თათბირების, კომისიებისა და საბჭოების  სხდომების ორგანიზება  და ოქმების შედგენა;

გ) სამინისტროს საგანგებო სიტუაციების მართვისა და სამობილიზაციო გეგმის მომზადება;

დ)  სამინისტროსათვის გადაცემული სახელმწიფო საკუთრებაში არსებული ქონების მართვის ორგანიზება;

ე) სამინისტროში ოფიციალურად შემოსული და გასული კორესპონდენციის რეგისტრაცია, აღრიცხვა და სისტემატიზაცია, საქმისწარმოების უზრუნველყოფა;

ვ) საიდუმლო საქმისწარმოების განხორციელება, მოქმედი კანონმდებლობით გათვალისწინებულ შესაბამის ინფორმაციასა და დოკუმენტაციასთან დაკავშირებით საიდუმლო რეჟიმის დაცვის უზრუნველყოფა;

ზ) სამინისტროს არქივის მუშაობის ორგანიზება;

თ) სამინისტროს ცენტრალური აპარატის საქმიანობის უზრუნველსაყოფად, სათანადო მატერიალურ-ტექნიკური პირობების შექმნა;

ი) შრომის უსაფრთხოების  რისკებისა და საფრთხეების შეფასების კონტროლი;

კ) კანონმდებლობით გათვალისწინებული სხვა უფლებამოსილებების განხორციელება.

14. საფინანსო დეპარტამენტის:

ა) საფინანსო-საბიუჯეტო საქმიანობის წარმართვა, სამინისტროს ერთიანი ბიუჯეტის პროექტის შემუშავება;

ბ) სამინისტროსათვის გამოყოფილი თანხის მიზნობრივი ათვისების უზრუნველყოფა, საბიუჯეტო დაფინანსების სისტემური ანალიზი;

გ) პროგრამებისა და პროექტების დაფინანსების პირობების სრულყოფა;

დ) სამინისტროს ცენტრალური აპარატის საბუღალტრო აღრიცხვის წარმოება;

ე) სამინისტროს სისტემის დაწესებულებათა მიერ წარდგენილი კვარტალური და წლიური ანგარიშების სისწორის კონტროლი, ნაერთი ფინანსური ანგარიშგების მომზადება, საქართველოს ფინანსთა სამინისტროსა და სხვა ორგანიზაციათა წინაშე სავალდებულო ანგარიშგება;

ვ) სამინისტროსა და მისი სისტემის დაწესებულებათა საბუღალტრო აღრიცხვისა და ანგარიშგების წარმოების ერთიანი მეთოდოლოგიური საფუძვლების უზრუნველყოფა;

ზ) მოქმედი კანონმდებლობის შესაბამისად, სახელმწიფო შესყიდვების განხორციელება;

თ) ქვეყნის ძირითადი მონაცემებისა და მიმართულებების დოკუმენტიდან გამომდინარე, სამინისტროს სისტემაში შემავალ დაწესებულებებსა და სამინისტროს სტრუქტურულ ქვედანაყოფებთან კოორდინაციით სამინისტროს საშუალოვადიანი სამოქმედო გეგმის მომზადება;

ი) კანონმდებლობით გათვალისწინებული სხვა უფლებამოსილებების განხორციელება.

15. შიდა აუდიტის დეპარტამენტის:

ა) სამინისტროს წინაშე არსებული რისკების დადგენა და მათი მართვის ხარისხის შეფასება;

ბ) ფინანსური მართვისა და კონტროლის სისტემის ადეკვატურობისა და   ეფექტიანობის შეფასება;

გ)  კანონმდებლობით დადგენილი წესით, შიდა აუდიტის წლიური და სტრატეგიული გეგმების შემუშავება;   

დ)   შიდა აუდიტორული შემოწმების განხორციელება;  

ე) სამინისტროს საქმიანობის საქართველოს კანონმდებლობასთან შესაბამისობის შეფასება/მონიტორინგი;

ვ) სამინისტროს საქმიანობის ეკონომიურობის, ეფექტიანობისა და პროდუქტიულობის გაზრდის მიზნით რეკომენდაციების შემუშავება;

ზ) ფინანსური და სხვა ინფორმაციის სანდოობის, სიზუსტისა და სისრულის შეფასება;

თ) სამინისტროს აქტივების, სხვა რესურსებისა და ინფორმაციის ადეკვატურად დაცულობის შეფასება;

ი) სამსახურებრივი გადაცდომის ან/და დაწესებულების მიზნებთან შეუსაბამო ქმედების არსებობის შემოწმება და მისი აღმოჩენის მიზნით განხორციელებული სამსახურებრივი შემოწმების შემდეგი ღონისძიებები:

ი.ა) სამინისტროს სისტემაში კანონმდებლობის მოთხოვნათა დაცვისა და შესრულების კონტროლის განხორციელება, მოსალოდნელი დარღვევების ან/და ხარვეზების ანალიზი და მათი პრევენცია;

ი.ბ) სამინისტროს სისტემაში თანამშრომელთა მიერ სამსახურებრივი გადაცდომის ფაქტების სამსახურებრივი შემოწმების ჩატარება, შემოწმების შესახებ დასკვნის შედგენა და ხელმძღვანელობისათვის წარდგენა;

ი.გ) სამინისტროს სისტემის თანამშრომელთა მიერ კანონმდებლობის დარღვევის ფაქტების ხელშემწყობი მიზეზების დადგენისა და პრევენციის, სამინისტროს სისტემაში აღმოჩენილი ხარვეზებისა და მათი გამომწვევი მიზეზების აღმოფხვრის მიზნით მინისტრისათვის შესაბამისი რეკომენდაციების მიწოდება;

ი.დ)   სამინისტროს სისტემის თანამშრომელთა მიერ სამსახურებრივი ეთიკის ნორმების შესრულების კონტროლი;

კ) აუდიტორული და სამსახურებრივი შემოწმების შედეგად  დანაშაულის ნიშნების აღმოჩენის შემთხვევაში, შესაბამისი რეაგირებისათვის ინფორმაციის მინისტრისათვის მიწოდება;  

ლ) სხვა საქმიანობა, რომელიც გამომდინარეობს სამინისტროს ინტერესებიდან და არ ეწინააღმდეგება საქართველოს კანონმდებლობას,  „სახელმწიფო შიდა ფინანსური კონტროლის შესახებ“ საქართველოს კანონის მიზნებსა და აუდიტორის დამოუკიდებლობის პრინციპებს;

მ) კანონმდებლობით გათვალისწინებული სხვა უფლებამოსილებების განხორციელება.

16. ადამიანური რესურსების მართვის დეპარტამენტის:

ა) სამინისტროს ცენტრალური აპარატის ადამიანური რესურსების მართვის პოლიტიკის განსაზღვრა, დაგეგმვა, განხორციელება. თანამედროვე მოთხოვნათა შესაბამისად, ადამიანური რესურსების მართვის ოპტიმიზაციის მიზნით რეკომენდაციების შემუშავება;

ბ) ადამიანური რესურსების მოზიდვის, შერჩევის, განვითარებისა და შენარჩუნების მიზნით არსებული პროცესების შესწავლა, საუკეთესო პრაქტიკის მოძიება და პოლიტიკის შემუშავება/განხორციელება; წინასწარ განსაზღვრული კრიტერიუმების/ინდიკატორების შესაბამისად, თანამშრომელთა შეფასებისა და მოტივაციის ასამაღლებელი სისტემების შემუშავება, დანერგვა, პერიოდული განახლება;

გ) სამინისტროს სისტემაში შემავალ უწყებებში ადამიანური რესურსების მართვის ერთიანი სისტემის, პოლიტიკის და სტრატეგიის შემუშავებისა და განხორციელების ხელშეწყობა, მათი საქმიანობის კოორდინაცია და მეთოდური მხარდაჭერა;

დ) სამინისტროს მოსამსახურეთა პირადი საქმეების წარმოება, მონაცემთა ბაზის შექმნა და სისტემატიზაცია;

ე) სამინისტროს ცენტრალური აპარატის საჯარო მოხელეთა დანიშვნის, გათავისუფლების, დისციპლინური პასუხისმგებლობის შეფარდების, წახალისების, შვებულების, მივლინების, დროებითი ფუნქციების დაკისრებისა და გადაყვანის  შესახებ ბრძანებების პროექტებისა და შრომითი/ადმინისტრაციული ხელშეკრულებების მომზადება;

ვ) სამინისტროში არსებული ვაკანტური თანამდებობების დასაკავებლად კანდიდატურის შერჩევისათვის კანონმდებლობით გათვალისწინებული ღონისძიებების განხორციელება;

ზ) კანონმდებლობით გათვალისწინებული სხვა უფლებამოსილებების განხორციელება.

17. ინფორმაციული ტექნოლოგიების დეპარტამენტის:

ა) სამინისტროსათვის ერთიანი ინფორმაციული ტექნოლოგიური პოლიტიკის შემუშავება და მისი დანერგვის უზრუნველყოფა სამინისტროს ცენტრალურ აპარატსა და სისტემაში შემავალ უწყებებში;

ბ) ინფორმაციული უსაფრთხოების პოლიტიკის შემუშავება და მისი უზრუნველყოფა სამინისტროს ინფორმაციულ სისტემებსა და ციფრული ინფრასტრუქტურის დონეზე;

გ) სამინისტროს საჭიროებებიდან გამომდინარე, ტექნიკური და კომპიუტერული მოწყობილობების ახალი ინოვაციური მოწყობილობებით ჩანაცვლება და მათზე მონიტორინგის წარმოების უზრუნველყოფა;

დ) სამინისტროში არსებული კომპიუტერული ქსელის სისტემების ადმინისტრირებისა და მართვის უზრუნველყოფა, ამასთან, მისი შიდა და გარე ქსელური პერიმეტრის დაცვა;

ე) სამინისტროს სტრატეგიულ პროექტებთან, სერვისებთან და ღონისძიებებთან დაკავშირებით მოქალაქეთა, დაინტერესებული მხარეებისა და ინვესტორებისთვის ინფორმაციაზე ხელმისაწვდომობის უზრუნველყოფა თანამედროვე ციფრული არხების მეშვეობით;

ვ) არსებული ციფრული სერვისების გამართულობის მხარდაჭერა, ახალი ინოვაციური სერვისების დანერგვა და მონაცემთა უწყვეტობისა და უსაფრთხოების უზრუნველყოფა სისტემურ დონეზე;

ზ) სამინისტროსა და მის სისტემაში შემავალი უწყებების ფარგლებში ინფორმაციული სისტემების განვითარების, ბიზნესპროცესების ანალიზისა და ციფრული ტრანსფორმაციის ხელშეწყობა;

თ) ერთიანი, ცენტრალური მონაცემთა ბაზების შექმნა და შესაბამისი ანგარიშგების უზრუნველყოფა;

ი) სერვისების კატალოგების შექმნა და მათზე წვდომის დონეების მართვა;

კ) სამინისტროს სისტემაში შემავალი ყველა სტრუქტურული ერთეულისა და უწყების ტექნიკური მხარდაჭერის უზრუნველყოფა, მომხმარებელთა მართვის ინოვაციური სისტემის საშუალებებით;

ლ) კანონმდებლობით გათვალისწინებული სხვა უფლებამოსილებების განხორციელება.

18. პროტოკოლის სამსახურის:

ა) მინისტრისა და მინისტრის მოადგილეებისათვის უცხო ქვეყნის ოფიციალური დელეგაციების ვიზიტისას საპროტოკოლო ღონისძიების გატარება;

ბ) მინისტრის მოწვევით სამთავრობო დელეგაციების საქართველოში ვიზიტების მომზადებაში მონაწილეობა;

გ)  საზღვარგარეთის ქვეყნებში მინისტრისა და მინისტრის თანმხლები დელეგაციის წევრების, ოფიციალური და სამუშაო ვიზიტების კომპეტენციის ფარგლებში ორგანიზება;

დ)  საქართველოს აღმასრულებელი და საკანონმდებლო ხელისუფლების პროტოკოლის სამსახურებთან, უცხო ქვეყნებში არსებული საქართველოს დიპლომატიური კორპუსის წარმომადგენლებსა და ასევე საქართველოში აკრედიტებულ უცხო ქვეყნების საელჩოებთან თანამშრომლობა;

ე) მინისტრის მოწვევით უცხო სახელმწიფოთა დელეგაციების ვიზიტების პროგრამის შედგენაში მონაწილეობა;

ვ) საქართველოს სხვადასხვა სამინისტროების ხელმძღვანელებთან შეხვედრების ორგანიზება;

ზ) კანონმდებლობით გათვალისწინებული კვოტის ფარგლებში სამინისტროს მოსამსახურეთა სამსახურებრივი პასპორტებით უზრუნველყოფა და მათი სავიზო მომსახურების ორგანიზება;

თ) კანონმდებლობით გათვალისწინებული სხვა უფლებამოსილებების განხორციელება.“.

2. ამ მუხლის პირველი პუნქტით გათვალისწინებულ საკითხებთან დაკავშირებით სამინისტროს მიერ მიღებული/გამოცემული სამართლებრივი აქტები ინარჩუნებს იურიდიულ ძალას სსიპ − გარემოს ეროვნული სააგენტოს მიერ ახალი სამართლებრივი აქტების მიღებამდე/გამოცემამდე.