„თიანეთის მუნიციპალიტეტში რეგისტრირებული მოსახლეობისათვის სოციალური დახმარების გაცემის წესის“ დამტკიცების შესახებ თიანეთის მუნიციპალიტეტის საკრებულოს 2025 წლის 23 იანვრის №40 დადგენილებაში ცვლილების შეტანის თაობაზე

„24. თიანეთის მუნიციპალიტეტში რეგისტრირებული ბავშვებისათვის შპს „ფენიქს ცენტრის“ მიერ გაწეული ფსიქოლოგიური და ნევროლოგიური სერვისების დაფინანსება“.

„მუხლი 25¹.   თიანეთის მუნიციპალიტეტში რეგისტრირებული ბავშვებისათვის შპს „ფენიქს ცენტრის“ მიერ გაწეული ფსიქოლოგიური და ნევროლოგიური სერვისების დაფინანსება

1. თიანეთის მუნიციპალიტეტში რეგისტრირებული ბავშვები (18 წლამდე)  ფსიქოლოგიური და ნევროლოგიური მომსახურების დაფინანსებით ყოველთვიურად ისარგებლებენ თვეში არაუმეტეს 650 ლარის ოდენობით.

2. მერია დააფინანსებს მემორანდუმით გათვალისწინებულ მომსახურების სახეებს. დაფინანსებული თანხა არ უნდა აღემატებოდეს მემორანდუმის ვადას.

3. განცხადება დაფინანსების თაობაზე განიხილება თიანეთის მუნიციპალიტეტის მერიაში სოციალური დახმარების მოთხოვნაზე შემოსული განცხადებების განმხილველი კომისიის სხდომაზე. მიღებული გადაწყვეტილების შესაბამისად გაიცემა საგარანტიო წერილი.

4. მომსახურების ანაზღაურება მოხდება ყოველთვიურად შესრულებული სამუშაოს დამადასტურებელი დოკუმენტაციის შესაბამისად.

5. მომსახურების შესრულებისას ყოველი მომდევნო თვის დასაწყისში (მომსახურების საბოლოოდ დასრულებამდე), შპს „ფენიქს ცენტრი“ მერიას წარუდგენს შესრულებული სამუშაოს დამადასტურებელ დოკუმენტაციას, რომლის საფუძველზეც მომზადდება ბრძანების პროექტი მომსახურების ღირებულების ანაზღაურების შესახებ.

6. დაფინანსების მისაღებად მუნიციპალიტეტში წარმოსადგენი დოკუმენტებია:

ა) განცხადება მუნიციპალიტეტის მერის სახელზე;

ბ) განმცხადებლის პირადობის დამადასტურებელი დოკუმენტის ასლი;

გ) ბავშვის დაბადების მოწმობის ასლი;

დ) ჯანმრთელობის ცნობა გაცემული შპს „ფენიქს ცენტრის“ მიერ;

ე) ანგარიშ-ფაქტურა გაცემული შპს „ფენიქს ცენტრის“ მიერ;

ვ) ინფორმაცია მომსახურების დაფინანსების შესახებ.

7. ანგარიშსწორება მოხდება უნაღდო ანგარიშსწორებით.“.