„გარდაბნის მუნიციპალიტეტის სოფელ გამარჯვების დამისამართების შესახებ“ გარდაბნის მუნიციპალიტეტის საკრებულოს 2012 წლის 22 ივნისის №84 განკარგულებაში ცვლილების შეტანისა და გარდაბნის მუნიციპალიტეტის გამარჯვების ადმინისტრაციულ ერთეულში, სოფელ გამარჯვებაში, სახელწოდების არმქონე გეოგრაფიული ობიექტების არაბული ციფრების გამოყენებით სახელდების შესახებ

საქართველოს ორგანული კანონის „ადგილობრივი თვითმმართველობის კოდექსი” 24-ე   მუხლის   პირველი   ნაწილის   ,,ა.ე”   ქვეპუნქტის,   საქართველოს  კანონის „გეოგრაფიული ობიექტების სახელდების შესახებ“ მე-8 მუხლის მე-7, მე-8 პუნქტების, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების, საქართველოს კანონის,  „საქართველოს  ზოგადი  ადმინისტრაციული  კოდექსი“ 63-ე  მუხლისა  და  გარდაბნის  მუნიციპალიტეტის  მერიის  2025  წლის  24  ივლისის №18-18252054 წერილის საფუძველზე,  გარდაბნის  მუნიციპალიტეტის საკრებულომ გადაწყვიტა:

მუხლი 1

შტანილ იქნეს ცვლილება „გარდაბნის მუნიციპალიტეტის სოფელ გამარჯვების დამისამართების  შესახებ“ გარდაბნის მუნიციპალიტეტის  საკრებულოს  2012 წლის 22 ივნისის №84 განკარგულების დანართში და  გარდაბნის მუნიციპალიტეტის გამარჯვების ადმინისტრაციულ ერთეულში, სოფელ გამარჯვებაში არსებული ქუჩების ცვლილება და სახელწოდების არმქონე გეოგრაფიული ობიექტების სახელდება განხორციელდეს, არაბული ციფრების გამოყენებით, დანართი №1-ის (გეოგრაფიული ობიექტების ჩამონათვალი), დანართი №2-ის (სიტუაციური ნახაზი) და სიტუაციური რუკების: №1, №2 და №3-ის შესაბამისად.

მუხლი 2

განკარგულება რეაგირებისთვის გადაეგზავნოს გარდაბნის მუნიციპალიტეტის მერიას.

მუხლი 3

განკარგულება მიღებიდან 10 დღის ვადაში გადაეგზავნოს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ    პირს    –   სახელმწიფო   სერვისების    განვითარების სააგენტოს საქართველოს შინაგან საქმეთა სამინისტროსა და საქართველოს ცენტრალურ საარჩევნო  კომისიას,  აგრეთვე  საჯარო რეესტრის  ეროვნულ სააგენტოს.

მუხლი 4

განკარგულება, მისი მიღებიდან 10 დღის ვადაში, გამოქვეყნდეს „საქართველოს საკანონმდებლო მაცნეს“ ვებგვერდზე.

მუხლი 5

განკარგულება ძალაშია ხელმოწერისთანავე.

მუხლი 6

განკარგულება შეიძლება გასაჩივრდეს რუსთავის საქალაქო სასამართლოში მისამართზე: ქ. რუსთავი ბოსტანქალაქის ქუჩა №6 „საქართველოს ადმინისტრაციული საპროცესო კოდექსის“ 22-ე მუხლის მესამე ნაწილით დადგენილი წესით

გარდაბნის მუნიციპალიტეტის  საკრებულოს თავმჯდომარე მიხეილ გედეხაური