„ქალაქ ბათუმის მუნიციპალიტეტის ტერიტორიაზე საქართველოს კანონით „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ განსაზღვრული დროებითი ხელშემწყობი ღონისძიებისა და საკომპენსაციო ღონისძიების გამოყენების და ამ კანონით გათვალისწინებული სათათბირო საბჭოს საქმიანობის წესის დამტკიცების შესახებ“ ქალაქ ბათუმის მუნიციპალიტეტის საკრებულოს 2022 წლის 19 ივლისის №15 დადგენილებაში ცვლილების შეტანის შესახებ

1. მე-4 მუხლის მე-5 პუნქტი ჩამოყალიბდეს შემდეგი რედაქციით:

„5. ამ წესით დადგენილი ხელშემწყობი ღონისძიებების გამოყენების მიზნებისათვის (გადა 6¹⁶ და 6¹⁷ პუნქტებისა) ავარიულ სახლად მიიჩნევა „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ“ საქართველოს კანონის (www.matsne.gov.ge, 05.07.2022, სარეგისტრაციო კოდი: 330090000.05.001.020588) ამოქმედებამდე მიწის ნაკვეთის ერთ ან რამდენიმე საკადასტრო კოდზე არსებული ერთიანი კონსტრუქციული სქემის მქონე მრავალბინიანი საცხოვრებელი სახლი („ბინათმესაკუთრეთა ამხანაგობის შესახებ“ საქართველოს კანონით განსაზღვრული განმარტების შესაბამისად) ან/და მრავალბინიანი საცხოვრებელი ფუნქციის შემცველი შენობა-ნაგებობა (საცხოვრებელი სახლი, რომელშიც საჯარო რეესტრის ამონაწერით დგინდება, რომ ერთ ჭერქვეშ არსებობს 3 და მეტი დამოუკიდებელი საკუთრების საგანი – რამდენიმე საცხოვრებელი ბინა, საცხოვრებელი ფართი და კომერციული დანიშნულების  ფართი ან/და საცხოვრებელი სახლი, რომელშიც ერთ ჭერქვეშ არსებობს 3 და მეტ წილად დაყოფილი საკუთრების საგანი, რომელშიც წილობრივი მონაცემების შესაბამისად აკრედიტირებული ექსპერტიზის ორგანოს მიერ გაცემული დასკვნის შესაბამისად, ფაქტობრივი მდგომარეობით მდებარეობს ბინა ერთეულების მსგავსად დაყოფილი დამოუკიდებელი სახით არსებული 3 და მეტი  ფართი, რამოდენიმე საცხოვრებელი ბინა და კომერციული დანიშნულების ფართი), რომელთა ავარიულობის/დაზიანების ხარისხი არის V, IV და III კატეგორია და უშუალო საფრთხეს უქმნის ადამიანის სიცოცხლეს ან/და ჯანმრთელობას, ექვემდებარება დემონტაჟს ან უკვე დემონტირებულია ან/და მისი აღდგენა-გამაგრება  არარენტაბელურია.“.  

2. მე-4 მუხლის 6² პუნქტი ჩამოყალიბდეს შემდეგი რედაქციით:

„6​².  ამ  წესის მე-3 მუხლის შესაბამისად მუნიციპალური მიზნობრივი პროგრამის ფარგლებში, ამ წესის მე-4 მუხლის მე-5 პუნქტით გათვალისწინებული ავარიული სახლების ჩანაცვლებისათვის იმავე ტერიტორიაზე ხელშემწყობი ღონისძიების გამოყენების მიზნები­სათვის მუნიციპალურ მიზნობრივ პროგრამად და ავარიული სახლის ადგილად მიიჩნევა (რა დროსაც მაკომპენსირებელი ღონისძიების გამოყენება სავალდებულო არ არის) ავარიულ სახლზე დამაგრებული მიწის ნაკვეთი, ასევე ამ მიწის ნაკვეთის მომიჯნავედ არსებული მიწის ნაკვეთი ან/და ნაკვეთები, რომელთა კვადრატულობა ჯამში არ უნდა აღემატებოდეს  ავარიულ სახლზე დამაგრებული მიწის ნაკვეთის ერთ მეორედს, რომელთა გაერთიანებაც ავარიული სახლის ჩანაცვლების მიზნით პროექტის განხორციელების მიზნისათვის უნდა მოხდეს ავარიულ სახლზე დამაგრებულ მიწის ნაკვეთთან, იმ პირობით თუ მშენებლობის ნებართვის აღებამდე კანონმდებლობით დადგენილი წესით განხორციელდება ავარიული სახლის დემონტაჟი, ასევე მოხდება ავარიულ სახლში მცხოვრები მესაკუთრეების წინასწარი და სრული დაკმაყოფილება (სანაცვლო ქონების საკუთრებაში გადაცემა ან/და ნასყიდობის საფასურის გადახდა) ან/და მშენებლობის დასრულებისა და ექსპლუატაციაში შეყვანის უზრუნველყოფის მიზნით წარმოდგენილი იქნება, საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმ­წიფო ზედამხედველობის სამსახურის“ მიერ ლიცენზირებული სადაზღვევო კომპანიის მიერ ქალაქ ბათუმის მუნიციპალიტეტის მერიის სასარგებლოდ გაცემული უპირობო და გამოუხ­მობი საბანკო გარანტია (საბანკო გარანტის ფორმა განისაზღვრება ქალაქ ბათუმის მუნიციპა­ლიტეტის მერიის მიერ) ავარიული სახლის ადგილას ქალაქ ბათუმის მუნიციპალიტეტის მერის შესაბამისი სამართლებრივი აქტით შეთანხმებული მშენებლობის პროექტის სრული საინვესტიციო ღირებულების (დადასტურებული სსიპ – ლევან სამხარაულის სახელობის სასამართლო ექსპერტიზის ეროვნული ბიუროს, ან სხვა აკრედიტირებული ექსპერტიზის ორგანოს მიერ გაცემული დასკვნით) არანაკლებ  20% ოდენობის თანხაზე. იმ შემთხვევაში, თუ დეველოპერი მშენებლობის ნებართვის მოქმედების ვადაში ვერ უზრუნველყოფს მშენებლო­ბის დასრულებას და ექსპლუატაციაში მიღებას, საბანკო გარანტია ჩამოერთმევა სრულად ქალაქ ბათუმის მუნიციპალიტეტის მერიის სასარგებლოდ. ამასთან, დაინტერესებული პირის მიერ აღნიშნული საბანკო გარანტიის ნაცვლად შესაძლებელია გამოყენებული იქნეს იგივე ღირებულების (ავარიული სახლის ადგილას შეთანხმებული მშენებლობის პროექტის სრული საინვესტიციო ღირებულების არანაკლებ 20% ოდენობის) სხვა უძრავი ქონების (მიწის ნაკვეთის, მშენებლობა დამთავრებული ობიექტში საცხოვრებელი ბინების ან/და კომერციული ფართების) ქალაქ ბათუმის მუნიციპალიტეტის მერიის სასარგებლოდ იპოთეკით დატვირთვა (მათ შორის, იპოთეკით დატვირთული უძრვი ქონების ქალაქ ბათუმის მუნიცი­პალიტეტის მერიის თანხმობის გარეშე გასხვისების აკრძალვის პირობით). ასევე, მშენებ­ლობის ნებართვის მფლობელი დეველოპერი მშენებლობის დასრულებისა და ექსპლუატა­ციაში შეყვანის უზრუნველყოფის მიზნით, მშენებლობის ნებართვით განსაზღვრულ ვადაში და პირობებით, ქალაქ ბათუმის მუნიციპალიტეტის მერიის სასარგებლოდ იპოთეკით ტვირ­თავს (მათ შორის, იპოთეკით დატვირთული უძრვი ქონების ქალაქ ბათუმის მუნიციპალი­ტეტის მერიის თანხმობის გარეშე გასხვისების აკრძალვის პირობით) ავარიული სახლის ადგილას მშენებარე ობიექტში თავის საკუთრებაში რეგისტირებული სასარგებლო ფართების (ბინების) საერთო ჯამის  არანაკლებ 10 %-ს.“.

3. მე-4 მუხლს 6¹⁵ პუნქტის შემდგომ დაემატოს შემდეგი შინაარსის 6¹⁶, 6¹⁷ და 6¹⁸ პუნქტი:

„6¹⁶. ავარიული სახლების ჩანაცვლებისათვის იმავე ტერიტორიაზე ხელშემწ­ყობი ღონისძიების გამოყენების მიზნები­სათვის,  ავარიულ სახლად მიიჩნევა და  განაშენიანების მაქსი­მა­ლური კოეფიციენტის ზღვრული მაჩვენებლების გადამეტება, გამწვანების რეგულა­ციე­ბის საქართველოს კანონმდებლობით დადგენილი მოთხოვნებით გათვალისწინებუ­ლისგან განსხვავებული პირობებით დამტკიცება, ავტოსადგომების რაოდენობასთან დაკავშირებული რეგულაციების საქართველოს კანონმდებლობით დადგე­ნილი მოთხოვნე­ბით გათვალისწინებულისგან განსხვავებული პირობებით დამტკიცება დასაშვებია 6¹⁷ პუნქტით დადგენილი წესის შესაბამისად, მხოლოდ იმ შემთხვევაში, თუ ახალი საცხოვრებელი სახლის მშენებლობისათვის ხორციელდება „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ“ საქართველოს კანონის (www.matsne.gov.ge, 05.07.2022, სარეგისტრაციო კოდი: 330090000.05.001.020588) ამოქმედებამდე მიწის ნაკვეთის ერთ ან რამოდენიმე საკადასტრო კოდზე არსებული ერთიანი კონსტრუქციული სქემის მქონე ისეთი მრავალბინიანი საცხოვრებელი სახლის ან/და მრავალბინიანი საცხოვრებელი ფუნქციის შემცველი შენობა-ნაგებობის ათვისება, რომელშიც საჯარო რეესტრის ამონაწერით დგინდება, რომ ერთ ჭერქვეშ არსებობს 10 და მეტი დამოუკიდებელი საკუთრების საგანი – რამდენიმე საცხოვრებელი ბინა, საცხოვრებელი ფართი და კომერციული დანიშნულების  ფართი ან/და რომელშიც ერთ ჭერქვეშ არსებობს 10 და მეტ წილად დაყოფილი საკუთრების საგანი, რომელშიც წილობრივი მონაცემების შესაბამისად აკრედიტირებული ექსპერტიზის ორგანოს მიერ გაცემული დასკვნის შესაბამისად, ფაქტობრივი მდგომარეობით მდებარეობს ბინა ერთეულების მსგავსად დაყოფილი დამოუკიდებელი სახით არსებული 10 და მეტი  ფართი, რამოდენიმე საცხოვრებელი ბინა და კომერციული დანიშნულების ფართი, რომელთა ავარიულობის/დაზიანების ხარისხი არის V, IV და III კატეგორია და უშუალო საფრთხეს უქმნის ადამიანის სიცოცხლეს ან/და ჯანმრთელობას, ექვემდებარება დემონტაჟს ან უკვე დემონტირებულია ან/და მისი აღდგენა-გამაგრება  არარენტაბელურია).

6¹⁷.  ამ  წესის 6¹⁶ პუნქტით გათვალისწინებულ შემთხვევაში, განაშენიანების მაქსი­მა­ლური კოეფიციენტის ზღვრული მაჩვენებლების გადამეტება შესაძლებელია განხორციელდეს განსაკუთრებული დასაბუთებული აუცილებლობის  შემთხვევაში არაუმეტეს 0,1 კოეფიციენტით, ასევე გამწვანების რეგულა­ციე­ბის საქართველოს კანონმდებლობით დადგენილი მოთხოვნებით გათვალისწინებუ­ლისგან განსხვავებული პირობებით დამტკიცება შესაძლებელია განხორციელდეს მხოლოდ განსაკუთრებული დასაბუთებული აუცილებლობის  შემთხვევაში, სულ მცირე 0.2  გამწვანების კოეფიციენტის დაცვის პირობით, ამასთან, ავტოსადგომების რაოდენობასთან დაკავშირებული რეგულაციების საქართველოს კანონმდებლობით დადგე­ნილი მოთხოვნე­ბით გათვალისწინებულისგან განსხვავებული პირობებით დამტკიცება შესაძლებელია გან­ხორ­ციელდეს განსაკუთრებული დასაბუთებული აუცილებლობის შემთხვევაში, სულ მცირე კანონმდებლობით განსაზღვრული ოდენობის 50%-ის დაცვის პირო­ბით.

6¹⁸. ამ წესის 6¹⁶ პუნქტით გათვალისწინებულ შემთხვევაში გამოიყენება მე-6, 6¹ - 6⁵, 6⁷, 6⁸, 6¹¹ - 6¹⁵ პუნქტების მოთხოვნები.“.

4. მე-4 მუხლის მე-7 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) შენობა-ნაგებობის ავარიულობის ხარისხის დამადასტურებელი დასკვნა, რომელიც ადასტურებს, რომ ამ შენობა-ნაგებობის ავარიულობის/დაზიანების ხარისხი არის III, IV ან V კატეგორიის. ამასთან, ეს დასკვნა გაცემული უნდა იქნეს სსიპ – ლევან სამხარაულის სახელო­ბის სასამართლო ექსპერტიზის ეროვნული ბიუროს ან სხვა აკრედიტებული ექსპერტიზის ორგანოს მიერ;“.

5. მე-4 მუხლის მე-7 პუნქტს „ე“ ქვეპუნქტის შემდგომ დაემატოს შემდეგი შინაარსის „ე¹“ და „ე²“ ქვეპუნქტები:

„ე¹) მომიჯნავე შენობა-ნაგებობებზე ზეგავლენის კვლევის დოკუმენტი, გაცემული აკრედიტებული ისპექტირების ორგანოს მიერ, ასევე სატრასპორტო მოძრაობის ორგანიზების და პარკირების სქემა;

ე²) პროექტის განხორციელების დეტალური ფინანსური-ეკონომიკური დაანგარიშება, მესაკუთრის ნოტარიული თანხმობის დოკუმენტი (დეველოპერის მიერ ავარიულ საცხოვრებელ სახლში საკუთრების ათვისების სანაცვლოდ ნაკისრი ვალდებულებე­ბის ჩვენებით), მესაკუთ­რეებთან გაფორმებული ნოტარიული ან/და საჯარო რეესტრში რეგისტრირებული ხელშეკრულებები,  ავარიული სახლის ადგილას ახალი ობიექტის მშენებლობისა და ექსპლუატაციაში შეყვანისათვის საჭირო სახარჯთაღრიცხვო დოკუმენტაციის და სხვა საჭირო დოკუმენტების დართვით;“.