დაზვერვის სააგენტოს დებულების დამტკიცების შესახებ

ა) საქართველოს ხელისუფლების უმაღლესი ორგანოების მიერ ეროვ­ნული უსაფრთხოების პოლიტიკის შემუშავებისა და გატარებისათვის ხელ­შე­წყობის მიზნით შესაბამისი სადაზვერვო ინფორმაციის მოპოვება-შეგრო­ვე­ბა, დამუშავება, ანალიზი, რეკომენდაციის შემუშავება და გავრცელება (მიწოდება);

ბ) საქართველოს ეროვნული ინტერესების წინააღმდეგ მიმართული არსე­ბული და პოტენციური საგარეო საფრთხეების, რისკებისა და გამოწვე­ვების განსაზღვრა-გამოვლენა;

გ) კომპეტენციის ფარგლებში ეროვნული, რეგიონალური და გლობა­ლური უსაფრთხოების პრობლემებთან დაკავშირებული საკითხების დამუ­შავება, მოვლენების შესაძლო განვითარების პროგნოზირება და კრიზი­სული სიტუაციის არსებობის ან მისი წარმოქმნის საფრთხის შემთხვევაში ქვეყნის ხელისუფლებისათვის  შესაბამისი შეფასებების და წინადადებების მიწოდება;

დ) უსაფრთხოებისა და საგარეო პოლიტიკის სფეროებში საქართ­ვე­ლოს ეროვნული ინტერესების გატარებისა და დაცვისათვის ხელშეწყობის მიზ­ნით,  სამსახურის უფროსთან შეთანხმებით, სპეცია­ლუ­რი  ან/და აქტიური სადაზვერვო ღონისძიებების განხორციელება;

ე) საზღვარგარეთის პირობებში საკუთარი ძალების, საშუალებებისა და ოპერაციების, ასევე, საქართველოს დიპლომატიური წარმომა­დგენ­ლო­ბების და საკონსულო დაწესებულებების და მათი საქმიანობის უსაფრთ­ხოე­ბის უზრუნველყოფის მიზნით საგარეო კონტრდაზვერვითი საქმია­ნობის გან­ხორციელება.

ა) ეროვნული სადაზვერვო პროგრამის, სადაზვერვო საქმიანობის პრიორიტეტებისა და ამოცანების საფ­უძველზე შეიმუშავებს სადაზვერვო დავალებებს;

ბ) დამტკიცებული რიცხოვნობისა და ორგანიზაციული სტრუქტურის ფარგლებში  უზრუნველყოფს აუცილებელი ქვედანაყოფების, აგრეთვე სპეციალური მომზადების, სა­მე­ცნიერო-კვლევით, სამედიცინო-პროფილაქტიკური და სხვა პროფილის დაწესებულებების შექმნას;

გ) შეიმუშავებს და ახორციელებს სადაზვერვო საქმიანობის უსაფრ­თ­ხო­ებისა და განვითარებისათვის აუცილებელ სპეციალურ პროგრამებს;

დ) ნებაყოფლობის საფუძველზე ღიად ან კონფიდენციალურად თანამ­შრო­მლობს საქართველოსა და უცხო ქვეყნის მოქალაქეებთან, მოქა­ლა­ქეობის არმქონე პირებთან, ქმნის სადაზვერვო პოზიციებს;

ე) სააგენტოში არსებულ, აგრეთვე, ყველა წყაროდან მოპოვე­ბუ­ლი/მიღებული ინფორმაციის ანალიზის საფუძველზე ქმნის საბოლოო სა­დაზ­­ვერვო ინფორმაციას (სადაზვერვო პროდუქტს);

ვ) კომპეტენციის ფარგლებში მონაწილეობს საქართველოს წინააღ­მდეგ მიმართული უცხო ქვეყნების სადაზვერვო საქმიანობის გამოვლენის, აგრე­თვე, საერთაშორისო ტერორიზმის წინააღმდეგ ბრძოლის  ღონისძი­ებე­ბში;

ზ) სადაზვერვო ინფორმაციის მოსაპოვებლად იყენებს ოპერატიულ, ოპერ­ატიულ-ტექნიკურ, საინჟინრო-ტექნიკურ, რადიოელექტრონულ და სხვა სპეციალურ საშუალებებს;

თ) კონსპირაციის მიზნით, სადაზვერვო საქმიანობის აუცილებ­ლო­ბიდან გამომდინარე, ქმნის სხვადასხვა სამართლებრივი ფორმის ორგა­ნიზ­ა­ციებს;

ი) კანონმდებლობით დადგენილი წესით ახორციელებს სახელმწიფო საიდუმლოების რეჟიმის დაცვის მეთოდურ, ორგანიზაციულ, ორგანიზა­ციულ-ტექნიკურ ღონისძიებებს როგორც საკუთარ ქვედანაყოფებში, ისე საქართველოს დიპლომატიურ წარმომადგენლობებსა და საკონსულო და­წესე­ულებებში;

კ) კანონმდებლობით დადგენილი წესით უზრუნველყოფს საკუთარ უსაფრთხოებას. თავისი მოსამსახურეებისა და მათი ოჯახის წევრების, ოპე­რა­ტი­ული ინფორმაციის წყაროების, საინფორმაციო და კავშირგაბმუ­ლობის სისტემების, საინფორმაციო მონაცემთა ბაზების, საკუთარი დოკუ­მენ­ტაციის, შენობა-ნაგებობების, სატრანსპორტო საშუალებების, სხვა ქონე­ბის უსა­ფ­რთხოების უზრუნველყოფის მიზნით ახორციელებს ოპერა­ტიულ, ოპე­რატიულ-ტექნიკურ და საინჟინრო-ტექნიკურ ღონი­სძი­ებებს;

ლ) საკუთარი უსაფრთხოების უზრუნველყოფის მიზნით  თანამშრო­მ­ლობს საქართველოს სხვა სახელმწიფო სტრუქტურებთან;

მ) სადაზვერვო ინფორმაციის დასაცავად სხვა მეთოდებთან ერთად ქმნის და/ან იყენებს კრიპტოგრაფიულ სისტემებსა და შიფრებს;

ნ) კომპეტენციის ფარგლებში ახორციელებს ოპერატიულ-სამძებრო საქ­მია­ნობას;

ო) აუცილებლობის შემთხვევაში ახორციელებს თავისი დოკუ­მენტა­ციის, საკადრო შემადგენლობის, ქვედანაყოფების, შენობა-ნაგებობებისა და სატრანსპორტო საშუალებების შენიღბვასა და დაშიფრვას, მათ შორის, სხვა­დასხვა დოკუმენტების, სატრანსპორტო საშუალების სანომრე და სხვა ამო­სა­ცნობი ნიშნების გამოყენებით;

პ) საწარმოებთან, დაწესებულებებსა და ორგანიზაციებთან (მათი სამა­რთლებრივი ფორმის მიუხედავად) დებს შესაბამის შეთანხმებებს, სადაზ­ვერვო საქმიანობის აუცილებლობიდან გამომდინარე;

ჟ) შეიმუშავებს  სააგენტოს წლიური და გრძელვადიანი ბიუჯეტის პრო­ექტებს;

რ) გლობალურ და რეგიონალურ საფრთხეებთან დაკავშირებულ საკ­ი­თხებზე თანამშრომლობს უცხო ქვეყნების შესაბამის სამსახურებთან;

ს) ახორციელებს საქართველოს კანონმდებლობით მინიჭებულ სხვა უფ­ლებამოსილებებს.

ა) წარმოადგენს სააგენტოს და ხელმძღვანელობს სააგენტოს საქმია­ნობას;

ბ) ხელმძღვანელობს საქართველოს პრემიერ-მინისტრის მიერ დამტ­კიცე­ბული ეროვნული სადაზვერვო პროგრამის განხორციელებას;

გ) უზრუნველყოფს სადაზვერვო ინფორმაციის მიწოდებას ხელისუ­ფლების უმაღლესი ორგანოებისა და შესაბამისი სამთავრობო დაწესე­ბუ­ლებებისათვის;

დ) კოორდინაციას უწევს სადაზვერვო ინფორმაციის დაცვის  კრიპტო­გრა­ფიული საშუალებებისა და შიფრების სახელმწიფო სტანდარტების შექმნასა და დანერგვას;

ე) პასუხისმგებელია სააგენტოს კომპეტენციას მიკუთვნებულ სფე­როე­ბში საქართველოს კონსტიტუციის, საქართველოს კანონებისა და კან­ონ­ქვემდებარე აქტების შესრულებაზე;

ვ)  სააგენტოს სტრუქტურული ქვედანაყოფების დებულებებს, მოსამსახურეთა რიცხოვნობასა და საშტატო ნუსხას დასამტკიცებლად წარუდგენს სამსახურის უფროსს;

ზ) სააგენტოს გამგებლობის სფეროს მიკუთვნებული საკითხების გა­დაწყვე­ტის მიზნით, საქართველოს კანონმდებლობის საფუძველზე გამოს­ცემს ნორმატიულ და ინდივიდუალურ ადმინისტრაციულ-სამართლებრივ  ბრძანებებს, ასევე კონტროლს უწევს მათ შესრულებას;

თ) ამტკიცებს სააგენტოს სტრუქტურული ქვედანაყოფების   მოსამსახურეთა ფუნქციონალურ მოვალეობებს;

ი) სამსახურის უფროსთან შეთანხმებით თანამდებობაზე ნიშნავს და თანამდებობიდან ათავისუფლებს სააგენტოს მოსამსახურეებს;

კ) დადგენილი წესით განკარგავს სააგენტოს ფულად სახსრებსა და მატე­რიალურ ფასეულობებს;

ლ) მოქმედი კანონმდებლობის შესაბამისად, საწარმოებთან, დაწესებუ­ლებებთან და ორგანიზაციებთან (მიუხედავად მათი სამართლებრივი ფორ­მისა) დებს ხელშეკრულებებსა და შეთანხმებებს;

მ) საზღვარგარეთ საქართველოს დიპლომატიურ წარმომადგე­ნლო­ბებში შესაბამისი ქვეყნის სპეცსამსახურის ხელმძღვანელობასთან შეთან­ხმე­ბით, საქართველოს კანონმდებლობით განსაზღვრული ამოცანების შესასრულებლად  მისავლენად წარადგენს დაზვერვის ოფი­­ციალურ წარმომადგენლებს;

ნ) საზღვარგარეთ საქართველოს დიპლომატიური წარმომადგენ­ლო­ბების, საკონსულო დაწესებულებებისა და სხვა ოფიციალური წარმო­მად­გენ­ლობების, მათი პერსონალის, საქმიანობის, უსაფრთხოების უზრუნ­ველ­ყოფისა და საიდუმლოების რეჟიმის დაცვის მიზნით მისავლენად წარადგენს უსაფრ­თხო­ების ოფიცერს;

ო)  სამსახურის უფროსთან შეთანხმებით, სადაზვერვო საქ­მ­ია­ნობიდან გამომდინარე, სახელმწიფო სტრუქტურებში ნიშნავს დაზ­ვერვის ოფიცერს;

პ) აუცილებლობის შემთხვევაში, ხელშეკრულების საფუძველზე, სააგენტოში იწვევს მაღალკვალიფიციურ სპეციალისტებს;

ჟ) ხელმძღვანელობს  სააგენტოს სამობილიზაციო მზადყოფნას და საჭი­როების შემთხვევაში უზრუნველყოფს პირადი შემადგენლობის გა­დაყ­ვანას სამსახურის განსაკუთრებულ რეჟიმზე;

რ)  სააგენტოს მოსამსახურეებს კანონმდებლობით დადგენილი წესით ანიჭებს სახელმწიფო სპეციალურ წოდებებს, გარდა უმაღლესი სპეციალური წოდებისა;

ს) კანონმდებლობით დადგენილი წესით მოსამსახურეებზე გასცემს სამსა­ხურებრივ მოწმობებს, სამსახურებრივ-საშტატო და სამხედრო-საბრძო­ლო იარაღს, აგრეთვე სხვა სპეციალურ საშუალებებს;

ტ) სამსახურის უფროსს განსახილველად წარუდგენს წი­ნა­დადებებს სადაზვერვო საქმიანობის მარეგულირებელი შესაბამისი კანონმდებლობის სრულყოფისათვის;

უ) დადგენილი წესით აღძრავს შუამდგომლობას სააგენტოს მოსამსა­ხურ­ეებისა და უცხო ქვეყნის მოქალაქეების საქართველოს სახელმწიფო ჯილდოებით დაჯილდოებისა და მათთვის საპატიო წოდებების მინიჭების შესახებ;

ფ) სამსახურის უფროსთან შეთანხმებით განსაზღვრავს ფულადი ჯილდოს, აგრეთვე, განსაკუთრებულ შემთხვევებში,  ერთჯერადი დახმარების ოდენობას;

ქ) წაახალისებს და დისციპლინურ პასუხისმგებლობას აკისრებს სააგენტოს მოსამსახურეებს;

ღ) კანონმდებლობით დადგენილი წესით ასაჩუქრებს და/ან აჯილ­დოებს პირებს სააგენტოს წინაშე მდგომი ამოცანების შესრულებაში აქტი­ური დახმარებისათვის;

ყ)  სააგენტოს უწყებრივი მედლების ფორმასა და მედ­ლებ­ით დაჯილდოების წესს დასამტკიცებლად წარუდგენს სამსახურის უფროსს;

შ) სამსახურის უფროსთან შეთანხმებით წარმოადგენს სააგენტოს საერთაშორისო და სხვა ორგანიზაციებთან ურ­თიერთობაში;

ჩ) ახორციელებს სადაზვერვო ინფორმაციის მოპოვებას და საქართ­ვე­ლოს კანონმდებლობით მინიჭებულ სხვა უფლებამოსილებებს.

2. სააგენტოს უფროსის არყოფნისას, მის მოვალეობას ასრულებს სააგენტოს უფროსის პირველი მოადგილე, თუ სააგენტოს უფროსის გადაწყვეტილებით აღნიშნული მოვალეობის შესრულება არ დაეკისრა სააგენტოს უფროსის სხვა მოადგილეს.

ა) ოპერატიული დირექტორატი – უზრუნველყოფს, სააგენტოს უფროსის მიერ დამტკიცებული სადაზვერვო დავალებებისა და გეგმების შესაბამისად,  სადაზვერვო-ოპერატიული და საგარეო კონტრდაზვერვით ღონისძიებების განხორციელებას, მათ შორის, სადაზვერვო ინფორმაციის მოპოვება-დამუშავებას, სპეციალური ან/და აქტიური ღონისძიებების განხორციელებას;

ბ) ანალიტიკური დირექტორატი – ახორციელებს სადაზვერვო ინფორმაციის მოპოვება-შეგროვებას, დამუშავებას და ანალიზს, პოტენციური საგარეო საფრთხეების პროგნოზირებას და შესაბამისი წინადადებებისა და რეკომენდაციების მომზადებას, მონაწილეობს სადაზვერვო საქმიანობის დაგეგმვის პროცესში, აგრეთვე სადაზვერვო-ოპერატიული ღონისძიებების უზრუნველყოფაში;

გ) უსაფრთხოების დირექტორატი − უზრუნველყოფს სააგენტოს საკუთარ უსაფრთხოებას, სააგენტოს უფროსთან შეთანხმებით ახორციელებს სააგენტოს სტრუქტურული ქვედანაყოფების საქმიანობის შემოწმებასა და ინსპექტირებას,  ახორციელებს ოპერატიულ საქმიანობას და მონაწილეობს სადაზვერვო-ოპერატიული  ღონისძიებების უზრუნველყოფაში;

დ) ადმინისტრაციული დირექტორატი − ახორციელებს სააგენტოს საკადრო, სამართლებრივ, საფინანსო-სამეურნეო, მატერიალურ უზრუნველყოფას, საიდუმლო და არასაიდუმლო საქმისწარმოებას, საპროტოკოლო ღონისძიებებს, სააგენტოს საზოგადოებასთან და მასობრივი ინფორმაციის საშუალებებთან ურთიერთობის კოორდინაციას, უზრუნველყოფს ოპერატიულ აღრიცხვასა და საარქივო წარმოებას, მონაწილეობს სადაზვერვო-ოპერატიული ღონისძიებების უზრუნველყოფაში;

ე) სპეციალური მომზადებისა და გადამზადების ცენტრი (დირექტორატი) – ახორციელებს სააგენტოს, სხვა სახელმწიფო უწყებების მოსამსახურეთა სპეციალურ მომზადებასა და გადამზადებას, სამეცნიერო-კვლევით საქმიანობას და მონაწილეობს სადაზვერვო-ოპერატიული ღონისძიებების უზრუნველყოფაში;

ვ) ტექნიკური დაზვერვის დირექტორატი – უზრუნველყოფს სადაზვერვო ინფორმაციის მოპოვებას ოპერატიულ-ტექნიკური საშუალებების გამოყენებით, შეიმუშავებს და ახორციელებს ტექნიკური უსაფრთხოების ღონისძიებებს როგორც სააგენტოში, ასევე საქართველოს ფარგლებს გარეთ მყოფ საქართველოს დიპლომატიურ და სხვა დაწესებულებებში, მონაწილეობს სადაზვერვო-ოპერატიული ღონისძიებების უზრუნველყოფაში.