„საქართველოს სახელმწიფო უსაფრთხოების სამსახურის გენერალური ინსპექციის (დეპარტამენტი) დებულების დამტკიცების შესახებ“ საქართველოს სახელმწიფო უსაფრთხოების სამსახურის უფროსის 2015 წლის 1 აგვისტოს №8 ბრძანებაში ცვლილების შეტანის თაობაზე

1. მე-2 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) სამსახურის სტრუქტურულ ქვედანაყოფებში, ტერიტორიულ ორგანოებში, სამსახურის მმართველობის სფეროში შემავალ საჯარო სამართლის იურიდიულ პირებში და სახელმწიფო საქვეუწყებო დაწესებულებაში (შემდგომში – სამსახურის სისტემა) საქართველოს კანონმდებლობის მოთხოვნათა განუხრელი შესრულების კონტროლი;“;

ბ) „ა“ ქვეპუნქტის შემდგომ დაემატოს შემდეგი შინაარსის „ა¹“ ქვეპუნქტი:

„ა¹) სამსახურის სახელმწიფო საქვეუწყებო დაწესებულებაში კანონმდებლობით გათვალისწინებული ამოცანების განხორციელება სამსახურის უფროსთან შეთანხმებით;“.

2. მე-3 მუხლის:

ა) „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) გენერალური ინსპექციის წინაშე მდგარი ამოცანების შესრულების მიზნით,  შესაბამისი ოპერატიულ-სამძებრო და კონტრდაზვერვითი ღონისძიებების განხორციელება, აგრეთვე აღნიშნული ამოცანების შესრულებისთვის სამსახურის ოპერატიულ-სამძებრო, კონტრდაზვერვითი და სადაზვერვო საქმიანობის განმახორციელებელი ქვედანაყოფების შესაძლებლობების გამოყენება;

ბ) სამსახურის სისტემაში შემავალი დანაყოფების საქმიანობის (მათ შორის, ოპერატიულ-სამძებრო, კონტრდაზვერვითი და სადაზვერვო) შემოწმება არსებული დარღვევებისა და ნაკლოვანებების გამოვლენის მიზნით;“;

ბ) „დ“ ქვეპუნქტი ჩამოყალიბდეს შემდეგი რედაქციით:

„დ) სამსახურებრივი საჭიროებიდან გამომდინარე, საქართველოს პროკურატურასა და სხვა ადმინისტრაციულ ორგანოებთან, ასევე იურიდიულ და ფიზიკურ პირებთან თანამშრომლობა;“;

გ) „ვ“ ქვეპუნქტი ჩამოყალიბდეს შემდეგი რედაქციით:

„ვ) სამსახურის მოსამსახურის ქმედებაში დანაშაულის ნიშნების აღმოჩენის შემთხვევაში მოპოვებული მასალების საქართველოს კანონმდებლობით განსაზღვრული საგამოძიებო ქვემდებარეობის შესაბამისად საქართველოს პროკურატურისთვის  დადგენილი წესით გადაგზავნა;“.

3. მე-8 მუხლის:

ა) „გ“ ქვეპუნქტი ჩამოყალიბდეს შემდეგი რედაქციით:

„გ) კომპეტენციის ფარგლებში, გატარებული მუშაობის შედეგების მიხედვით, გენერალური ინსპექციის ხელმძღვანელობას წარუდგენს წინადადებებს სამსახურის კონკრეტული მოსამსახურის მიმართ დისციპლინური პასუხისმგებლობის ზომების გამოყენების მიზანშეწონილობის თაობაზე;“;

ბ) „ი“ ქვეპუნქტი ჩამოყალიბდეს შემდეგი რედაქციით:

„ი) სამსახურის უფროსის ბრძანებებით დადგენილი წესით, ახორციელებს სამსახურის დაქვემდებარებაში არსებული დანაყოფების მიერ წარმოებული საქმიანობის, მათ შორის, ოპერატიულ-სამძებრო, კონტრდაზვერვითი და სადაზვერვო საქმიანობის, აგრეთვე აღნიშნულ საქმიანობასთან დაკავშირებულ ოპერატიული ხარჯების ინსპექტირებას;“;

გ) „კ“ ქვეპუნქტი ჩამოყალიბდეს შემდეგი რედაქციით:

„კ) მონაწილეობს ადმინისტრაციულ-სამართლებრივი აქტების პროექტების მომზადებაში, რომლებიც არეგულირებს  სამსახურის დაქვემდებარებაში არსებული დანაყოფების  მიერ ოპერატიულ-სამძებრო, კონტრდაზვერვითი და სადაზვერვო საქმიანობის განხორციელების, აგრეთვე აღნიშნული საქმიანობის დაფინანსებისთვის გამოყოფილი თანხების ხარჯვის წესს;“.