„ხულოს მუნიციპალიტეტის მერიის აპარატის დებულების დამტკიცების შესახებ“ ხულოს მუნიციპალიტეტის საკრებულოს 2022 წლის 27 მაისის N8 დადგენილებაში ცვლილების შეტანის შესახებ

1. დანართის მე-3 მუხლის პირველი პუნქტის „ს“ და „ტ“ ქვეპუნქტები ჩამოყალიბდეს შემდეგი რედაქციით:

,,ს) თანასწორობის მიღწევისათვის, ქალთა და მამაკაცთა თანასწორი უფლებების რეალიზაციისათვის ცალკეული ღონისძიებების შემუშავებასა და დაგეგმვას;

ტ) ქალთა და მამაკაცთა უფლებების თანასწორობის დარღვევის თაობაზე წარმოდგენილი განცხადებების, დოკუმენტაციის და სხვა ინფორმაციის განხილვას;“.

2. დანართის მე-8 მუხლის ,,ი“,  ,,კ“,  ,,ლ“ და ,,მ“ ქვეპუნქტები ჩამოყალიბდეს შემდეგი რედაქციით:

,,ი) შეიმუშაოს და დაგეგმოს ცალკეული ღონისძიებები, ქალთა და მამაკაცთა უფლებების  რეალიზაციისათვის;

კ) განიხილოს ქალთა და მამაკაცთა უფლებების დარღვევის თაობაზე წარმოდგენილი განცხადებები, დოკუმენტაცია და სხვა ინფორმაცია, თავისი კომპეტენციის ფარგლებში მერთან და აპარატის – პირველადი სტრუქტურული ერთეულის ხელმძღვანელთან შეთანხმებით მოახდინოს მათზე რეაგირება და შეიმუშაოს შესაბამისი რეკომენდაციები;

ლ) ქალთა და მამაკაცთა უფლებების დარღვევის საკითხების შესწავლისა და განხილვის დროს მერთან და აპარატის პირველადი სტრუქტურული ერთეულის ხელმძღვანელთან შეთანხმებით მოიწვიოს შესაბამის დარგში მომუშავე სპეციალისტები;

მ) წელიწადში ერთხელ მერს წარუდგენს ანგარიშს გაწეული საქმიანობისა და ხულოს მუნიციპალიტეტში ქალთა და მამაკაცთა უფლებების მდგომარეობის შესახებ“.