დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „შინ მოვლის თანადაფინანსების“ (პროგრამული კოდი 06 02 17) განხორციელების წესის“ დამტკიცების შესახებ“ ქალაქ რუსთავის მუნიციპალიტეტის საკრებულოს 2022 წლის 23 დეკემბრის N48 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 218 |
| დოკუმენტის მიმღები | ქალაქ რუსთავის მუნიციპალიტეტი |
| მიღების თარიღი | 25/07/2025 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 28/07/2025 |
| სარეგისტრაციო კოდი | 010250050.35.160.016954 |
|
„შინ მოვლის თანადაფინანსების“ (პროგრამული კოდი 06 02 17) განხორციელების წესის“ დამტკიცების შესახებ“ ქალაქ რუსთავის მუნიციპალიტეტის საკრებულოს 2022 წლის 23 დეკემბრის №48 დადგენილებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის შესაბამისად, ქალაქ რუსთავის მუნიციპალიტეტის საკრებულო
ადგენს:
|
| მუხლი 1 |
„ქალაქ რუსთავის მუნიციპალიტეტის ქვეპროგრამის „შინ მოვლის თანადაფინანსების“ (პროგრამული კოდი 06 02 17) განხორციელების წესის“ დამტკიცების შესახებ“ ქალაქ რუსთავის მუნიციპალიტეტის საკრებულოს 2022 წლის 23 დეკემბრის №48 დადგენილების (www.matsne.gov.ge, 01/01/20203 წ., 010250050.35.160.016781) პირველი მუხლით დამტკიცებულ დანართი №1-ში შევიდეს შემდეგი სახის ცვლილება:
ა) დანართი №1-ის მე-3 მუხლის მე-6 პუნქტი და ჩამოყალიბდეს შემდეგი რედაქციით: „6. რეკომენდირებული ვიზიტების რაოდენობა კატეგორიების მიხედვით: ა) I კატეგორიის მოსარგებლისათვის თვეში 13 ვიზიტი; ბ) II კატეგორიის მოსარგებლისათვის თვეში 8 ვიზიტი; გ) III კატეგორიის მოსარგებლისათვის თვეში 4 ვიზიტი“; ბ) დანართი №1-ის მე-3 მუხლს დაემატოს შემდეგი შინაარსის 61 პუნქტი და ჩამოყალიბდეს შემდეგი რედაქციით: „61. გამონაკლისი ვიზიტების რაოდენობასთან დაკავშირებით ვრცელდება, პროგრამის განმახორციელებლისა და მომსახურების მიმწოდებლის ურთიერთშეჯერების საფუძველზე, ბენეფიციარის ინდივიდუალური საჭიროებიდან გამომდინარე, მისი მდგომარეობის შეფასებით.“; გ) დანართი №1-ის მე-6 მუხლის მე-5 პუნქტი ჩამოყალიბდეს შემდეგი რედაქციით: „5. შესრულებულ სამუშაოდ ჩაითვლება საანგარიშო თვის განმავლობაში მოსარგებლისათვის გაწეული მომსახურების მოცულობა და ვიზიტების რაოდენობა.“. |
| მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები