დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ეროვნული კვალიფიკაციების ჩარჩოსა და სწავლის სფეროების კლასიფიკატორის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 10 აპრილის №69/ნ ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 49/ნ |
| დოკუმენტის მიმღები | საქართველოს განათლების, მეცნიერებისა და ახალგაზრდობის მინისტრი |
| მიღების თარიღი | 30/07/2025 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 31/07/2025 |
| სარეგისტრაციო კოდი | 430010000.22.022.018684 |
|
„ეროვნული კვალიფიკაციების ჩარჩოსა და სწავლის სფეროების კლასიფიკატორის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 10 აპრილის №69/ნ ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად ვბრძანებ:
|
| მუხლი 1 |
„ეროვნული კვალიფიკაციების ჩარჩოსა და სწავლის სფეროების კლასიფიკატორის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 10 აპრილის №69/ნ ბრძანებით (www.matsne.gov.ge, 12/04/2019, სარეგისტრაციო კოდი: 430010000.22.022.017693) დამტკიცებული:
1. „ეროვნული კვალიფიკაციების ჩარჩოს“ (დანართი №1): ა) პირველი მუხლი ჩამოყალიბდეს შემდეგი რედაქციით: „მუხლი 1. კვალიფიკაციის დონე კვალიფიკაციის დონე წარმოადგენს ეროვნული კვალიფიკაციების ჩარჩოში კვალიფიკაციის სირთულის განმსაზღვრელ ელემენტს, რომელიც აერთიანებს „ცოდნითა და გაცნობიერებით“ (სწავლის ან საქმიანობის სფეროსთან დაკავშირებული ინფორმაციის, ფაქტების, პრინციპების, თეორიების, თეორიული და პრაქტიკული მეთოდების ასიმილაციის შედეგი), „უნარით“ (კონკრეტული დავალების შესრულებისა და პრობლემების გადაჭრისათვის შესაბამისი ცოდნის გამოყენების შესაძლებლობა) და „პასუხისმგებლობითა და ავტონომიურობით“ (ღირებულებებითა და დამოუკიდებლობის შესაბამისი ხარისხით პირის მიერ ცოდნისა და უნარების გამოყენება) აღწერილ, განზოგადებულ სწავლის შედეგებს − აღმწერებს, შემდეგი სახით:
"; ბ) მე-2 მუხლის: ბ.ა) მე-2 დონეზე არსებული ჩანაწერი – „ზოგადი განათლების საბაზო საფეხურის გავლის დამადასტურებელი სახელმწიფო დოკუმენტი“ ჩამოყალიბდეს შემდეგი სახით: „საბაზო ზოგადი განათლების დამადასტურებელი დოკუმენტი – საბაზო ზოგადი განათლების ატესტატი“; ბ.ბ) მე-4 დონეზე არსებული ჩანაწერი – „სრული ზოგადი განათლების დამადასტურებელი სახელმწიფო დოკუმენტი“ ჩამოყალიბდეს შემდეგი სახით: „სრული ზოგადი განათლების დამადასტურებელი დოკუმენტი − სრული ზოგადი განათლების ატესტატი“. 2. „სწავლის სფეროების კლასიფიკატორის“ (დანართი №2) მე-3 მუხლით გათვალისწინებული ცხრილის დეტალური სფეროს: ა) „მასწავლებლის მომზადება საგნობრივი სპეციალიზაციით Teacher Training with Subject Specialization“- ის (კოდი 0114) მე-3 სვეტს დაემატოს შემდეგი შინაარსის ჩანაწერი: „0114.3.1 ფიზიკური აღზრდა Physical education“; ბ) „აუდიოვიზუალური მეთოდები და მედიაპროდუქცია/წარმოება Audio-Visual Techniques and Media Production"-ის (კოდი 0211) მე-3 სვეტს დაემატოს შემდეგი შინაარსის ჩანაწერები: „0211.3.11 2D ანიმაციის შესრულება 2D Animation 0211.3.12 3D ანიმაციის შესრულება 3D Animation“; გ) „ჟურნალისტიკა და რეპორტიორობა Journalism and Reporting“- ის (კოდი 0321) პირველი სვეტის ჩანაწერი - „0321.1.2 მასობრივი კომუნიკაცია (შინაარსი) Mass Communication (wording and content)“ ჩამოყალიბდეს შემდეგი რედაქციით: „0321.1.2 მასობრივი კომუნიკაცია (ტექსტის ფორმულირება და შინაარსი) Mass Communication (wording and content)“; დ) „ძრავიანი სატრანსპორტო საშუალებები, გემები და საჰაერო ხომალდები Motor Vehicles, Ships and Aircraft“-ის (კოდი 0716) მე-3 სვეტს დაემატოს შემდეგი შინაარსის ჩანაწერები: „0716.3.12 მსუბუქი ავტომობილის ელექტრო და ელექტრონული სისტემების შეკეთება Light Vehicle electric and electronic system repair 0716.3.13 მსუბუქი ავტომობილის შიგა წვის ძრავას შეკეთება Light vehicle internal combustion engine repair 0716.3.14 ავტოსატრანსპორტო საშუალებების ღებვა Vehicle painting 0716.3.15 მსუბუქი ავტომობილის სავალი ნაწილის შეკეთება Light Vehicle suspension system repair“; ე) „მშენებლობა და სამოქალაქო ინჟინერია Building and Civil Engineering“-ის (კოდი 0732) მე-3 სვეტს დაემატოს შემდეგი შინაარსის ჩანაწერები: „0732.3.18 წყალმომარაგების სისტემების მშენებლობა და ექსპლუატაცია Water Supply Systems Construction and Maintenance 0732.3.19 წყალარინების სისტემების მშენებლობა Water Sewage Systems Construction 0732.3.20 სანტექნიკური სამუშაოების შესრულება Plumbing Works 0732.3.21 საბათქაშე სამუშაოები Plastering works 0732.3.22 სადურგლო საქმე Joinery“; ვ) „მემცენარეობა და მეცხოველეობა Crop and Livestock Production“-ის (კოდი 0811) მე-3 სვეტს დაემატოს შემდეგი შინაარსის ჩანაწერი: „0811.3.8 მეფრინველეობა Poultry“; ზ) „თმის და სილამაზის მომსახურებები Hair and Beauty Services“-ის (კოდი 1012) მე-3 სვეტს დაემატოს შემდეგი შინაარსის ჩანაწერი: „1012.3.2 ესთეტიკა და კანის მოვლა Aesthetics and Skincare“; თ) „სასტუმრო, რესტორანი და კვება Hotel, Restaurants and Catering“-ის (კოდი 1013) მე-3 სვეტს დაემატოს შემდეგი შინაარსის ჩანაწერი: „1013.3.6 კულინარია Cooking“. |
| მუხლი 2 |
ეს ბრძანება ამოქმედდეს გამოქვეყნებისთანავე.
|
|
დოკუმენტის კომენტარები