„სამტრედიის მუნიციპალიტეტის საკრებულოს აპარატის დებულების დამტკიცების შესახებ“ სამტრედიის მუნიციპალიტეტის საკრებულოს 2018 წლის 4 ივნისის N25 დადგენილებაში ცვლილების შეტანის თაობაზე

1. დადგენილებით დამტკიცებული დებულების მე-8 მუხლის ჩამოყალიბდეს შემდეგი რედაქციით:

„მუხლი 8. მეორე კატეგორიის უფროსი სპეციალისტი ქალისა და მამაკაცის თანასწორობის  საკითხებში

ა) შეიმუშავებს ქალისა და მამაკაცის თანასწორობის საკითხებზე მიმართულ სპეციალური პროგრამებისა და ღონისძიებების პროქტებს;

ბ) მოქალაქეთა კონსტიტუციური უფლებებისა და თავისუფლებების განხორციელებისკენ, ასევე სოციალური სფეროს განვითარებისაკენ მიმართულ ადგილობრივი თვითმმართველობის პროგრამებში ქალისა და მამაკაცის თანასწორობის უზრუნველმყოფი ღონისძიებების ჩართვის შესახებ შეიმუშავებს წინადადებებს;

გ) ახორციელებს საკრებულოსა და საკრებულოს თავმჯდომარის სამართლებრივი აქტების პროექტებზე ექსპერტიზას ქალისა და მამაკაცის თანასწორობის დაცვის  უზრუნველყოფის მიზნით;

დ) ამზადებს წინადადებებს საკრებულოსა და სამოქალაქო საზოგადოებას შორის ურთიერთთანამშრომლობის განვითარების შესახებ ქალისა და მამაკაცის თანასწორობის  საკითხების უზრუნველყოფის მიზნით;

ე) საკრებულოს და საკრებულოს თავმჯდომარის საქმიანობის პროცესში „ქალისა და მამაკაცის თანასწორობის შესახებ“ საქართველოს კანონის განხორციელების მიზნით ასრულებს სხვა ქმედებებს;

ვ) ასრულებს საკრებულოს თავმჯდომარისა და საკრებულოს აპარატის პირველადი სტრუქტურული ერთეულის უფროსის სხვა დავალებებს.“.