დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს იუსტიციის უმაღლესი საბჭოს ზოგიერთი გადაწყვეტილების ნორმატიული აქტებისათვის მიკუთვნების თაობაზე“ საქართველოს იუსტიციის უმაღლესი საბჭოს 2020 წლის 31 იანვრის №1 დადგენილებაში ცვლილების შეტანის შესახებ | |
|---|---|
| დოკუმენტის ნომერი | 72 |
| დოკუმენტის მიმღები | საქართველოს იუსტიციის უმაღლესი საბჭო |
| მიღების თარიღი | 03/07/2025 |
| დოკუმენტის ტიპი | საქართველოს იუსტიციის უმაღლესი საბჭოს დადგენილება |
| გამოქვეყნების წყარო, თარიღი | ვებგვერდი, 03/07/2025 |
| სარეგისტრაციო კოდი | 010210060.74.086.016072 |
|
„საქართველოს იუსტიციის უმაღლესი საბჭოს ზოგიერთი გადაწყვეტილების ნორმატიული აქტებისათვის მიკუთვნების თაობაზე“ საქართველოს იუსტიციის უმაღლესი საბჭოს 2020 წლის 31 იანვრის №1 დადგენილებაში ცვლილების შეტანის შესახებ
|
| მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საქართველოს იუსტიციის უმაღლესი საბჭოს ზოგიერთი გადაწყვეტილების ნორმატიული აქტებისათვის მიკუთვნების თაობაზე“ საქართველოს იუსტიციის უმაღლესი საბჭოს 2020 წლის 31 იანვრის №1 დადგენილებაში (www.matsne.gov.ge, 11/02/2020, სარეგისტრაციო კოდი: 010210060.74.086.016001) შეტანილ იქნეს ცვლილება და დადგენილების დანართი 16-ით დამტკიცებული „საერთო სასამართლოებში ელექტრონული საქმისწარმოების ზოგადი წესის“ მე-5 მუხლს დაემატოს შემდეგი შინაარსის მე-5 და მე-6 პუნქტები:
„5. სავალდებულოა სამართალწარმოების ფარგლებში მხარეთაგან ან საქმესთან დაკავშირებულ სხვა სუბიექტთაგან წარდგენილი ყველა დოკუმენტის, აგრეთვე საპროცესო მოქმედების შედეგად შექმნილი დოკუმენტის/სამართლებრივი აქტის (ოქმი, განჩინება, გადაწყვეტილება, განკარგულება, ბრძანება და ა.შ.) შესაბამისი ელექტრონული ფორმატით ატვირთვა ელექტრონული საქმისწარმოების პროგრამაში. 6. ამ მუხლის მე-5 პუნქტის მოქმედება არ ვრცელდება საქმეებზე: ა) რომელთა განხილვა მიმდინარეობს დახურულ სხდომებზე ან საიდუმლოების დაცვის სხვაგვარ რეჟიმში; ბ) რომლებიც უკავშირდება საქართველოს სისხლის სამართლის საპროცესო კოდექსის 85-ე მუხლით და საქართველოს სამოქალაქო საპროცესო კოდექსის 212-ე მუხლით გათვალისწინებულ საკითხებს; გ) რომლებიც უკავშირდება საქართველოს სამოქალაქო საპროცესო კოდექსის კარი 71-ით (,,სასამართლოს მონაწილეობა საარბიტრაჟო განხილვასა და საარბიტრაჟო გადაწყვეტილების აღსრულებაში“) გათვალისწინებულ საკითხებს.“. |
| მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები