„2025 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2024 წლის 30 დეკემბრის №474 დადგენილებაში ცვლილების შეტანის თაობაზე

1. №9 დანართის („ნარკომანიით დაავადებულ პაციენტთა მკურნალობა“ −  პროგრამული კოდი: 27 03 02 09):

ა) პირველი მუხლი ჩამოყალიბდეს შემდეგი რედაქციით:

„მუხლი 1. პროგრამის მიზანი

პროგრამის მიზანია ნარკომანიით დაავადებულ პირთა სავალდებულო მკურნალობა და ნარკოტიკების მოხმარებასთან დაკავშირებული ზიანის შემცირება.“;

ბ) მე-2 მუხლს მე-3 პუნქტის შემდეგ დაემატოს შემდეგი შინაარსის 3¹ პუნქტი:

„3¹. პროგრამის მე-3 მუხლის „გ¹“ ქვეპუნქტის მოსარგებლეები არიან საქართველოს სისხლის სამართლის კოდექსის XV¹ თავით განსაზღვრული ნარკომანიით დაავადებული პირები.“;

გ) მე-3 მუხლს „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹) ნარკომანიით დაავადებული პირის სავალდებულო მკურნალობის უზრუნველყოფას;“;

დ) მე-4 მუხლს მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. პროგრამის მე-3 მუხლის „გ¹“ ქვეპუნქტით გათვალისწინებული მომსახურების დაფინანსება ხორციელდება გლობალური ბიუჯეტის პრინციპით, თვეში 232,500 ლარის ოდენობით.“;

ე) მე-5 მუხლის:

ე.ა) მე-3 პუნქტი ჩამოყალიბდეს შემდეგი რედაქციით:

„3. პროგრამის მე-3 მუხლის „დ“ ქვეპუნქტით გათვალისწინებული მედიკამენტების გაცემა მოსარგებლეებზე ხორციელდება პროგრამის მე-3 მუხლის „ბ“, „გ“ და „გ¹“ ქვეპუნქტებით განსაზღვრული მომსახურების მიმწოდებლების მიერ.“;

ე.ბ) მე-4 პუნქტის შემდეგ დაემატოს შემდეგი შინაარსის 4¹ პუნქტი:

„4¹. პროგრამის მე-3 მუხლის „გ¹“ ქვეპუნქტით გათვალისწინებული მომსახურების შესყიდვა ხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.“;

ვ) მე-6 მუხლს მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. პროგრამის მე-3 მუხლის „გ¹“ ქვეპუნქტის ფარგლებში მიმწოდებელი განისაზღვრება მე-5 მუხლის 4¹ პუნქტის შესაბამისად.“;

ზ) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 16 395.0 ათასი ლარით, შემდეგი ცხრილის შესაბამისად:

თ) მე-9 მუხლს მე-4 პუნქტის შემდეგ დაემატოს შემდეგი შინაარსის 4¹ პუნქტი:

„4¹. პროგრამის მე-3 მუხლის „გ¹“ ქვეპუნქტის ფარგლებში:

ა) მომსახურება ხორციელდება „ნარკომანიით დაავადებული პირის სავალდებულო მკურნალობის აღსრულების წესის დამტკიცების შესახებ“ საქართველოს მთავრობის დადგენილების შესაბამისად;

ბ) მომსახურების მიმწოდებელი ვალდებულია, უზრუნველყოს მე-3 მუხლის „დ“ ქვეპუნქტით გათვალისწინებული შესყიდული საქონლის მიმღები ბენეფიციარის რეგისტრაცია (ელექტრონული სისტემის საშუალებით) და მედიკამენტების ბრუნვის შესახებ ინფორმაციის დადგენილი ფორმით განმახორციელებლისთვის მიწოდება;

გ) სტაციონარული სამედიცინო მომსახურების ზედამხედველობა ხორციელდება გადაუდებელ შემთხვევათა ზედამხედველობის წესის თანახმად;

დ) მკურნალობის გამოსავლების შეფასების წესი განისაზღვრება მინისტრის ადმინისტრაციულ სამართლებრივი აქტით.“.

2. №12 დანართის („ფსიქიკური ჯანმრთელობა“ − პროგრამული კოდი: 27 03 03 01) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 48 605.0 ათასი ლარით, შემდეგი ცხრილის შესაბამისად: