„წალენჯიხის მუნიციპალიტეტის მერიის კულტურისა და სოციალური დაცვის სამსახურის დებულების დამტკიცების შესახებ“ წალენჯიხის მუნიციპალიტეტის საკრებულოს 2022 წლის 13 ივნისის №22 დადგენილებაში ცვლილების შეტანის თაობაზე

ა) მე-2 მუხლის:

ა.ა) 1-ლი პუნქტის „ს“ ქვეპუნქტი ჩამოყალიბდეს შემდეგი რედაქციით:

„ს) ქალისა და მამაკაცის თანასწორობის, ბავშვთა უფლებების  შესწავლის მიზნით შესაბამისი ღონისძიებების დაგეგმვაში მონაწილეობის მიღება;“;

ა.ბ) მე-3 პუნქტის „ა.გ“ ქვეპუნქტი ჩამოყალიბდეს შემდეგი რედაქციით:

„ა.გ) ქალისა და მამაკაცის თანასწორობის ხელშეწყობის, ბავშვთა უფლებების დაცვის  მიზნით შესაბამის ღონისძიებათა დაგეგმვას; ორგანიზაციულ, საინფორმაციო და სხვა სახის დახმარებას, დისკრიმინაციის თავიდან აცილებისა და ადამიანის საყოველთაოდ აღიარებულ უფლებათა და თავისუფლებათა დაცვის მიზნით;“;

ბ) მე-5 მუხლის მე-6 პუნქტი ჩამოყალიბდეს შემდეგი რედაქციით:

„6. ჯანდაცვის, სოციალური მომსახურების, დევნილთა და ბავშვთა უფლებების დაცვის მხარდაჭერის განყოფილება  ქალთა და მამაკაცთა  თანასწორობის დაცვის სფეროში ახორციელებს :

ა) ქალისა და მამაკაცის უფლებების თანასწორი რეალიზაციისათვის და ადგილზე დისკრიმინაციის გამოვლენისა და აღმოფხვრის უზრუნველყოფისთვის მუნიციპალიტეტში არსებული მდგომარეობის შესწავლას და მის ანალიზს, საჭირო ღონისძიებების დაგეგმვას, შესაბამის წინადადებათა მომზადებას და მერისთვის წარდგენას, მათ განხორციელებას და შესაბამისი ღონისძიებების კოორდინირებას;

ბ) ქალისა და მამაკაცის უფლებების თანასწორი რეალიზაციისათვის და ადგილზე დისკრიმინაციის გამოვლენისა და აღმოფხვრის უზრუნველყოფისთვის მოსახლეობის ცნობიერების ამაღლების ხელშეწყობას;

გ) აქტიურ თანამშრომლობას ქალისა და მამაკაცის თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათშორის კომისიასთან, სახალხო დამცველის აპარატთან, სახელმწიფო რწმუნებულის ადმინისტრაციასთან, ქალთა და ბავშვთა საკითხებზე მომუშავე მუნიციპალურ საბჭოსთან, ქალისა და მამაკაცის თანასწორობის დაცვის სფეროში მოქმედ ორგანიზაციებთან, სამოქალაქო საზოგადოებასთან, მათთვის შესაბამისი ინფორმაციების და ანგარიშების მიწოდებას;

დ) მუნიციპალიტეტის წარმომადგენლობას ქალისა და მამაკაცის თანასწორობის, ბავშვთა უფლებების დაცვის  საკითხებთან დაკავშირებით.“.