„ბუნებრივი გაზის ტარიფების გაანგარიშების მეთოდოლოგიის დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2014 წლის 25 დეკემბრის №33 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„ბუნებრივი გაზის ტარიფების გაანგარიშების მეთოდოლოგიის დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2014 წლის 25 დეკემბრის №33 დადგენილებაში ცვლილების შეტანის თაობაზე
დოკუმენტის ნომერი	13
დოკუმენტის მიმღები	საქართველოს ენერგეტიკისა და წყალმომარაგების მარეგულირებელი ეროვნული კომისია
მიღების თარიღი	25/06/2025
დოკუმენტის ტიპი	საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება
გამოქვეყნების წყარო, თარიღი	ვებგვერდი, 30/06/2025
სარეგისტრაციო კოდი	300320000.16.009.016748

PDF გადმოწერა

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 და მე-6 პუნქტების, „ენერგეტიკისა და წყალმომარაგების შესახებ“ საქართველოს კანონის 23-ე მუხლისა და 29-ე მუხლის საფუძველზე, საქართველოს ენერგეტიკისა და წყალმომარაგების მარეგულირებელი ეროვნული კომისია ადგენს:

მუხლი 1

„ბუნებრივი გაზის ტარიფების გაანგარიშების მეთოდოლოგიების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2014 წლის 25 დეკემბრის №33 დადგენილების (სსმ, ვებგვერდი, 31.12.2014, სარეგისტრაციო კოდი: 300320000.16.009.016110) პირველი პუნქტით დამტკიცებული „ბუნებრივი გაზის ტარიფების გაანგარიშების მეთოდოლოგიაში“ (დანართი №1) შეტანილ იქნეს შემდეგი ცვლილებები:

1. მე-7 მუხლის:

ა) 4 ¹ პუნქტის შემდეგ დაემატოს შემდეგი შინაარსის 4 ² პუნქტი:

„4 ². საწარმოს რეგულირებადი აქტივების ბაზაში ასევე ასახვას ექვემდებარება პრივატიზების ფარგლებში შესყიდული ბუნებრივი გაზის გამანაწილებელ ქსელში გაზის გაშვებისთვის ტექნიკური რეგლამენტით გათვალისწინებულ სამუშაოებთან დაკავშირებული ხარჯები.“;

ბ) მე-15 პუნქტის შემდეგ დაემატოს შემდეგი შინაარსის 15 ¹ პუნქტი:

„15 ¹. საწარმოს მიერ შესაბამისი დასაბუთების შემთხვევაში, კომისია ტარიფში ასახავს ამ მეთოდოლოგიის 32-ე მუხლის 5 ¹ პუნქტის საფუძველზე რეგულირებადი აქტივების ბაზაში ასახული აქტივების ან სტიქიური მოვლენების გამო დაზიანებული და საწარმოს მიერ ექსპლუატაციიდან გაყვანილი რეგულირებადი აქტივების შესაბამის კაპიტალურ დანახარჯებს. ამასთან, კომისია უფლებამოსილია ზემოაღნიშნული აქტივები განიხილოს რეგულირებად აქტივებად მათი სასიცოცხლო ვადის ამოწურვამდე, ან შესაბამისი სატარიფო წლის რეგულირებადი დანახარჯების ბაზაში ერთჯერადად ასახოს აღნიშნული აქტივების წმინდა საბალანსო ღირებულება.“.

2. 22-ე მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. დანახარჯების კორექტირების მაჩვენებელი შესაბამისი (t+i) სატარიფო წლისთვის დროში ფულის ღირებულების გათვალისწინებით იანგარიშება შემდეგი ფორმულით:

სადაც:

i	–	სატარიფო წლის რიგითი ნომერი რეგულირების პერიოდში (1≤i≤n);
TVCORR_t+i	–	დანახარჯების კორექტირების მაჩვენებელი დროში ფულის ღირებულების გათვალისწინებით შესაბამისი სატარიფო წლისთვის (ლარი);
TVCORR_t	–	დანახარჯების კორექტირების მაჩვენებელი დროში ფულის ღირებულების გათვალისწინებით ტარიფის გაანგარიშების (t) წლისთვის (ლარი);
r_{d (t +j)}	–	დროში ფულის ღირებულების განაკვეთი, რომელიც შესაბამისი სატარიფო წლისთვის მოქმედი სესხის ღირებულების ტოლია (%).“;

ბ) მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. დანახარჯების კორექტირების მაჩვენებელი დროში ფულის ღირებულების გათვალისწინებით ტარიფის გაანგარიშების (t) წელს იანგარიშება შემდეგი ფორმულით:

სადაც:

nOld	–	სატარიფო წლების რაოდენობა მიმდინარე სატარიფო რეგულირების პერიოდში;
TVCORR_t	–	დანახარჯების კორექტირების მაჩვენებელი დროში ფულის ღირებულების გათვალისწინებით ტარიფის გაანგარიშების (t) წლისთვის (ლარი);
CORR_t-nOld+j	–	კორექტირებას დაქვემდებარებული (t-nOld+j) სატარიფო წლის კორექტირება (ლარი);
r_{d (t-nOld+k)}	–	დროში ფულის ღირებულების განაკვეთი, რომელიც შესაბამისი სატარიფო წლისთვის კომისიის მიერ განსაზღვრული სესხის ღირებულების ტოლია (პროცენტი).“;

გ) მე-3 პუნქტი ჩამოყალიბდეს შემდეგი რედაქციით:

„3. დანახარჯების კორექტირების მაჩვენებელი შესაბამისი სატარიფო წლისთვის იანგარიშება შემდეგი ფორმულით:

სადაც:

CORR	–	კორექტირებას დაქვემდებარებული სატარიფო წლის კორექტირება (ლარი);
cCAPEX	–	შემოსავლის კორექტირება, რომელიც გამოწვეულია კორექტირებას დაქვემდებარებული სატარიფო წლის ფაქტობრივ და დაგეგმილ კაპიტალურ დანახარჯებს შორის სხვაობით (ლარი);
corrOPEX	–	შემოსავლის კორექტირება, რომელიც გამოწვეულია კორექტირებას დაქვემდებარებული სატარიფო წლის ფაქტობრივ და დაგეგმილ არაკონტროლირებად საოპერაციო დანახარჯებს შორის სხვაობით, კორექტირებას დაქვემდებარებულ ფაქტობრივ და დაგეგმილ კონტროლირებად საოპერაციო დანახარჯებს შორის სხვაობით და ასევე ფაქტობრივ და დაგეგმილ ინფლაციის მაჩვენებლებს შორის სხვაობით (ლარი);
cRev	–	შემოსავლის კორექტირება, რომელიც გამოწვეულია კორექტირებას დაქვემდებარებული სატარიფო წლის ბუნებრივი გაზის ფაქტობრივ და დაგეგმილ რაოდენობებს შორის სხვაობით (ლარი);
cCNL	–	შემოსავლის კორექტირება, რომელიც იანგარიშება ამავე მეთოდოლოგიის 26-ე მუხლის შესაბამისად (ლარი).“.

3. 32-ე მუხლის მე-9 პუნქტის შემდეგ დაემატოს შემდეგი შინაარსის 9¹ პუნქტი:

„9 ¹. 2023-2027 წლების სატარიფო რეგულირების პერიოდის მე-3 სატარიფო წელს, იმ რეგულირებული საწარმოს მომართვის შემთხვევაში, რომელიც ამავე რეგულირების პერიოდში პრივატიზაციის ფარგლებში შესყიდულ ბუნებრივი გაზის გამანაწილებელ ქსელზე ახდენს ახალი მომხმარებლების მიერთებას, კომისია განახორციელებს რეგულირებული საწარმოს მიერ, 2022-2025 სატარიფო წლებში ახალი მომხმარებლის მიერთების ფარგლებში მიღებული შემოსავლებისა და გაწეული დანახარჯების ანალიზს და 2026-2027 სატარიფო წლებისთვის დადგენილი ტარიფების შესაბამის კორექტირებას, კომისიის 2023 წლის 27 ივნისის №27 დადგენილებით დამტკიცებული დანახარჯების მარეგულირებელი აუდიტის წესის V და ამავე მეთოდოლოგიის IV თავში ასახული პრინციპების გათვალისწინებით.“.

მუხლი 2

ეს დადგენილება ამოქმედდეს გამოქვეყნებისთანავე.

საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია
კომისიის წევრი გიორგი ფრუიძე
კომისიის წევრი გიორგი ფანგანი
კომისიის წევრი დავით თვალაბეიშვილი
კომისიის წევრი გივი სანიკიძე