„დედოფლისწყაროს მუნიციპალიტეტის საკრებულოს რეგლამენტის დამტკიცების თაობაზე“ დედოფლისწყაროს მუნიციპალიტეტის საკრებულოს 2014 წლის 14 ივლისის №13 დადგენილებაში ცვლილების შეტანის შესახებ

1. მე-3 მუხლის მე-8 პუნქტის „ე“ ქვეპუნქტი ჩამოყალიბდეს ახალი რედაქციით:

„ე) დედოფლისწყაროს  მუნიციპალიტეტში ქალთა და ბავშვთა საკითხებზე სისტემური და საქართველოს მთავრობის მიერ შექმნილ ქალისა და მამაკაცის თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორის კომისიასთან კოორდინირებული მუშაობის უზრუნველსაყოფად  დედოფლისწყაროს მუნიციპალიტეტის ქალთა და ბავშვთა  საკითხებზე მომუშავე მუნიციპალური საბჭოს  შექმნა  და საბჭოს დებულების დამტკიცება:“.

2. XVI¹ თავის სათაური ჩამოყალიბდეს შემდეგი რედაქციით:

„თავი  XVI¹. დედოფლისწყაროს   მუნიციპალიტეტის ქალთა და ბავშვთა საკითხებზე მომუშავე მუნიციპალური  საბჭო“.

3. მუხლი 135¹ ჩამოყალიბდეს შემდეგი რედაქციით:

„მუხლი 135¹. დედოფლისწყაროს   მუნიციპალიტეტის ქალთა და ბავშვთა საკითხებზე მომუშავე მუნიციპალური  საბჭო

1. დედოფლისწყაროს  მუნიციპალიტეტის ქალთა და ბავშვთა საკითხებზე სისტემური და  საქართველოს მთავრობის მიერ შექმნილ ქალისა და მამაკაცის თანასწორობის, ქალთა მიმართ  ძალადობისა და ოჯახში ძალადობის საკითხებზე მომუშავე უწყებათაშორის კომისიასთან  კოორდინირებული მუშაობის უზრუნველსაყოფად დედოფლისწყაროს მუნიციპალიტეტის საკრებულო ქმნის  დედოფლისწყაროს  მუნიციპალიტეტის ქალთა და ბავშვთა საკითხებზე მომუშავე მუნიციპალურ საბჭოს.“.

2. დედოფლისწყაროს   მუნიციპალიტეტის ქალთა და ბავშვთა საკითხებზე მომუშავე მუნიციპალური  საბჭოს შემადგენლობა, უფლებამოსილება და საქმიანობა  განისაზღვრება საბჭოს დებულებით, რომელსაც დადგენილებით ამტკიცებს საკრებულო.