რეგისტრირებული კოოპერატივი საკრედიტო კავშირი „საწმისის“ (საიდენტიფიკაციო ნომერი: 200169236) გაკოტრების საქმის წარმოების დამთავრების შესახებ

საქართველოს ეროვნული ბანკის ვიცე-პრეზიდენტის

განკარგულება №102

2025 წლის 19 ივნისი

თბილისი

რეგისტრირებული კოოპერატივი საკრედიტო კავშირი „საწმისის“ (საიდენტიფიკაციო ნომერი: 200169236) გაკოტრების საქმის წარმოების დამთავრების შესახებ

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის, „არასაბანკო სადეპოზიტო დაწესებულებების – საკრედიტო კავშირების შესახებ“ საქართველოს კანონის 29-ე მუხლის მე-2 პუნქტის, საქართველოს ეროვნული ბანკის პრეზიდენტის 2002 წლის 16 ოქტომბრის №266 ბრძანებით დამტკიცებული „არასაბანკო სადეპოზიტო დაწესებულებების – საკრედიტო კავშირების გადახდისუუნაროდ და გაკოტრებულად გამოცხადების წესის“ მე-18 მუხლის მე-2 და მე-3 პუნქტებისა და საქართველოს ეროვნული ბანკის პრეზიდენტის 2025 წლის 13 თებერვლის №36/04 ბრძანების საფუძველზე:

1. დამთავრდეს რეგისტრირებული კოოპერატივი საკრედიტო კავშირი „საწმისის“ (საიდენტიფიკაციო ნომერი: 200169236) გაკოტრების საქმის წარმოება და ლიკვიდატორის თანამდებობიდან გათავისუფლდეს ნუგზარი მურუსიძე (პირადი ნომერი: 60002004766).

2. რეგისტრირებული კოოპერატივი საკრედიტო კავშირი „საწმისი“ ამოღებულ იქნეს საქართველოს ეროვნული ბანკის უწყებრივი რეესტრიდან.

3. ეს განკარგულება, 10 დღის ვადაში, წარედგინოს სსიპ – საჯარო რეესტრის ეროვნულ სააგენტოს მეწარმეთა და არასამეწარმეო (არაკომერციული) იურიდიული პირების რეესტრს შესაბამისი რეაგირებისათვის.

4. ეს განკარგულება, 10 დღის ვადაში, გამოქვეყნდეს სსიპ – საქართველოს საკანონმდებლო მაცნეში და საქართველოს ეროვნული ბანკის ოფიციალურ ვებგვერდზე.

5. ამ განკარგულების გასაჩივრება შეიძლება თბილისის საქალაქო სასამართლოს ადმინისტრაციულ საქმეთა კოლეგიაში (საქართველო, თბილისი, დავით აღმაშენებლის ხეივანი №64), მხარისათვის მისი გაცნობიდან ერთი თვის ვადაში.

6. განკარგულება ამოქმედდეს მხარისათვის მისი გაცნობისთანავე.

საქართველოს ეროვნული ბანკის ვიცე-პრეზიდენტი                                        ნინო ჯელაძე