„ქალაქ ქუთაისის მუნიციპალიტეტის საკრებულოს რეგლამენტის დამტკიცების შესახებ“ ქალაქ ქუთაისის მუნიციპალიტეტის საკრებულოს 2014 წლის 14 ივლისის №1 დადგენილებაში ცვლილების შეტანის თაობაზე

1. დადგენილების დანართის მე-3 მუხლის მე-8 პუნქტის „ე“ ქვეპუნქტი შეიცვალოს და ჩამოყალიბდეს შემდეგი რედაქციით:

„ე) ქალაქ ქუთაისის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭოს შექმნა, საბჭოს დებულების დამტკიცება, საბჭოს საქმიანობის ხელშეწყობა;“.

2. დადგენილების დანართის მე-7 მუხლის 5¹ პუნქტი შეიცვალოს და ჩამოყალიბდეს შემდეგი რედაქციით:

„5¹. საკრებულო, საკრებულოს კომისიები, საკრებულოს ფრაქციები, ქალაქ ქუთაისის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭო, საკრებულოს დროებითი სამუშაო ჯგუფები, საკრებულოს სათათბირო ორგანოები (საბჭო, კომიტეტი), საკრებულოს კომისიებთან შექმნილი საკონსულტაციო საბჭოები უფლებამოსილნი არიან, სხვადასხვა ვითარების გამო ქვეყანაში შექმნილი საგანგებო მდგომარეობის არსებობისას, საქართველოს მთავრობის გადაწყვეტილების საფუძველზე, ჩაატარონ სხდომები დისტანციურ რეჟიმში.“.

3. დადგენილების დანართის  113-ე მუხლის მე-3  პუნქტი შეიცვალოს და ჩამოყალიბდეს შემდეგი რედაქციით:

„3. ზეპირი შეკითხვა დაიშვება მხოლოდ საკრებულოს, საკრებულოს კომისიის, საკრებულოს დროებითი სამუშაო ჯგუფის სხდომების მიმდინარეობის დროს. წერილობითი ან ზეპირი შეკითხვის ტექსტი ბარდება საკრებულოს აპარატს. შეკითხვას შეიძლება ახლდეს დასაბუთება.“.

4. დადგენილების დანართის 134-ე მუხლის პირველი პუნქტის „კ“ ქვეპუნქტი შეიცვალოს და ჩამოყალიბდეს შემდეგი რედაქციით:

„კ) საკრებულოს, საკრებულოს ბიუროს, საკრებულოს კომისიის, ქალაქ ქუთაისის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭოს მუშაობის წლიური ანგარიში – წარდგენიდან 5 დღის ვადაში;“.

5. დადგენილების დანართს დაემატოს შემდეგი შინაარსის VI² თავი:

„თავი VI²

ქალაქ ქუთაისის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭო

მუხლი 39⁵. ქალაქ ქუთაისის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭოს შექმნა

1. ქალაქ ქუთაისის მუნიციპალიტეტში ქალთა და ბავშვთა საკითხებზე სისტემური და კოორდინირებული მუშაობის უზრუნველსაყოფად საკრებულო ქმნის ქალაქ ქუთაისის მუნიციპალიტეტში ქალთა და ბავშვთა საკითხებზე მომუშავე მუნიციპალურ საბჭოს.

2. ქალაქ ქუთაისის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭოს  საქმიანობის წესი განისაზღვრება  საბჭოს დებულებით, რომელსაც დადგენილებით ამტკიცებს საკრებულო.“.