„ამბროლაურის მუნიციპალიტეტის ადმინისტრაციულ საზღვრებში იმ დასახლებების განსაზღვრის შესახებ, სადაც სავალდებულო არ არის ავტოსადგურიდან რეისის გასვლა“ ამბროლაურის მუნიციპალიტეტის საკრებულოს 2025 წლის 28 მარტის N06 დადგენილებაში ცვლილების შეტანის თაობაზე

ა) დადგენილების სათაური ჩამოყალიბდეს შემდეგი რედაქციით:

„ამბროლაურის მუნიციპალიტეტის ადმინისტრაციულ საზღვრებში იმ დასახლებების ჩამონათვალის განსაზღვრის შესახებ, სადაც სავალდებულო არ არის ავტოსადგურიდან რეისის გასვლა და ამბროლაურის მუნიციპალიტეტის ტერიტორიაზე ავტოსადგურის განთავსების მიზანშეწონილობის თაობაზე“;

ბ) დადგენილების პრეამბულა ჩამოყალიბდეს შემდეგი რედაქციით:

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 ნაწილის „კ¹“ და „კ²“ პუნქტების, 61-ე მუხლის მე-2 პუნქტის, „საავტომობილო ტრანსპორტის შესახებ“ საქართველოს კანონის 6¹ მუხლის მე-7 პუნქტის, „ნორმატიული აქტების შესახებ“ საქართველოს ორგანული კანონის 24-ე მუხლის პირველი პუნქტის შესაბამისად, ამბროლაურის  მუნიციპალიტეტის საკრებულო ადგენს:“;

გ) დადგენილებას დაემატოს შემდეგი შინაარსის 1¹ მუხლი:

„მუხლი 1¹

1. მიზანშეწონილად იქნეს მიჩნეული ამბროლაურის მუნიციპალიტეტის ადმინისტრაციულ საზღვრებში ქალაქ ამბროლაურის ადმინისტრაციულ ერთეულში 1 (ერთი) ერთეული ავტოსადგურის განთავსება.“.