„ახმეტის მუნიციპალიტეტის საკრებულოს რეგლამენტის დამტკიცების შესახებ“ ახმეტის მუნიციპალიტეტის საკრებულოს 2022 წლის 2 მარტის №26 დადგენილებაში ცვლილების შეტანის თაობაზე

1. მე-3 მუხლის:

ა) მე-11 პუნქტს დაემატოს შემდეგი შინაარსის „ე“ და „ვ“ ქვეპუნქტები:

„ე) მუნიციპალიტეტის ტერიტორიაზე ავტოსადგურის განთავსების მიზანშეწონილობის შესახებ გადაწყვეტილების მიღება;

ვ) მუნიციპალიტეტის ადმინისტრაციულ საზღვრებში არსებულ დასახლებაში ავტოსადგურის არარსებობის შემთხვევაში შესაბამისი ნორმატიული აქტით იმ დასახლებების ჩამონათვალის განსაზღვრა, სადაც  სავალდებულო არ არის ავტოსადგურიდან რეისის გასვლა.“;

ბ) მე-13 პუნქტი ჩამოყალიბდეს შემდეგი რედაქციით:

„13. საკრებულო ახორციელებს საქართველოს კანონმდებლობით დადგენილ უფლებამოსილებებს სახანძრო უსაფრთხოებისა და საგანგებო სიტუაციებისაგან მოსახლეობის დაცვის სფეროში.“.

2. 17¹ მუხლის მე-3 და მე-4 პუნქტები ჩამოყალიბდეს შემდეგი რედაქციით:

„3. საკრებულოს წევრის (მათ შორის, თანამდებობის პირების) შვებულებისა და სამსახურებრივი მივლინების საკითხებზე გადაწყვეტილებას საქართველოს კანონმდებლობით დადგენილი წესით იღებს საკრებულოს თავმჯდომარე, ხოლო საკრებულოს თავმჯდომარის შვებულების თაობაზე – საკრებულო.

4. საკრებულოს თავმჯდომარის შვებულების საკითხის გადასაწყვეტად შეიძლება მოწვეულ იქნეს საკრებულოს რიგგარეშე სხდომა.“.