„ადიგენის მუნიციპალიტეტის მერიის კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურის, დებულების დამტკიცების შესახებ“ ადიგენის მუნიციპალიტეტის საკრებულოს 2014 წლის 30 ივლისის №30 დადგენილებაში ცვლილების შეტანის თაობაზე

ა) დადგენილებით დამტკიცებულ დანართი №1-ის მე-2 მუხლის მე-3 პუნქტი ჩამოყალიბდეს შემდეგი რედაქციით:

 „3. ტურიზმის, სპორტის, ქალისა და მამაკაცის თანასწორობის განყოფილების (შემდგომში – განყოფილება) საქმიანობას წარმართავს განყოფილების უფროსი. განყოფილების უფროსის  უფლებამოსილება და სამსახურებრივი ფუნქციები განისაზღვრება „ადიგენის მუნიციპალიტეტის მერიის დებულების დამტკიცების შესახებ“ ადიგენის მუნიციპალიტეტის საკრებულოს 2014 წლის 17 ივლისის №23 დადგენილებით დამტკიცებული დანართის მე-12 მუხლითა და განყოფილების უფროსის სამუშაოთა აღწერილობით. განყოფილების უფროსის არყოფნის შემთხვევაში განყოფილების უფროსის უფლებამოვალეობას ახორციელებს სამსახურის უფროსი ან განყოფილების ერთ-ერთი მოხელე.“

ბ) დადგენილებით დამტკიცებულ დანართი №1-ის მე-4 მუხლის სათაური ჩამოყალიბდეს შემდეგი რედაქციით:

„მუხლი 4. ტურიზმის, სპორტის, ქალისა და მამაკაცის თანასწორობის განყოფილება“

გ) დადგენილებით დამტკიცებულ დანართი №1-ის მე-4 მუხლის „ი“ პუნქტი ჩამოყალიბდეს შემდეგი რედაქციით:

„ი) მუნიციპალიტეტის ტერიტორიაზე ქალთა უფლებების დამცველ ორგანიზაციებთან ურთიერთობას, მათი მიზნების, საქმიანობის, პრობლემების შესწავლას და მათი უფლებების და ინტერესების დაცვას ქალისა და მამაკაცის თანასწორობის პოლიტიკის გატარების მიზნით;“

დ) დადგენილებით დამტკიცებულ დანართი №1-ის მე-4 მუხლის „კ“ და „ლ“ პუნქტები ჩამოყალიბდეს შემდეგი რედაქციით:

„კ) საერთაშორისო ქალისა და მამაკაცის თანასწორობის პოლიტიკის მიღწევების გათვალისწინებით, ქალისა და მამაკაცის თანასწორობის შესახებ საქართველოს კანონის და სხვა საკანონმდებლო აქტებზე დაყრდნობით ადიგენის მუნიციპალიტეტში ქალისა და მამაკაცის თანასწორობის უზრუნველყოფას ცხოვრების სხვადასხვა სფეროში;

ლ) ქალისა და მამაკაცის თანასწორობის მდგომარეობის შესწავლას, ქალისა და მამაკაცის თანასწორობის ხელშეწყობის მიზნით შესაბამის ღონისძიებათა დაგეგმვას და მათ განხორციელებას;“.