„ნინოწმინდის მუნიციპალიტეტის ტერიტორიაზე რეგისტრირებული და ფაქტობრივად მცხოვრები მოსახლეობის 2025 წლის ჯანმრთელობის დაცვის და სოციალური დახმარების პროგრამისა და დახმარების გაცემის წესის დამტკიცების შესახებ“ ნინოწმინდის მუნიციპალიტეტის საკრებულოს 2024 წლის 23 დეკემბრის №16 დადგენილებაში ცვლილების შეტანის შესახებ

ა) მე-8 მუხლის მე-7 პუნქტი ჩამოყალიბდეს შემდეგი რედაქციით:

„7. დახმარების მისაღებად ბენეფიციარმა უნდა წარმოადგინოს შემდეგი სახის დოკუმენტაცია:

ა) განცხადება მერის სახელზე;

ბ)პირადობის მოწმობა

გ) საჯარო რეესტრიდან მიმართვა უსახლკაროდ დარჩენილის შესახებ;

დ) ამონაწერი სოციალური მომსახურების სააგენტოდან სარეიტინგო ქულების შესახებ;

ე) მესაკუთრის მიერ გაცემული ხელშეკრულების დამადასტურებელი დოკუმენტი;

ვ) გამქირავებლის საბანკო რეკვიზიტები;“.

ბ)  მე-17 მუხლი ჩამოყალიბდეს შემდეგი რედაქციით:

„მუხლი 17. ნინოწმინდის მუნიციპალიტეტის ტერიტორიაზე რეგისტრირებულ და მცხოვრებ 0-დან 7 წლამდე ასაკის აუტისტური სპექტრის ბავშვთა რეაბილიტაცია/აბილიტაციის თანადაფინანსება

1. ნინოწმინდის მუნიციპალიტეტის ტერიტორიაზე მცხოვრებ 0-დან 7 წლამდე ასაკის აუტისტური სპექტრის ბავშვთა რეაბილიტაცია/აბილიტაციის თანადაფინანსება განისაზღვრება წლის განმავლობაში გაწეული მომსახურების საფასურის 20%-ით, მაგრამ არაუმეტეს 3 000 (სამი ათასი) ლარის ოდენობისა, საქართველოში მიღებულ მომსახურებებზე.

2. თანადაფინანსების მისაღებად ბავშვის მშობელმა/მეურვემ ან/და კანონიერმა წარმომადგენელმა უნდა წარმოადგინოს:

ა) განცხადება მერის სახელზე;

ბ) ბავშვის დაბადების მოწმობა;

გ) მშობლის პირადობის დამადასტურებელი მოწმობა, მეურვის ან/და კანონიერი წარმომადგენლის შემთხვევაში მეურვეობის ან/და კანონიერი წარმომადგენლობის დამადასტურებელი და პირადობის დამადასტურებელი დოკუმენტი;

დ) შესაბამისი სამედიცინო დაწესებულების მიერ გაცემული ცნობა ბავშვის ჯანმრთელობის მდგომარეობის შესახებ ფორმა №IV-100/ა, ბავშვის დიაგნოზის (საერთაშორისო კოდის მითითებით) და საჭიროებების მითითებით.

3. ამ მუხლის მე-2 პუნქტით გათვალისწინებული დოკუმენტაციის სრულყოფილად წარმოდგენის შემდეგ გაიცემა მერის ინდივიდუალური ადმინისტრაციულ-სამართლებრივი აქტით დამტკიცებული  შესაბამისი ვაუჩერი თვეების მიხედვით.

4. რეაბილიტაცია/აბილიტაციის თანადაფინანსება განხორციელდება არაუგვიანეს მომსახურების გამწევი  დაწესებულების მიერ  გახარჯული ვაუჩერისა და შესაბამისი ინვოისის წარმოდგენის მომდევნო თვის 15 რიცხვისა.“;

გ) მე-18 მუხლის 1-ლი პუნქტი ჩამოყალიბდეს შემდეგი რედაქციით:

„1. ბრონქიალური ასთმით დაავადებულ პირთა ერთჯერადი ფინანსური დახმარება განისაზღვროს 500 (ხუთასი) ლარის ოდენობით წელიწადში.“.