“საქართველოს გარემოს დაცვისა და ბუნებრივი რესურსების სამინისტროს გენერალური ინსპექციის დებულების დამტკიცების შესახებ" საქართველოს გარემოს დაცვისა დ აბუნებრივი რესუსრსების მინისტრის 2005 წლის 15 ივნისის №138 ბრძანებაში ცვლილებებისა და დამატებბეის შეტანის თაობაზე"

სახელმწიფო სარეგისტრაციო კოდი 010.240.030.22.023.008.786

საქართველოს გარემოს დაცვისა და ბუნებრივი რესურსების მინისტრის

ბრძანება №482

2006 წლის 19 ივნისი

ქ. თბილისი

,,საქართველოს გარემოს დაცვისა და ბუნებრივი რესურსების სამინისტროს გენერალური ინსპექციის დებულების დამტკიცების შესახებ” საქართველოს გარემოს დაცვისა და ბუნებრივი რესურსების მინისტრის 2005 წლის 15 ივნისის №138 ბრძანებაში ცვლილებებისა და დამატებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

1. ,,საქართველოს გარემოს დაცვისა და ბუნებრივი რესურსების სამინისტროს გენერალური ინსპექციის დებულების დამტკიცების შესახებ“ საქართველოს გარემოს დაცვისა და ბუნებრივი რესურსების მინისტრის 2005 წლის 15 ივნისის №138 ბრძანებაში (სსმ III, 2005 წ., №74, მუხ. 790) შეტანილ იქნეს შემდეგი ცვლილებები და დამატებები:

ა) მე-12 მუხლს დაემატოს შემდეგი შინაარსის ,,ა1" ქვეპუნქტი:

,,ა1) ინსპექციის უფროსის მოადგილე;“

ბ) მე-13 მუხლის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) შეიმუშავებს და დასამტკიცებლად წარუდგენს მინისტრს ჩასატარებელი შემოწმებების გეგმას, ბრძანების პროექტს შემოწმების ჩატარების შესახებ და სხვადასხვა სახის ფორმებს, რომლებიც საჭიროა ინსპექციის საქმიანობის გამართულობის უზრუნველსაყოფად“;

გ) მე-13 მუხლის ,,მ“ ქვეპუნქტი ჩამოყალიბდეს შემდეგი რედაქციით:

„მ) გენერალური ინსპექციის უფროსის არყოფნისას მის მოვალეობას მინისტრის დავალებით ასრულებს გენერალური ინსპექციის უფროსის მოადგილე“;

დ) დებულებას დაემატოს შემდეგი შინაარსის VI1 თავი:

,,თავი VI1. გენერალური ინსპექციის უფროსის მოადგილე

    მუხლი 141 

გენერალური ინსპექციის უფროსის მოადგილე:

ა) ხელს უწყობს გენერალური ინსპექციის უფროსს მასზე დაკისრებული ფუნქცია-მოვალეობების განხორციელების დაგეგმვა-კოორდინაციაში და ორგანიზაციაში;

ბ) თვალყურს ადევნებს ინსპექციის თანამშრომლების მიერ საშემსრულებლო დისციპლინის დაცვას, ახორციელებს კონტროლს ინსპექციის მოხელეების მიერ თავიანთი სამსახურებრივი მოვალეობების შესრულებაზე;

გ) ატარებს დასრულებული შემოწმების მასალების წინასწარ განხილვას;

დ) ეცნობა ინსპექციის მთავარი სპეციალისტების მიერ წარმოდგენილ დასკვნას ან მოხსენებით ბარათს, აკეთებს ვიზირებას და საჭიროების შემთხვევაში თავის წინადადებებს წარუდგენს გენერალური ინსპექციის უფროსს;

ე) უზრუნველყოფს დავალებათა შესრულების ორგანიზაციას და საკადრო საკითხებზე გადაწყვეტილებების პროექტების მომზადებას;

ვ) გენერალური ინსპექციის უფროსის მოადგილის სხვა ფუნქციებს განსაზღვრავს გენერალური ინსპექციის უფროსი;

ზ) ინსპექციის უფროსის მოადგილეს თანამდებობაზე ნიშნავს და ათავისუფლებს მინისტრი, გენერალური ინსპექციის უფროსის წარდგინებით.“

2. ეს ბრძანება ამოქმედდეს გამოქვეყნების დღიდან.

გ. პაპუაშვილი