„ბორჯომის მუნიციპალიტეტის საკრებულოს აპარატის დებულების დამტკიცების შესახებ“ ბორჯომის მუნიციპალიტეტის საკრებულოს 2023 წლის 24 ნოემბრის №39 დადგენილებაში ცვლილების შეტანის შესახებ

„2. ქალთა ოთახი უფლებამოსილია:

ა) უშუალო ხელმძღვანელთან – საქმისწარმოებისა და ადამიანური რესურსების მართვის განყოფილების უფროსთან და საკრებულოს თავმჯდომარესთან შეთანხმებით მოაწყოს საინფორმაციო შეხვედრები მუნიციპალიტეტში, როგორც ქალაქში, ასევე სოფლად მცხოვრებ ქალბატონებთან მათი ჩართულობის გააქტიურებისა და კომუნიკაციის გაუმჯობესებისათვის;

ბ) გამოავლინოს ქალთა პრობლემები და მიმართოს ქალთა და ბავშვთა საკითხებზე მომუშავე მუნიციპალური  საბჭოს  მათი აღმოფხვრის უზრუნველსაყოფად  ერთობლივი ღონისძიებების დაგეგმვის მიზნით;

გ) უზრუნველყოს მუნიციპალიტეტის მოსახლეობისათვის ინფორმაციის მიწოდება ადგილობრივი მუნიციპალური პროგრამებისა და სერვისების შესახებ;

დ) აქტიურად ჩაერთოს ქალთა და ბავშვთა საკითხებზე მომუშავე მუნიციპალური  საბჭოს სამოქმედო გეგმის შემუშავების პროცესში;

ე) წელიწადში ერთხელ საკრებულოს წარუდგინოს ანგარიში გაწეული მუშაობის შესახებ;

ვ) აქტიურად ითანამშრომლოს ქალთა და ბავშვთა საკითხებზე მომუშავე მუნიციპალურ  საბჭოსთან, სახელმწიფო და არასამთავრობო ორგანიზაციებთან;

ზ) განახორციელოს საქართველოს კანონმდებლობითა და სტრუქტურული ერთეულის დებულებით განსაზღვრული სხვა უფლებამოსილებები.“