„საჯარო რეესტრის ფორმის დამტკიცების შესახებ" საქართველოს კონტროლის პალატის თავმჯდომარის 2002 წლის 28 იანვრის №10 ბრძანებაში ცვლილებებისა და დამატების შეტანის შესახებ

სახელმწიფო სარეგისტრაციო კოდი 040.150.000.20.013.008.774

საქართველოს კონტროლის პალატის თავმჯდომარის

ბრძანება №70-ორგ

2006 წლის 12 ივნისი

ქ. თბილისი

„საჯარო რეესტრის ფორმის დამტკიცების შესახებ“ საქართველოს კონტროლის პალატის თავმჯდომარის 2002 წლის 28 იანვრის №10 ბრძანებაში ცვლილებებისა და დამატების შეტანის შესახებ

„საქართველოს კონტროლის პალატის შესახებ“ საქართველოს კანონის მე-11 მუხლის „კ“ პუნქტისა და „ნორმატიული აქტების შესახებ“ საქართველოს კანონის მე-15 მუხლის შესაბამისად, ვბრძანებ:

    მუხლი 1

„საჯარო რეესტრის ფორმის დამტკიცების შესახებ“ საქართველოს კონტროლის პალატის თავმჯდომარის 2002 წლის 28 იანვრის №10 ბრძანებაში (სსმ III, 14.02.02წ., №15, მუხ. 107) შეტანილ იქნეს შემდეგი ცვლილებები და დამატება:

1. ბრძანების მე-2 პუნქტი ჩამოყალიბდეს შემდეგი რედაქციით:

„2. საქართველოს კონტროლის პალატის საჯარო ინფორმაციის ხელმისაწვდომობის უზრუნველყოფა დაევალოს საქართველოს კონტროლის პალატის აპარატის კანცელარიას.“.

2. ბრძანებას დაემატოს 2¹ პუნქტი:

„2¹. კონტროლის პალატის საჯარო რეესტრის წარმოება დაევალოს საქართველოს კონტროლის პალატის აპარატის კანცელარიის საჯარო რეესტრის წარმოების ჯგუფს.“.

3. ბრძანების მე-6 პუნქტი ჩამოყალიბდეს შემდეგი რედაქციით:

„6. ბრძანების შესრულებაზე კონტროლი დაევალოს საქართველოს კონტროლის პალატის თავმჯდომარის პირველ მოადგილეს ი. მესხიას.“.

    მუხლი 2

ბრძანება ძალაშია გამოქვეყნებისთანავე.

თავმჯდომარის მოვალეობის

შემსრულებელი ი. მესხია