დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2025 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2024 წლის 25 დეკემბრის №21 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 7 |
| დოკუმენტის მიმღები | ლაგოდეხის მუნიციპალიტეტი |
| მიღების თარიღი | 02/05/2025 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 05/05/2025 |
| ძალის დაკარგვის თარიღი | 01/01/2026 |
| სარეგისტრაციო კოდი | 010250050.35.167.016627 |
|
„ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2025 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2024 წლის 25 დეკემბრის №21 დადგენილებაში ცვლილების შეტანის თაობაზე
|
,,ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ლაგოდეხის მუნიციპალიტეტის საკრებულო ადგენს: |
| მუხლი 1 |
შეტანილ იქნეს ცვლილება „ლაგოდეხის მუნიციპალიტეტის მოსახლეობის ჯანმრთელობისა და სოციალური დაცვის 2025 წლის პროგრამისა და მისი ბიუჯეტის დამტკიცების შესახებ“ ლაგოდეხის მუნიციპალიტეტის საკრებულოს 2024 წლის 25 დეკემბრის №21 დადგენილებაში (www.matsne.gov.ge; 27/12/2024, სარეგისტრაციო კოდი: 010250050.35.167.016617). |
| მუხლი 2 |
1. დადგენილების პირველი მუხლით დამტკიცებული დანართი 1-ის:
მე-5 მუხლი ჩამოყალიბდეს შემდეგი რედაქციით: „მუხლი 5. პროგრამის დაფინანსების წყარო და ბიუჯეტი პროგრამის დაფინანსების წყაროა ლაგოდეხის მუნიციპალიტეტის 2025 წლის ადგილობრივი ბიუჯეტი, სადაც სოციალური დაცვისათვის გათვალისწინებულია - 1 565 900 (ერთი მილიონ ხუთას სამოცდა ხუთი ათას ცხრაასი) ლარი, ხოლო ჯანდაცვის პროგრამებისთვის - 271 000 (ორას სამოცდა თერთმეტი ათასი) ლარი. ჯამში: - „მოსახლეობის ჯანმრთელობის დაცვა და სოციალური უზრუნველყოფისათვის“ დაფინანსება ლაგოდეხის მუნიციპალიტეტის 2025 წლის ბიუჯეტიდან განსაზღვრულია 1 836 900 (ერთი მილიონ რვაას ოცდათექვსმეტიათას ცხრაასი ) ლარი.“. 2. დადგენილების პირველი მუხლით დამტკიცებული დანართი 1-ის: მე-7 მუხლს დაემატოს მე-15 პუნქტი და ჩამოყალიბდეს შემდეგი რედაქციით: „15. პერსონალური ასისტენტის მომსახურების უზრუნველყოფა ა) სამედიცინო დაწესებულების მომსახურება, პერსონალური ასისტირების საჭიროების განსასაზღვრა; ბ) პერონალური ასისტენტის სერვისი.“. 3. დადგენილების პირველი მუხლით დამტკიცებული დანართი 1-ის: მე-8 მუხლს დაემატოს 34-ე პუნქტი და ჩამოყალიბდეს შემდეგი რედაქციით: „34. სამედიცინო დაწესებულების მომსახურება, პერსონალური ასისტირების საჭიროების განსასაზღვრა ა) განცხადება (მშობლის,მეურვის, მზრუნველის, მხარდამჭერის); ბ) განმცხადებლის პირადობის მოწმობის ასლი (მშობლის,მეურვის, მზრუნველის, მხარდამჭერის); გ) პერსონალური ასისტენტის მომსახურების საჭიროების მქონე (მოსარგებლე) პირის პირადობის მოწმობის ასლი; დ) ცნობა ფორმა IV-100 (დედანი); ე) ლაგოდეხის მუნიციპალიტეტის მერის წარმომადგენლის მიერ გაცემული ცნობა ,,ფაქტობრივი საცხოვრებელი ადგილის შესახებ“; ვ) შეზღუდული შესაძლებლობის მდგომარეობის სტატუსის დამადასტურებელი დოკუმენტი ან/და ცნობა სსიპ სოციალური მომსახურების სააგენტოს სერვისცენტრიდან.“ 4. დადგენილების პირველი მუხლით დამტკიცებული დანართი 1-ის: მე-9 მუხლს დაემატოს 34-ე პუნქტი და ჩამოყალიბდეს შემდეგი რედაქციით: „34. სამედიცინო დაწესებულების მომსახურება, პერსონალური ასისტირების საჭიროების განსასაზღვრა, დადებითი შეფასებისას ანაზღაურდეს 25 ლარის ოდენობით (ერთ ბენეფიციარზე).“. 5. დადგენილების პირველი მუხლით დამტკიცებული დანართი 1-ის: მე-10 მუხლის პირველი პუნქტი ჩამოყალიბდეს შემდეგი რედაქციით: „1. მოქალაქეთა ჯანმრთელობის მდგომარეობისა და სოციალური პირობების გაუმჯობესების მიზნით, მათ შორის, სამედიცინო მომსახურების საჭიროების მქონე პაციენტებისათვის; ონკოლოგიური პაციენტებისათვის სამედიცინო მომსახურება, მკურნალობა კვლევა და მედიკამენტებით უზრუნველყოფა; შეზღუდული შესაძლებლობის მქონე პირთათვის ჰიგიენური (საფენების; კანის დამატენიანებელი და ჰიგიენური) საშუალებების, დიაბეტით დაავადებულ 18 წლამდე ბავშვებისათვის გლუკოზის საანალიზო ტესტ-ჩხირების, გაფანტული სკლეროზის, კოლოსტომიით დაავადებულ პირთათვის, საჭიროების მქონე ბავშვებისათვის მეტყველების, ქცევითი თერაპიის კურსისა და პერსონალური ასისტენტის მომსახურების უზრუნველყოფის დაფინანსებისათვის, მუნიციპალიტეტის საკრებულოს დადგენილებით დამტკიცებული პროგრამის საფუძველზე, მოქალაქის მიერ მუნიციპალიტეტის მერიაში წარდგენილი განცხადება, თანდართული დოკუმენტაციით, განსახილველა დაუყოვნებლივ გადაეგზავნება მუნიციპალიტეტის მერიის ჯანმრთელობის დაცვისა და სოციალური მომსახურების სამსახურს, რომელიც ამოწმებს განცხადებებისა და თანდართული დოკუმენტაციის პროგრამასთან შესაბამისობას და ამზადებს მოხსენებით ბარათს მუნიციპალიტეტის მერის სახელზე, ხოლო სამედიცინო მომსახურების თანადაფინანსებისათვის მოთხოვნის დადებითად გადაწყვეტის შემთხვევაში სამსახური სამედიცინო დაწესებულების სახელზე მუნიციპალიტეტის მერის ხელმოწერით გასცემს ადმინისტრაციული ორგანოს დაპირებას. სამედიცინო მომსახურების თანადაფინანსება (თანხის გადარიცხვა სამედიცინო დაწესებულების ანგარიშზე) განხორციელდება მუნიციპალიტეტის მერის ინდივიდუალური სამართლებრივი აქტით (ბრძანებით) სამედიცინო მომსახურების შემდგომი, სამუშაოს (სამედიცინო მომსახურების) დასრულების დამადასტურებელი დოკუმენტაციის მუნიციპალიტეტის მერიაში წარდგენისთანავე.“. 6. დადგენილების პირველი მუხლით დამტკიცებული დანართი 1-ის: მე-10 მუხლს დაემატოს მე-7 პუნქტი და ჩამოყალიბდეს შემდეგი რედაქციით: „7. პერსონალური ასისტენტის სერვისის დაფინანსება მოხდება 2025 წლის ადგილობრივი ბიუჯეტის გეგმისა და ლაგოდეხის მუნიციპალიტეტის საკრებულოს 2024 წლის 25 დეკემბრის №19 დადგენილებით განსაზღვრული კრიტერიუმების შესაბამისად.“. 7.დადგენილების მე-2 მუხლით დამტკიცებული დანართი №2 ჩამოყალიბდეს შემდეგი რედაქციით: „დანართი №2 ლაგოდეხის მუნიციპალიტეტის მერიის მოსახლეობის ჯანმრთელობისა და სოციალური დაცვის პროგრამის 2025 წლის ბიუჯეტი და რეალიზაციის ვადა
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| მუხლი 3 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები