„საქართველოს გარემოს დაცვისა და სოფლის მეურნეობის სამინისტროს სურსათის პოლიტიკის დეპარტამენტის დებულების დამტკიცების შესახებ“ 2023 წლის 4 აპრილის №2-173 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ :

„საქართველოს გარემოს დაცვისა და სოფლის მეურნეობის სამინისტროს სურსათის პოლიტიკის დეპარტამენტის დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2023 წლის 4 აპრილის №2-173 ბრძანებაში (სსმ, ვებგვერდი, 05/04/2023, სარეგისტრაციო კოდი: 010240030.22.023.016780) შეტანილ იქნეს ცვლილება და ბრძანებით დამტკიცებული „საქართველოს გარემოს დაცვისა და სოფლის მეურნეობის სამინისტროს სურსათის პოლიტიკის დეპარტამენტის დებულების“:

1. მე-2 მუხლს დაემატოს შემდეგი შინაარსის „მ​¹“ პუნქტი:

„მ¹) თამბაქოს წარმოების ლიცენზიის მისაღებად სამინისტროში წარმოდგენილი  განცხადების და საქართველოს კანონმდებლობით განსაზღვრული სხვა დოკუმენტაციის განხილვა, დასკვნის მომზადება და სალიცენზიო მოწმობის გაცემა;“.

2. მე-5 მუხლის მე-2 პუნქტს დაემატოს შემდეგი შინაარსის „ზ​¹“ ქვეპუნქტი:

„ზ¹) თამბაქოს წარმოების ლიცენზიის მისაღებად სამინისტროში წარმოდგენილი  განცხადების და საქართველოს კანონმდებლობით განსაზღვრული სხვა დოკუმენტაციის განხილვა, დასკვნის მომზადება და სალიცენზიო მოწმობის გაცემა;“.