“საჯარო სამართლის იურიდიული პირის – ქ. თბილისის სამრეწველო-ეკონომიკური ლიცეუმის ლიკვიდაციის შესახებ"

სახელმწიფო სარეგისტრაციო კოდი

040.030.000.22.022.008.736

საქართველოს განათლებისა და მეცნიერების მინისტრის

ბრძანება №599

2006 წლის 7 ივნისი

ქ. თბილისი

საჯარო სამართლის იურიდიული პირის – ქ. თბილისის სამრეწველო-ეკონომიკური ლიცეუმის ლიკვიდაციის შესახებ

საქართველოს ზოგადი ადმინისტრაციული კოდექსის 61-ე მუხლის, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-20 მუხლის 1-ლი პუნქტის, „დაწყებითი პროფესიული განათლების შესახებ“ საქართველოს კანონის მე-14 მუხლის მე-3 პუნქტის, საქართველოს მთავრობის 2004 წლის 21 მაისის №37 დადგენილებით დამტკიცებული „საქართველოს განათლებისა და მეცნიერების სამინისტროს დებულების“ მე-3 მუხლის მე-2 პუნქტის „ა“, „მ“ და „ლ“ ქვეპუნქტების თანახმად, ვბრძანებ:

1. განხორციელდეს საჯარო სამართლის იურიდიული პირის – ქ. თბილისის სამრეწველო-ეკონომიკური პროფესიული ლიცეუმის ლიკვიდაცია.

2. ლიკვიდაციის დასრულების მომენტიდან ძალადაკარგულად გამოცხადდეს „ქ. თბილისის სამრეწველო-ეკონომიკური პროფესიული ლიცეუმის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 20 აპრილის №179 ბრძანება.

3. ბრძანება ძალაში შევიდეს გამოქვეყნებისთანავე.

ა. ლომაია